بسم الله الرحمن الرحيم

السلام عليكم ورحمة الله وبركاته ..

صراحة استفدت من هذا المنتدى الكثير الكثير .. سواء من طرحي لموضوعات سابقه أو من خلال متابعتي للمواضيع المطروحه .... إلخ

* المشكله :

طنااااااش خطيبتي لي ... اتصالات ماتدرد إلا نادر رسائل ماترسل إلا نادر .. طبعا متملكين .. أحيانا أقلدها واطنش ترجعلي مباشره وتسأل عني وتخاف علي .. وتقول أحبك وتكفى لا تتركني ... لكن بمجرد إني أرجع.. طنشت تماما .. تعبت ما أدري إيش الحل ...

وحتى عند الزيارات ترفض اني اضمها او ابوسها ما ادري ليش تقول الحياء ذابحني ... وأنا متأكد إني لو طنشتها راح ترجع لي وبقووه ..

ثانيا من ناحية الاتصالات ما عمرها اتصلت علي تقول استحي واخاف اتصل وتكون مشغوول ..

مرة طنشتني شهرين كاملين طبعا لوجود خلاف بسيط وهو لأني عاتبتها ليش مهملتني فقط لاغير .. لكن بعد الشهرين ارسلتلها وقلت إذا ماتبيني عادي نتفارق مع اني متمسك فيك أنا واحبك فبمجرد هذه الرساله رجعت مثل الألف ..

لكن أنا أبي نكون مستقرين مع بعض يعني لاأطنش ولا تطنشني ... تععععععععععععععععععبت ..

لنا سنة عاقدين .. عمرها 21 وعمري 26..

حلولكم ؟.. ولكم مني دعوات بظهر الغيبب ..

مدري وش اقول أخوي الله يعينك

طيب ممكن أسألك كم باقي على زواجكم؟

من تحليلي انت واضح عاطفي مندفع وهي العكس فأنصحك بأتباع منهج الوسطيه يعني لاتبالغ في أظهار مشاعرك ولا تقطع مره وخاصة انك وضحت انك أذا تجاهلتها تتعدل.

بخصوص أذا زرتها ورفضها للأشياء الي قلت هي ذكرت ان الحياء يمنعها ويمكن عندها قناعه أن هالأشياء وقتها بعد الزواج..

ولاحظت انها تكرر سبب الحياء اكثر من مره يمكن فعلآ هي حياويه وماتقدر تظهر مشاعرها ولاتبادلك الي تبي..

أن شاء الله بعد الزواج وهي الحياه الفعليه لزواج يتغير حالها وتكون لك بالي يرضيك..

الله يسعدك ع الرد .... باقي تقريبا 6 أشهر ...

ويسعدك يارب.. خلاص أخوي الفتره الجايه أشغل نفسك بتجهيزات الزواج..وخفف تواصل معها..

الحياه الزوجيه تبدى فعلآ بعد الزواج لما تتعود البنت عليك وتفهــــمون بعض أكثر بالعــشره..
وصدقني البنت مهما كان تراها عاطفيه ومشاعرها جياشه وبيجي اليوم الي مشاعرها تتوقد لك..
بس مثل ماذكرت اتبع منهج الوسطيه لاأفراط ولاتفريط حب وأعطي بحدود..وبالدرجه الي يتقبلها منك الطرف الثاني..

الله يوفقكم ويجعلكم قرة عين لبعض

__________________
{اللَّـهٌـمَ أنـي أَسْـأَلٌـكَ الـهٌـدَى والـتٌقَـى والـعَـفَافَ والـغِـنَـى}

قبل الزواج انت تلاحقها
بعد الزواج هي راح تلاحقك

اصبر ^^

اللّه أعلْم زوجَتك تتبّع أسلوبَ الثقّل ولاهي واضٰح جداً انها تحبَك خذلك فره ع المنتديآت النسائيّه وشَوف وصآياهم لبعض ( مآيجّيب راس الرجًال إلا الثقل ، احقرْي رجلك يتبعَك ..... الخ
انا فَاهمه إنكَ مَتضايّق من تجّاهلها ونفَسك العَلاقه تصيّر أجمل وأقوى ... لآكن لعلهآ خيره مره قريت تحليل إستشارية زوجيه تقول لايٌفضل إستهٰلاك العواطف وإغداق المَشاعر فَترَة الخطَوبه وكتبت السبَبَ انو بعد مّاينتهي كلام الحب تبقى فقَط العلاقَه الجسديّه ثم المَلل ... أمَانةٍ مّ اقتنعت بَرايهها مَشآعر مّاقبل الزوَاج ذكرى كَالكنز فّي حياة كٰل متزوجّين ...

بّحآلتك أنت ظروّري تصآرحها إذا التطنيش مّافاد ...
قولها أنا حلالك وأنتي حلالي احبك وواثّق تحبّيني ليشٰ نعيّش هالفتوّر ليشَ أعطي ولآ أخذ لازم الطرفين يتبادلون الحب عشان تكَون العلاقه اجمّل وإذا تسميّن أسلوبك ثقّل وتظنيّن إنه يرغبَني فيك أكَثر ظروري احَذرك انه يفتّر مشآعري إتجاهك > لآزم تخآف ..
وفيه نقطة ضعف لكَل أنثى قولهآ إذا أنا مّالقيت العّواطف والحُب اللي انتظَرته سنيْن بّالحلال تَرى الشيطّان مّامات وبَكل مكَان أنا معرض للفتنَه مجردَ مّاافتح اللاب وبظغطة زر ممكن ألقى وحده تعوضنَي عن اللي حرمتيّنياه ...

وبّأذن الله بَتحس بحآجتك وتغيّر أسلوبها وتنتبه عليَك
وأنت شجعها جآيز هي ماتبي تتوآصل معًك كثير وتزّهد فيّها وتطنشها ساندها عشان تشيل هالظٰنون من رآسهآ

ويآرب تعيشون أيآم حلوه 3>

اخي الفاضل فترة الملكة عندما تطول تكون احيانا سببا مباشرا في فتور المشاعر بين الزوجين بسبب شعورهما او شعور احدهما احيانا بوجود قيود مازالت في عقله الباطن تحد من ابداء مشاعره ممايتسبب في الملل فتعجيل امر زواجك هو الحل الانسب لمشكلتك لانه سيجعل زوجتك تتحرر من قيودها بمجرد علمها وتيقنها بانكما اصبحتما لبعض وبدون حواجز ::: وفقك الله اخي الفاضل

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

الله يسعد كل من رد ..

بس أتمنى أسمع آراء البنات لأنهم أدري .. ولامانع من ردود الاخوه الرجال ..

يمكن بس تبغى تثقل
اتركها فتره عشان تشتاق لك وتحبك اكثر

__________________

الله يسمع منك .. والله يبعد الطفش عنك ..ههههههه