السلام عليكم


يمكن تذكروني ويمكن لا

للتذكير هذا رابط موضوعي الاول


http://www.66n.com/forums/showthread.php?t=208767


وهذي التكمله ....بقول باختصار لاني مستعجله بعدين افصل لكم



اهلي توهم يجون من يومين تقريبا

اول ماجاو كلمو زوجي وقالو له تعال خل نتفاهم

كان رده ان انتو تعالو انا ماني بداخل بيتكم من بعد اخر مره <<< وله عين بعد


تخيلو ابوي كبير تعبان وتوه جاي من سفرة علاج مو وناسه هذا غير انه مايشوف عدل والمسافه بين بيتنا وبيتهم ساعتين تقريبا .. صدق وقااااااااااحه


بعدها قال افكر وقت ماافضى اجيكم


بعدها بساعه اتصل قال جاي الخميس اللي هو اليوم ....الحين هو عندنا مع اهلي واسلوبه جدا مقزز وتعامله مع اهلي كله صراخ


من بداية الحوار للنهايه كله اني انا الغلطانه واني مو زينه دايم اتهاوش وانه انه انه

نسى فعايله

واذا امي تتكلم تبغى تقول شي او انها قالت شي تطلع فيه فضايحه قام يعلي صوته يعني يغطي على السالفه او يغير الموضوع

الزبده يقوووووول انه كرهني خلاص <<< شدعوه ميته عليه


سمعووووو شرطه الاخ يتشرط

يقول شرطي علشان ترجع وارضى فيها مره ثانيه

انها تطلع من وظيفتها واخذها بيت اهلي اجربها شهر<<< لاحظو كلمة اجربها

بعدها اخذها معاي المنطقه اللي انا اشتغل فيها وبح وظيفه..

يبغاني افصل من عملي يقول ان اخلاقي سيئه وشايفه نفسي كله من الشغل

لاااااا لحظه خل اكمل ...


بمنطقة شغله بيحط لي سكن ؟؟

قال مو شرط مستقل....مع اختي


خييييييييييييييييييير ؟؟؟!!!!

طيب انا وش يضمني اني اذا فصلت بيصير هو زين

بعدين شغلي انا ...انا تعبت وكافحت وطورت نفسي واحب عملي

يقول هو اذا بعدها شاريتني بترضى بشرطي


طيب وانا ؟؟؟؟!!!!


تقول له امي شرط بالعقد انها تظل بوظيفتها...قال اي اهم ؟؟؟


<<<< اضمن الوظيفه ماضمنك انت بصراحه


تقول امي شرط بالعقد ان يكون عندها سكن مستقل ...يقول ماعندي وش تبيني اسوي؟؟

<<<< اسكن مع اختك علشان تتوحدون فيني؟؟

طيب يوم انك تدري انك كذا ليه ترضى بالشروط يوم العقد وتوقع ؟!!!!

لو بكره تجمعو علي وسوو فيني شي وانا غريبه هناك ؟؟؟؟!!!!!

ويعني بس هذا انا اظل بس اطبخ واكنس له من بعد ماسوى اللي سوى ؟؟؟

يعني يقولها اشكره لامي اني مااحبها ماعاد في حب بس برضى فيها بس هذا شرطي

ليه وش شايفني؟؟؟؟؟ خبله ؟؟؟هبله ؟؟؟

هذا غير اني ملتزمه ماديا يعني وش هالشرط السخيف

انت ياالثور يوم جيت تخطبني ماكنت تدري اني موظفه ؟؟؟؟ والا بس عناد هو؟؟


احسه يسوي كذا يبغى يكسرني

يعني شوفي

جبتك غصبا عنك

وطلعتك من وظيفتك

و سكنتك مع اختي

وبالرايحه والجايه بضربك



لان هو قالها صريحه بحبسك بصبحك بسطار وامسيك بكف




قولو لي شرايكم انتو هو للحين موجود وش اقول بالضبط

انا جلست اسمع كلامه كله من ورا الباب لاني مابغيت اشوفه يااااااااااااااااااربي على الكذب يكذب كذب مو طبيعي

كله مطلعني اني الغول الوحش وهو الملاك

وذبحني ذبححححححححني لاني مارحت معه بيت جده اتغدى هذاك اليوم لاني كنت تعبانه وحامل وكان عز خالتي يعني ام النفسيه الزففففففففت لوع كبدي بذاك اليوم كله يردده


انتظركم

شوفي يا اختي
انتي ايش اللي حادك عليه ..

اتركيه وخليه يضف ..
هذا ما احترم امك رغم ان امك تحاول الاصلاح
كيف راح يحترمك ..

اتركيه وماعليكي منه ..
خليه ( يطس ) وانتي خليك في وظيفتك
ترين الرازق الله مو هو .. عشان يتحكم



الله يكون في عونك

ما ادري ليه بعض الرجال ودي افقع وجيههم ..

__________________

الله يعينيك على ما ابتلاك حبيبتي

واضح انه كل واحد منكم بواادي

انعدمت بينكم الرحمة و المودة .. انعدم الاحترام و التفاهم

انعدم الشعور بالامان و الثقة .. و هذه كلها اساسيات الزواج السليم

فاذا انعدمت ايش بقى ..

