اريد ان اخطبها ولكن اخشى رفض اهلي واهلها
بسم الله الرحمن الرحيم
اولا اقول الف شكر لكل شخص بهالمنتدى واسف اني وضعت الموضوع هنا لأني ماقدرت اضعه من قلبي الا هنا
ثانيا ابي اقول لكم مشكلتي وبسرررعة ابي منكم الحل
انا شاب موظف والحمد لله وعلى وشك الزواج والاهل ينتظرون اني اشاور لهم وهم يتقدمون بس انا رافض لحين اشعار اخر لاسباب تخصني مثل الانتساب بالجامعة و التجارة وغيرة ، الوالد قال لي ابي ازوجك مع اخوك عشان المصاريف تقل عليك وعليه لكن.!!!!
انا من كثر ما شفت من بنات الناس الله يهديهم ومن كثر ماسمعت ومن الشباب اللي بالعمل معاي ( شي يهول ) تصور واحد يعرف اكثر من 24 بنت والثاني من يطب المكتب ومن صباح رب العالمين وهوبالتلفون والثالث يحكي مغامراته مع بنات الحـ... المهم انا وصلت لمرحله فقدت الثقة بالبناااااااات !!!
نعم فقدت الثقة فيهم . ومع العلم اني انسان فاهم وعارف ان الدنيا بخير وبنات الناس اللي فيهم خير واجدين لكن وش اسوي اذا قصصهم اللي تشيب الراس اسمعها واشوفها بشكل يومي.
المهم هذا جزء من المشكله لكن مو مهم عندي لاني متفائل ولم أغلط في حياتي ولله الحمد عشان القى بنت الحلال اللي اكون صادق معاها ولا اخونها لا قبل ولا بعد الزواج ان شاء الله. (جزء من المشكلة)
(المشكله الاساسية) اني لقيت اللي تناسبني بس ما اقدر اقول لاهلي من هي مع العلم انها بنت خالتي !!!
والله ان البنت مافيها شي يعيبها غير انها ماكملت الثانوية لظروف اهلها ولا بدر منها شي يسيء بأخلاقها او اخلاق اهلها
لكن المشكلة في الموضوع ان ابوها صار مليونير فجأة ومن اصحاب الملايين مع العلم انهم كانوا لابأس بحالتهم وكل اللي حوله قالو انه حصل عليها في فترة وجيزه ( يعني الموضوع مشكوك فيه ) واخاف ان اهلها يحسبون اني داخل على طمع مع العلم ان اهلها كانوا يقولوا لعيالهم شوفوا فلان وخلوكم مثلة ( يعني انا ) بس للاسف هالحين الوضع تغير .
المشكلة الثانية ان حصلت مشكلة سابقة بيننا وبينهم وصارت مثل الوشم بالجسد لايزول الا بالكي ورجعت المياه لمجاريها لكن مع بعض الحزازيات والثقل معاي خصوصا لأني انا من التفت للمشكلة اللي صارت
المشكلة الثالثة اني اخاف رفض اهلها يؤدي الى حزازيات بين العائلتين وبيني وبين اخوها اللي طول عمرنا مع بعض من زمان وان شاء الله ما نفترق .
واللي قاهرني ان البنت ما فيها شي يعيبها ولا هي تنعاف وانا ولله الحمد نفس الشي بس بنروح ضحية كبرياء وغرور من العائلتين .
الزبدة ابغا اوصل لاهل البنت اني طاااااااااااااااير عليها كيييييييييييييف ؟
مع النظر في المشكلة الاساسية لي
واخاف ابوي يرفض واخاف ابوها يرفض واخاف امها ترفض وامي بعد واخوها يرفض واخواني بعد
( ويصير زواج بقرار جمهوري)
الله يخليكم وش الحل
مع العلم ان البنت من النوع اللي محترم جدا جدا واللي حببني فيها اخوها اللي مايفارقني ولا افارقه من صغرنا و صداقتنا والمصيبة اني ماقدرت حتى المح لاخوها
تكفون بليييز بليييز شوفو لي صررررررررفة
ترا والله لابكي وسط المكتب لو ما رديتوا علي بسرعة.