السلام عليكم...

مشكلتي اليوم وبدون مقدمات ان زوجي يشوف افلام اباحية ويدخل منتديات فيها صور خلاعية للبنات..انا اكثر من مرة شفت في جهازه ومرات اقوله اني شفت واتهاوش معاه...ومرات اشوف واسكت واحترق داخلي..المشكلة ان احب زوجي مرة وهو يحبني مووت ومايستغني عني وفي بيننا عشرة 5 سنوات وبنوتة الله يحفظها..وياليتني من الزوجات اللي مهملين انفسهم عشان الاقي له عذر..وقسما بالله اني دايما اتزين له واحتى احيانا يقولي سوي شعرك ويفي او خليه مربوط..والبس له انواع اللبس ..ومحافظة على جسمي واسوي رياضة بانتظام..حتى اهله مايسموني الا الرشيقة..وهو دايما يمدح في جسمي..ووقت مايطلبني في السرير اجيه واحيانا انا اطلب منه بس هو اكثر..قولولي يا ناس ايش يبغى اكثر..

اللي يقهرني انه يستغل فترة غيابي عنه ويدخل يشوف هالاشياء..يعني حتى صرت مااتطمن لما اروح لصاحباتي او اهلي اقول ياربي يمكن يكون الحين هو يشاهد هالافلام...خلاني حتى اشك فيه استغفر الله بس هو اللي وصلني الى هذي المرحلة..يعني تعامله معاي جدا راقي..وزوج واب متعاون..ومتفهم ..ليه يسوي مثل هالاشياء..يعني لو كنت اتمنع عنه او مااهتم بنظافتي او بشكلي كان ممكن يكون عنده عذر..بس كل شي موجود عنده ويطلع في هالبنات..اللي حرام فيهم اسم بنات اصلا الا حيوانات..

انا مرة جلست اتناقش معاه في الموضوع..واقوله ليه تشوف هالاشياء..يعني اذا بتشوفها خلاص مايحتاج تقربني مادام عندك شي يسليك..يقولي لا انا ارتاح لما اكون معك اكثر بس هالافلام اشوفها مرة او مرتين في الاسبوع...طيب ليييييش...؟ يقول من لما كان في متوسط صادق ناس علموه على هالاشياء والحين يحس مايقدر يقطعها..طيب اول هو كان مافيه شي يشبعه..بس الحين متزوج...صحيح انو انا مو معاه كل ايام الاسبوع لاني ادرس فما اشوفه الا بالويك اند...بس يعني مايقدر يصونني في غيابي ويصبر الين اجيه واشبع رغباته بالحلال..والمشكله انه ينبسط عليي في السرير ..وثاني شي اذا بنقول مايقدر يصبر لاني بعيده عنه في الاجازة الصيفية مع اني معاه بس بردو يشوف هالاشياء...

هو حاول يقطع عشاني من قبل وجربها 3 اسابيع وكان كل مابين فترة يقولي عشان انبسط وانا واثقة انه صادق معاي لانه صريح مايكذب عليي ابدا...بس بعدها قالي انا اسف خربت الوعد..بس والله ماكان قصدي وغصبا عني...انا احس انه يبغى يترك هاللاشياء عشاني وخصوصا انه لما ازعل عليه مرة ينقهر من نفسه ويحاول يرضيني ..ويتأسف ويقولي سامحيني..بس انا ماعرف ايش اتصرف وايش اعمل


ياجماعة الخير ..دلوني على حل...لا تقولو لي الله يهديه واصبري واحتسبي...انا ادعي له بالهداية بس ابغى تصرف مني يخليه يقطع هذي العادة..وخصوصا اني الحين عايشة في بيت اهل زوجي وبعد فترة بنتقل الى شقة وابغى هذي المشكلة تنتهي قبل لا نروح الشقة


انصحوني يا اخواني واخواتي..

الله يكون في عوني و عونك !!

حبيبتي بقول لك على شي ..

انا زوجي كمان مثل زوجك .. وجربت 3طرق ::


الاولى ..اني ازعل منه واتضايق فردها لي اسبوع كامل ..ولا حاول يناقش او يقوا اسف


الثانيه بطريقة سخريه وتقليل من الشأن بتسأليني كيف .؟


فتحت كمبيوتره ولقيت هالاشياء في المستندات ..ارسلت له رساله اذا جا حبيبي يطلع لي بدي اياه في كلمه حلوه ..


هو طبعاا طلع يشوف الكلمه ..


مسكت كمبيوتره قال وشو الكلمه الحلوه (قلت له نصيحه لك ) قال ايش


قمت اقرى الكلمات اللي تدل على هالافلااام


هوه انصدم كيف عرفت .؟ قلت له ياحبيبي انا ماهمني تشوف قدامي والا ماتشوف انت ربي اللي بيحاسبك مو انا

لكن انا ابي اعلمك كيف تمسح المحفوظات (هنا وجهه صار اشكال والوان ) مو عشان شي ولا اقلل من قدرك


لكن لو عندك عيال وفتحو الكمبيوتر وشافوها ؟.؟


لو اخوك او اختك فتح الكمبيوتر وشافها ؟؟


وش راح يكون موقفك ؟؟


طبعا قام انكر انه مو هو ومن هالكلام ..قلت له ..(انك لاتهدي من احببت ولكن الله يهدي من يشاء )*


انا ماابغى منك تراضيني ومن هالكلام ..لاني انا عارفتك ودارستك .. لكن الخوف من الفضيحه قدام اهلك


يوم يعرفو ان تعبهم راح بيوم وليله .. وعلمته كيف يمسحها (وانا قصدي استهزأ فيه واني مو غافله عن كل اللي يسويه)


قام طلع من الغرفه وصار يمسح هالاشياء اذا شافها


ثالث حل ...اني طنشته واعطيه اشكل ..وصرت اؤمن ان اغلب الرجال كذا


مو لانهم مايحبونا او مرخصينا لالالا ........


