السﻻم عليكم
اكتب لكم على عجاله من الجوال عندي بكره اختبار الله ييسر واعذروني على كتابتي العاميه
اختي اللي اصغر مني متزوجه من فتره وزوجها طيب وﻻ مقصر عليها بشيء ورومانسي ويدلعها هدايا وتمشيات وسفريات وهي نفس
الشيء سنعه في بيتها وماليه عينه وقايمه بكل واجباته...
بس مشكلت عصبيته اللي تنتهي بضربها وهي مااخفي عليكم لسانها طويل وانسانه
مستفزه من الدرجه اﻻولى واﻻحترام بينهم منعدم حبتين من بداية زواجهم .هو يتلفظ بكﻻم بذيء وهي تعلمت منه وصارت تقول له نفس كﻻمه وياكثر ما قلتها اذا مافيه احترام ماينفع الحب واذا تبين حياتك تاخذ مسارها من الحين على عدم اﻻحترام
فشيء راجع لك وﻻتجين بعدين تحاولين تعدلين هالنقطه ﻻنك اذا ماعدلتيها من الحين مابتتعدل
وبدت تعدل هالنقطه في نفسها وفي زوجها كمان وفيه تحسن الحمدلله لكن المشكله انها كلمتني
اليوم وصوتها متغير وجلست احلفها بالله تقول لي وش فيها وقالت لي انهم اختلفوا على موضوع تافه
وقالت له اصلك حيوان!!!!!! رجعنا ع طير ياللي ،، المهم ضربها ع وجهها ضربه قويه اثرت على اذنها
وقام يبكي ويترجاها تسامحه كالعاده اذا عصب و ضربها مايحس بنفسه وبعدين يرجع يبكي ويترجاه تسامحه
خذاها وراحو للمستشفى وقالوا تمزق في غشاء الطبله وان شاءالله بسيط طبعا السمع في هذي اﻻذن بعد الضربه
شبه منعدم انصددددمت وربي وخنقتني العبره بس مع هذا قلت لها لسانك طويل وهذا
زوجك ماينقال له هالكﻻم واذا عصب روحي منه ﻻتستفزينه اكلمها بانفعال وقسوه عساها تعقل واقفل التلفون
منها وابككككككككي بكاء الله ﻻيوريكم رحمتها وانقههههرت منه قسسم مت قهر صح هي لسانها طويل وتقول
كﻻم ماينقال للزوج وﻻ لغيره بس مهما كان ليش مايتحكم بنفسه بكره بيسبب لها عاهه على عصبيته ذي
طبعا مدري وش اسوي قسم قفل مخي وانقهرت على اختي وخفت عليها منه ،،قولو لي وش اسوي اخاف
يستمر يضربها ويسبب لها شيء تقول اذا عصب مايدري وش يسوي طبعا مالها نيه تروح ﻻهلي ﻻنها معترفه
بغلطها بس اكرر خايفه على اختي ومدري وش الحل مع تكرار الضرب .

__________________

وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~

السلام عليكم ....
خيتي بنادول انتي قلتيها كلامها ما ينقال لاحد وخصوصا الزوج
والله انا قناعتي ان الزوج مثل الاب والام يعني خط احمر وما يجوز ينقاله مثل هالكلام
وحتي ولو كان بالمزاح لاني مثل ما قلتلك الزوج له احترامه وقدره حتي ولو هو غلطان 100%

وانتي ما شاء الله عليك عاقلة وكلامك مرة موزون وحكيم وبصراحة عجبني كلامك لاختك
نصيحتي استمري معاها وعنفيها انا بعرف انها اختك وحبيبتك بس عشان مصلحتها وحياتها
الله يسعدها ويهنيها ويسعدك ويرضى عليك ونعم الاخت انتي ماوقفتي مع الغلط وهذه نقطة عجبتني كثير

اولا
لازم تتعلم تسيطر على اعصابها، وتملك نفسها عند الغضب ،، حتى لو اضطر الأمر انها

تغادر المكان اللي هو جالس فيه،، اذا أحست نفسها لن تستطيع الا تفلت لسانها عليه،،

ثانيا:

يجب ان تضع حدًا لمسألة الضرب مهما كان، هذه المرة تمزق ، اذن مالذي سيحصل في حال دب

بينهم خلاف قوي مرة اخرى لا سمح الله،،

اسأل الله ان يعينها،،

اليوم تحدثنا انا وجاراتي عن موضوع الضرب، والكل اتفق على ان الضرب بالذات اذا لم يوضع

له حد من البداية ،، سيصبح أمرا مستديما، وان قل ..

