مااعرف كيف ابدا مشكلتي
لانها مرره حساسة كاتمتها بقلبي طول هالسنوات وصابرة

بحكي المشكلة من بدايتها
تزوجت واحد مايقرب لي واهله هلكونا اتصالات ان لازم نستعجل بالرد بعدها ردينا عليهم بالموافقة وصارت الملكة
الي صار ان فجأة اسمع انه خطب وحدة ثانية واهله مش قابلين فيني خصوصا زوجة اخوه لان على كلامهم مش جميلة !!!!!!!!؟
كلمت اهلي قلت ماابغاه بدون مااقول لهم الحقيقة قلت استخرت ماحسيت براحة
بعد فترة رجع يتصل فيني ان يبغى يحدد الزواج وان مايقدر ينساني وان أهله رافضين يتزوجني
ماراح يعطوني المهر كامل وماراح يكون فيه حفل زواج الا بسيط
كنت امر بظروف صعبة في بيتنا وافقت مااعرف ليش والله هانت علي نفسي لذي الدرجة
سافرنا المدينة المنورة ومكة وأخذنا عمرة على ان رجعنا نسوي الزواج
للي حصل ان قالوا مانبغى نسوي لك زواج خلاص الناس عرفت ان تزوجوا !!!
اضطريت اسوي بفلوس ابوي

صارت مشاكل كبيرة بيني وبين أهله واتهامات لي وبلاوي وسب وشتم
مع ان يشهد الله علي ماضريتهم بشي نهائيا

صادف ان طلع اسمي في التدريس وبمدينة بعيدة مررره
حمدت الله ان يمكن خيرة وفعلا خفت المشاكل بشكل كبير
ابوي يعامل زوجي على انه ولده حصلت مشكلة صحية لزوجي دفع ابوي فلوس عمليته في مستشفى خاص وكانت تكلفتها 100 الف ريال
أنصدم انهم يسبوني ويسبون ابوي وأهلي عند الناس !!!
أهله رفضوا يدفعون له فلوس العملية قالوا له راح مستشفى حكومي مع ان الانتظار فيه خطر على حياته
كان والله وقتها زوجي يبكي مثل الطفل كل ليلة

المشكلة الاساسية ان زوجي مرره طيب او اقدر اقول ساذج بشكل فضيع
متعلق فيني بشكل جنوني بعد وقوفي معه في مرضه مااقدر اروح الأهلي الا كله يتصل
مااقدر اجلس لحالي الا لازم يجي جنبي
دايما يقول خايف يصير لك شي مالي احد في الدنيا الا انتي احيانا احس يخنقني بتعلقه فيني

استكمالا للمشكلة بدون خوض في التفاصيل ان حاليا لسى ماحملت والسبب ان مايعرف كيف تصير العملية
اي اقسم بالله العظيم وانا صادقه ثلاث سنوات وانا بنت
حاولت معه يقرا او يتثقف لكن بدون فايدة
أهله يحنون فوق راسه ان تزوج وحدة ثانية تجيب لك عيال وهم مش عارفين ان البلا منه
عمري يروح هدر وصلت لعمر 31 بدون عيال وقلبي متقطع عليهم
واهله كل اتصال كل مناسبة يجيبون طاري العيال
فكرت في اطفال انابيب قربت ان كلفتها 25 الف ريال
صعب اصارح احد لمشكلتي لانها حساسة وخاصة جدا جدا

مشكلتك صدمتني !
شوفي مهما عطيناك من حلول الدور الأكبر على زوجك
بما انه متعلق فيك "ماشاء الله تبارك الله"
فهذي نقطة ايجابية تحسب لك
معناها لك تأثير عليه كبير اكيد ؟

حاولي تضغطين عليه يروح لطبيب .. اتوقع اللي فيه نفسي

__________________
اللهم اجعله لي كما أحب ، و اجعلني له كما يحب ، و اجعلنا لك كما تحب.

كيف مايعرف ؟؟ علميه طيب اذا مايدل

او تقصدين عنده ارتخاء او عجز او او

__________________

طيب هل هو عاجز جنسيا ومتكدة من هذا الشي ؟
هل العملية الي سواها اثرات علية ؟
هل يجد صد او منع او صراخ اثناء المحا لة؟
من ناحية انة ما يعرف هذا كلام غير صحيح
ابو عشر سنين الان يعرف تفاصيل العلاقة الجنسية

__________________
سبحان الله وبحمده سبحان الله العظيم

اختي ممكن توضحين كيف يعني ما يعرف ! ، بصراحه اشوف انك تراجعوا طبيب او أخصائي ، في هذه الأمور . لا تعتمدين عليه ان يتحرك من نفسه . وبصراحة ما اعرف اذا رأي صواب اشوف انك تقولين لاهله شخص قريب جدا فقط واستخيري قبل هذه الخطوه.

حصلت بقريبه وبعد سنوات حصل طلاق و نفس مشكلتك غير واضحه وكان سبب الطلاق غير واضح الله العالم بس انه عنده مشكله ،،،، وبس احس ما استفادت شي من الطلاق كل واحد في ناحيه بدل الحياه اللي كانت تجمعهم.

يحبك ومتعلق فيكي .. الله يديم عليكم هذه المحبه ..
اختي تاكدي انه مافي رجال في العالم ما يعرف ! .. يمكن عنده مشكله وخايف او انه خجول انه يصارحك فيها ..
اهنيك على صبرك طول هذه الفتره .. 3 سنوات فتره طويله جدا ..
حاولي تخلينه يكون لك كتاب مفتوح .. اختاري الوقت المناسب اللي بالعاده كل واحد يحكي للثاني عن اسراره او ما يدور في خاطره .. حاولي تخلينه يلغي عقدة الخجل بينك وبينه حتى تعرفين وين المشكله .. والحمدلله مافي مشكله الا ولها حل .. ان كانت نفسيه او طبيه او غيرها ..

اتمنى لكم دوام السعاده وعسى ربي يرزقكم الذريه الصالحه عاجلا غير اجل ..

يعني شلون مايعرف ؟؟
هذا شي يجي بالفطرة ..
الازواج الجدد يتعلمون مع بعض ..
ثلاث سنوات كثيرة جدا .. غريبة مايحس بشهوة وبرغبة ؟؟

أو يمكن فيه عجز جنسي ؟؟

أختي شيء غريب أن رجل وزوجته حلاله تعيش معاه في نفس البيت ولا يقرب منها..
اتأكدي هل هو يشتكي من مرض؟ أو فقط خوف؟ طيب هل أنت تعاني من مشكلة تمنعك مثل خوف او رهاب من العمليه الجنسية؟

اتوقع فيه عجز
مو معقوله محد يعرف شلون
النت موجود والاطباء و الاستشاريين مافي احد مايعرف الا اذا شخص عنده تخلف عقلي