لان طبعهم شهووواني بحت ..فمشكلتي يا اختي مثل مشكلتك ..


لكن انا يئست وانت مازلت تبحثين عن الحل


وفقنا الله واياك

حبيبتي اعانك الله على مصيبتك ...

حاولي تطنشينه ... وتطنشين وضعه ... اذا كان ما ينام الا معاك ...

ولكن بعد ان تنصحينه ... بكلام ديني ... حساس ...

وقبل هذا وهذا ... الجئي الى ربك ..

وبيني له قربك من ربك ... مو نفاق ... ولكن عله يتأثر بك

__________________

اختي الهدى..ايه والله الله يعين..والله يهديهم

اختي زواج الهم...يعني قولك مافيه امل ..!! يعني معقول الرجال اغلبهم يشوفو هذي الاشياء حتى لو متزوجين ..يعني صادق اللي يقولو الرجال مايملى عينهم الا التراب ..ياليت تكون بس فترة وتعدي مع الوقت..انا اخاف شي يجر شي..اخاف بعدين يمل من المشاهدة ويبغى يطبق الشي ..هو زوجي ملتزم ويخاف ربه ومااحسه من هالنوع بس ايش اللي بيخليني استبعد انه ممكن يسوي هالشي مادامه يشوف افلام!!

صح لسانك ورد وذبل..بس خايفة اطنشه ويتمادى..انا احس اني هبلة لما اشوفه يشوف هذي الافلام وانام معاه واسعده..ليش وهو يحرق قلبي ويشوف هالمناظر الخلاعية ..بس المشكلة اخاف لو هجرته تزيد المشكلة ونتباعد اكثر
واعالج الغلط بغلط..ياليت لو القى حل..

اعذريني أختي سأدلي بدلوي

والله يا أختي الحلول كثيرة ويسيرة على من يسرها الله عليه

لكن زوجك يحتاج توقفين معاه ولا تأيدينه على اللي يسويه لأنه سيؤثر على علاقتكم إن استمر على هذا

زوجك باين من كلامك إنه متساهل بهذا الأمر لما يقول (أتسلى)

كيف نتسلى بشي يغضب رب العالمين؟ الله يتوب على الجميع

موضوع الأخت أم جمانة يمكن يفيدك

http://www.66n.com/forums/showthread.php?t=177215

اقتباس:

..اخاف بعدين يمل من المشاهدة ويبغى يطبق الشي ..هو زوجي ملتزم ويخاف ربه ومااحسه من هالنوع بس ايش اللي بيخليني استبعد انه ممكن يسوي هالشي مادامه يشوف افلام!!

ابفهم بس

كيف تقولين عنه ملتزم ويخاف ربه ويشوف افلام اباحية ؟

يا اختي ما تجتمع صفة الالتزام مع مشاهدة هذه المناظر

ابدا ابدا

الله يهديه

يجب أن يقوي علاقته مع رب العالمين

والله انه المشكلة موجودة بكل بيت للأسف . وأولهم بيتي انا شخصيا ولكني مثل اختي زواج الهم .. يأست

وما قمت اكلمه وبس ادعي له

اختي ذكريه بان الملائكة ماتدخل البيت ---واذا ربنا اخذ امانته وهو يشوف هذه المناظر فسوف تكون سوء الخاتمه ماادري ايش الي يعجبهم لمناظرهولاء الحيوانات الي تجيب الاستفرغ والتقزز مجرد من سماعها .انا بصرحه كان زمان ولكن صبرت ونصحتة وبعدها اعلنت الحرب وقلت اذا استمريت سوف افضحك عنداهلك انااطفالي بعدين يكبرو ويكتشفو ابوهم على هذه الحاله والله ماظلمه بعد عنها بالتدريج--- وكنت ادعي ان ربي يخليه يشوفها امام عينه نار وشراروفعلا ربي فطمه منها والحمد لله الان انا جالسه له على الصلاة يصلي فرض ويترك فرضين ومشاكل الله يعين -----تدخل الوحده منا عند بعض الازواج نقيه تلاقي امامها بلاوي اللهم اهديهم وصبرنا-------اللهم حسن خاتمتنايا ارحم الرحمين.

__________________

اقتباس

ابفهم بس

كيف تقولين عنه ملتزم ويخاف ربه ويشوف افلام اباحية ؟

يا اختي ما تجتمع صفة الالتزام مع مشاهدة هذه المناظر


الله اللي يده بالما ماهو مثل اللي يده بالنار ياكثرهم الملتزمين ويناظرون هالاشياء من تجارب مريرة الله يعين لاتشكيلي ابكيلك