اذا عليك بقولك تطلقي و ارتاحي و ريحي راسك من همه .. هذا ما ينصبر عليه و لا

ينعاش معاه و بكرة بيجيك اللي احسن منه ؟؟؟

لكن

الحين همي بابنك .. اذا حصل انفصال ايش بيكون مصيره ؟؟ زوجك بيتركك تاخذيه

ولا بيحرق قلبك عليه و ياخذه بس انتقام منك ؟

و اذاا اخذتي حضانته الان .. طيب و لما يتم السابعة بياخذه منك .. هل تقدري

تعيشي بدونه ؟؟؟

الله يفرج همك ياررب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

لا حول ولا قوة الا بالله
قريت قصتك كاملة ورغم ان ردودي قليلة ومااحب انصح احد لاني اخاف من نتايج النصيحه الا اني ماقدرت اسكت ولا ارد
زوجك هذا سافل ومنحط لابعد حد وماعنده ذرة رجولة واعذريني على الوصف هذا بس الي سواه غريب وعجيب لا وبكل وقاحه جاي يتشرط بعد انا نصيحتي لك تحتفظين بوظيفتك واحذري تفرطي فيها لان زوجك وامثاله من الرجال مالهم امان خصوصا اني ماني شايفه اي صفه حلوة فيه تخليك تتنازلين عن كرامتك ووظيفتك علشانه ...تمسكي بوظيفتك وربي ولدك افضل لك وان شاء الله بيعوضك الله بالي افضل منه ويقدرك ويصونك ..
ادعي الله يعوضك خير ويرزقك ويطرح البركه بولدك واستغفري كثير وربي ماراح يخيب دعائك ان شاء الله .

__________________
يسخر من الجروح ... كل من لا يعرف الألم

السلام عليكم أختي الكريمة و الحمد لله علي سلامة الوالد والوالدة و ان شاء الله يكونون بصحة وعافية يارب!

و الله يا أختي أنا كنت أستني تقولين لنا أيش اللي صار خصوصا أني كنت من المتابعين لموضوعك أول مرة مع باقي الأخوة والأخوات و ودي نعرف أيش صار شيء جديد مع المحامي أصلا بعد الموضوع الأول

شوفي اختي انا قريت قصتك كامله وانتي ممكن انك تعدين له امور كثيره من اللي حصل لك معه وتصبرين عليه بقدر المستطاع الا انك تتركين وظيفتك لانها الامان لك بعد الله سبحانه وتعالى وباقي الامور تهون وبسيطه اصبري والله سبحانه وتعالى ماراح يخيب صبرك ورجاك وراح يبدل الحال باحسن من ماكان عليه ولكن وظيفتك هي اهم شي غير كذا مقدور عليه وتنحل مع مرور الزمن وحاولي انتي والا زوجك واحد منكم يكسر شوي من التعالي والتصادم فيما بينكم يعني اذا شد واحد منكم الثاني يرخي شوي وهكذا والحياه الزوجيه ليست كلها حب وموده لابد مايطرا عليها من تغيرات بين الزوجين وعليكي بلين الجانب مع زوجك والهدوء في الكلام معه والرسول صلى الله عليه وسلم يقول المؤمن يكون هين لين0
ونصيحتي لك الصبر والدعاء بان يهدي لك زوجك واكثري من الاستغفار والصدقه والله يجمع بينكما بخير0

__________________

	سبحان الله وبحمده سبحان الله العظيم0

والله انا اشوف الفكه منه احسن حل استخيري واستشيري

والله يسهل عليك ويحفظك من كل الشرووووور

أختي

الزواج راحة واستقرار

والوظيفة مطلب خاصة إذا كانت حكومية وثابته

مافيه وحده تترك وظيفتها اذا كان الزوج كويس

فما بالك بوضعك

استخيري الله بأمرك

حسبي الله عليه ونعم الوكييييل

والله لواني في مكاانك مااجلس معه دقيقه لانه موقد المسؤليه

خليك في وظيفتك والطلاق مونهاية العااالم صدقيني ع الاقل بترتااااحين نفسيا

حاااافي منتف وله وجه يتكلم ع امك اللي مااحترم اهلك مستحيل يحترمك بس واضح انه ماله كلمه

كلمه تجيبه وتوديه

الله يعوضك و يخليلك امك وابووك والله يشفيهم ويحفظهم وطمنيني عليك

لان هو قالها صريحه بحبسك بصبحك بسطار وامسيك بكف

الزوج اذا كان بهاذي العقليه ..!! مصيبه !!
بكره يتجرا ويضربك امام عيالج !!! وبعدين!!
والنتيجه اب متسلط وام مهدوره كرامتها و اعيال معقدين !!!انفصلي عنه وربي يعوضج باللي احسن منه .. صدفيني !! احساسي يقول انه يبيج تنفصلين من الوظيفه بعدين يردك لبيت اهلك !!!

__________________
اللهم احفظ لي زوجي وسخره لي واحفظ لي اولادي