قلبي المكسور شكرآ لمرورك عزيزتي

معالي الوزيره صدقتي بس وش هو هالحد
المشكله حتى هي غلطانه ..

__________________

وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~

اختي لازم احد يتدخل من اهلك الوضع مره صعب
حتى لو لسانها طويل في الف طريقه يعاقبها
غير انه يسبب لها صمم

[QUOTE=قلبي المكسور;3048957]السلام عليكم ....
خيتي بنادول انتي قلتيها كلامها ما ينقال لاحد وخصوصا الزوج
والله انا قناعتي ان الزوج مثل الاب والام يعني خط احمر وما يجوز ينقاله مثل هالكلام
وحتي ولو كان بالمزاح لاني مثل ما قلتلك الزوج له احترامه وقدره حتي ولو هو غلطان 100%

وانتي ما شاء الله عليك عاقلة وكلامك مرة موزون وحكيم وبصراحة عجبني كلامك لاختك
نصيحتي استمري معاها وعنفيها انا بعرف انها اختك وحبيبتك بس عشان مصلحتها وحياتها
الله يسعدها ويهنيها ويسعدك ويرضى عليك ونعم الاخت انتي ماوقفتي مع الغلط وهذه نقطة عجبتني كثير[/QUOTE


واشكر لك كﻻمك اللطيف ربي يسعدك

__________________

وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~

وهذا اللي قاعده اقوله ﻻزم حل ماينفع كذا
حتى لو هي غلطانه ﻻزم يمسك اعصابه
انا فكرت اقول لها تكلمه يروح لدكتور نفسي
يعلمه كيف يسيطر ع نوبات غضبه بس تدخل
اﻻهل مدري اخاف تكبر المشكله
اشكر لك مرورك ربي يسعدك

__________________

وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~

ياعيني خليها تكبر
بالعكس المفروض الوحدة
من بداية حياتها الزوجيه
تدخل اهلها
عشان يعرف ان وراها رجال وسند
مو تقول بحل مشاكلي بنفسي
بكرة يضربها وهي حامل ونفاس
بعدها يضربها قدام الناس
يا عيني انتي اختها الكبيرة
لا تخلينها تضيع عمرها
واللي يضرب مرة يضرب مليون مرة

لا حول ولا قوة الا بالله

غلطتها ما تمسك السانها
وغلطته ما يمسك ايدينه

يجرحون بعض وقت الخلاف وكلا له سلاحه

طبعا سلاحه هو اقوئ لان سبب لها تمزق

ولكن بما انها الان تعرف حجم غلطتها ويبدوا انها سامحته واعتذر وبكئ لا ينفع الان اي تتدخل لانها متأكده بانها لم تقصر في اهانته بالسب والقذف وغيره وكانت ردة فعله عنيفه

لو كبرتي الموضوع الان بالطبع سيذكر الاسباب التي دفعته لذلك ولن نجد سوئ الفضايح

اتركيها فتره وسترتاح بإذن الله وتهون عليها فعلته

هذا رأيي

محدثتك جربت الضرب على اليد وهي لم تخطئ ولم تقول شي يستدعي لذلك
لو كان فعلها وانا اخطئت قبله لبلعتها
لكن الله يصلحه ويهديه

وعليكم السلام ورحمة الله وبركاته ..
مرحباً أختي الكريمة بنادول ..
أسأل الله أن يُيسر إختباركِ ويكون سهلاً ..
كلاهما مخطئان لكن الخطأ الأول بدأ من عند أختكِ ..
عندما تأتي للبيت تكلمي معها بصراحة وقولي لها لو لم تطيلي لسانكِ لن يمد يديه ، وكذلك عباراتها قوية جداً لاتقال لأخت مابالك بزوج لكن لاأبرر بالضرب ..
ومع رأي الأخت ذات القلب الصبور ..
أصلح الله حالهما ..