عندي مشكله اني أحب زوجي بشكل جنوني وماقدر استغنى عنه لو ثانيه وشتاق له حيييييييييييييل لو كان يمي 24 ساعه.. بس المشكله اني حساسه وأخذ الامور بجديه وأزعل بسرعه وأندم بنفس الوقت أمووووت في زوجي والله والله أحبه وأبي أسعده بس ماأعرف كيف....؟؟؟؟
وأنامتزوجه من شهر ونص تقريبا مشكلتي الثانيه اني ابي اخفف من وزني ووزني 58 بس ابيه يوصل ل55 لان زوجي يحب هالوزن ويحب ان وزني يوصل لهالحد مع انه يحب جسمي ويعيبه بس مرات يقوول لي خفي شوي بس ..
وطولي 160
ساعدوني أرجوكم...ولكم التحيه..
اختي ما شاء الله عليك
مادام تنك تحبينه كل هذا الحب اكيد الرجال مبسوط بس حاولي انك تخفين من الزعل كل شوي ترا كثرته شينه
مسألت الوزن 3 كيلو بسيطه مهي شي
تروح بكم يوم
الله يسعدك مع زوجك يارب ويتمم عليكم
تنبيه : أخي الحبيب . كلمة ( ماشاء الله ) تكتب على الصورة السابقة رعاك الله . شكرا
التعديل الأخير تم بواسطة النور والحنان ; 03-10-2005 الساعة 02:44 AM
نصحتي ليك يا أختي أنك تحاولي دائما تضفي جو من البهجة مع زوجك, أنا صحيح مش متزوجة بس أعرف ان الرجل يحب زوجتة تكون مرحة معاه و في نفس الوقت تكون ناضجة و عقلها كبير . ماتزعليش من كل حاجه حاولي تعدي الأمور لأن الزعل الكتير مع الوقت بيكون شيء ممل . و بالنسبة لوزنك , رمضان بيكون فيه رجيم طبيعي و إن شاء الله توصلي فيه للوزن اللي تحبيه و بارك الله لك
[B][U]ماشي مثل الحب ويا الحنان هذا اساس السعاده
ومدامج اتحاتين ريلج اكيد هذا يعني انج وايد مهتمه فيه
بس لازم تخففين من الزعل والمزاجيه لانه اذا تحملج اليوم ماراح يتحملج باجر
بس نصيحتي لج عليج بملعقه حب +حنان في الصباح
وفي المساء علج بالمضاد الحيوي السحري الدلع والغنج
قبل ماتنامي يستحب ان تعطينه قبله ناعمه علي جبينه ((((وصدقيني لها مفعول السحر)))
على قولة أخوانا المصريين (( إبعد حبة تزيد المحبة )) !! يعني الثقل زين وإزا ماتبيه يطفش عطيه شوية حرية ، بطريقتك يمكن يحس نفسه مأسور ، وإحنا صغار علمونا أن العصفور لو نحطه بقفصه مرصع ذهب وألماس مايكون سعيد عشان لازم ياخذ حريته ويحس أنه يملك الكون مو الكون آسره بعش الزوجية ، لاتضغطي عليه ، خليه يتنفس عشان مايمل ، أما الزعل والحساسية الزايدة إلغيها من قاموس حياتك عشان تعيشي مع زوجك بسعادة وهنا ، وثلاثة كيلو مو كثار تقدري تتخلصي منهم بأسبوع بالضبط ، تقدري تخصصي الأسبوع الجاي من السبت للجمعة ( أسبوع ريجيم ) وماتنسي الرياضة ،، يروحو بسرعة ..
مع تمنياتي لكي بكل التوفيق والسعادة
أختك في الله سيدرا
نشكر لكِ حرصك الرائع على إسعاد زوجك وإدخال السرور إلى قلبه .. جعل الله ذلك في ميزان حسناتك .. واعلمي مدام النية موجودة أختاه .. أن الله سوف يير لكِ الأمور ويجعل زوجك من أسعد الناس بكِ إن شاء الله ...
قمت بالنية .. ويبقى عليكِ العمل ..
أهدي إليك بعض الروابط .. التي تجدين فيها كل ما تريدين بإذن الله تعالى ..
مافيه شي صعب بلعكس فيه اشياء بسيطه ممكن تسوينها وهو بيحس انك تعشقينه
يعني اذا دخل من العمل انتضريه عند الباب افتحي له الباب اول مايشوفك مبتسمه اذا دخل يشوف البيت نظيف وريحته حلوه ابهريه بشكلك اول مايدخل يعني سوي حركات جديده
اذا جى ينام حطيه على صدرك وخليه ينام
اشياء كثيره وبسيطه لكن لها مردود قوي جدا
الله يقويك ويسعدك يارب