عزيزتي اقولك الحل وباذن الله يفيدك

شوفي يا ستي ولا ستك الا انا <<<< طريقه اهل مكه :d

لا تعذبي نفسك ولا تجلسي تدهني وتربطي اياديكي ولا رجولك
كل الي تسويه انك تنزلي الصيدليه
واشتري كريم 21 , creme 21 << هوه كده اسمو
لون علبته برتقااااالي
دهني كل ما تلاقي نفسك فاضيه خليه جمبك في الصاله بس عموما ترا مرتين او ثلاثه مرات كفايه
وشوفي النتيجه بعد اسبوع او عشر ايام
لانه فيه فيتامينات ومرررررره ممتاز للجفاف والتشققات
وعن تجربه

من فتره فجاه كده جاني جفاف غريب في اصابيعي والله مره استغربت لان طول عمري اياديه مره ناعمه وما خليييييت ولا بقيت نوع كريم الا واستخدمه
حتى الفازلين ما جاب معايا نتيجه ولا الجليسرين الاحمر
لاني انا مره عجازه ما احب الليمون والزيوت تعيقني وتبهدل ملابسي مررررررره ما احب
احط عصيرات وزيوت على يدي :o
بس استدليت على الكريم والحمدلله كلو ميه ميه واخر حلاوه و نعومه واياديه زي الحرير ;)

وطبعا اشربي مويه بكميه كافيه وكثري من الخضار والفاكهه

ولما تنظفي الملابس او الصحون اتعودي تلبسي جوانتيات وان شالله تستملكي مع التعود
وترا كثره المويه والمنظفات والصابون تنششششف اليد
خليها دايما رطبه بالكريم

وجربي وادعيلي
اختك بنت شييييييك