السلام عليكم

اكيد بتقولوا..مسرع ما رجعت لنا غلا

بس والله العظيم اني بحاجتكم ولا ابغى استشير إلا أنتم

اكيد اغلبكم عارفين موعي الأول (خيانة زوجي)

ولكن بحاول يكون هذا اخر موضوع لي لآني والله العظيم واشهد الله استحيت على دمي من كثر مشاكلي..

مشكلتي اليوم واللي ابيكم تساعدوني فيها ويا حبذا الرد من الرجال

أمس تناقشت انا وزوجي ..وعلى طول تحولت لمناقشة حادة ..تعرفون زوجي ما عنده صبر ولا يحب كثرة الكلام

بدت السالفة عن هذه اللي كلمها بالجوال..

وقلت له هاه مسحت رقمها..

قال مالك شغل ..

قلت كيف مالي شغل ..قال انا حر انتي نصحتي وبريتي ذمتك وانا اكلم ...ما اكلم بكيفي..

المهم تطور النقاش لسالفة العلاج من تأخر الحمل

وقال ما يبغى يتعالج ولا يعالجني ولا يبغى اصلا عيال ..

وقال اني انا ابغى اقهره واني ابغى اطفشه و احول حياته لهم

قلت كيف ..انا ما ابغى منك شيء..تغاضيت عن أشياء كثيييييييييرة

بس ما طلبت منك إلا اننا نسعى للعلاج..خلاص ..كم عمر زواجنا ..(سندخل الثالثة عشر من الزواج)

قال اصلا الزواج هم وغم ونكد

انا غلطان اني تزوجت وش ابغى بالزواج

والله لو واحد استشارني انه يتزوج بأقوله لا يتزوج وقالها وهو مغصب..

المهم انا جن جنوني وبكيت في داخلي لكني متماسكة ظاهريا

قال انتي وش ناقصك ..بس تبغى تنكدين علي

ما تعرفي ان علي ديون

قلت له ..انا عارفة وتعرف ان ما همي غير انك تعالجني واحمل واجيب اطفال وانشغل واياهم و ترتاح مني

قال ..لا انا ما ابي عيال

كفاية انتي مكرهاني عيشتي

انا اكره كل الدنيا ..نفسي اقعد وحدي..ما ابغى اقابل احد لا انتي ولا اهلي و لا عمل ولا شيء

المهم زعل وانا كمان زعلت و كعادتي ..رحت غرفة ونفست عن نفسي بالبكاااااء

المهم اليوم جا من العمل زعلااااااان..

وكان يكلمني بطريقة باين عليه انه طفشاااااااان مني ولا عاد يبغاااااني و انه قد مل مني..

وبعد العصر قالي ..شوفي يا

المهر حقك بيرجع لك ..واكتبي كل الفلوس اللي ساعدتيني فيها (لآني كنت استلم زمان مكافئة الكلية)

قال بعطيك و دام حياتي دين في دين ..بعطيك و افتك منك.

قلت له تعرف ان ما همي فلوس ..انا ما ابغى منك غير حسن المعاملة و توديني اتعالج

قال انتي تقولي اني ما اصرف عليك وانك متبهذلة

(بصراحة ندمت امس قلت له..شف ملابسي كلها من عند اخواتي وما عندي ولا سوارة خفيفة ذهب ..شف كيف الحريم ..لابسات وكاشخات وانا كأني فقيرة مع راتبه 5000 واشتريت سيارة 2006)

عصب قال إيه انا بعد 4 سنوات بأشتري سيارة جديدة بكيفي

وكمان امس قلت له.. حتى زواج اخوي اللي بعد اقل من شهر ..باخذ فستان قديم اللي قد حضرت فيه زواج اخوي الاول..وما عندي اكسسوارات زي الحريم ..وقلت له ان تركت اشياء كثيرة ابغاها مراعاة له )

بس هو ما قدر

المهم لب الموضوع ..ان زوجي بعد العصر ..قال انه بيطلع فلوس من البنك و يعطيني مهري المؤحل (طبعا الشيك عند امي)

بس يا ناس خلاصة الموضوع

ان زوجي قالها بطريقة اني انا ما عاد أهمه واني انا عالة على قلبه واني طفشته عيشته

وانا خايفة انه يتركني ..انا خايفة ما عندي بعد الله إلا هو..انا عندي اخوان الله يخليهم لي بس انا

ابي زوجي ما ابي احد غيره ..اريد ان اعيش معه حتى اموت

هو قال لي اكتب كل شيء لي..وبيعطيني..انا اخاف انه يبي يصفي حساباته معي ..و يتركني

سأموت حزنا وقهرا لو طلقني..

هو قال ان دام حياته دين في دين ..ان المسألة خربانة فرح يعطيني حقي وينفك مني

انا ما عمري طلبته حقي من المهر.. ولا اذكر انه (قال لي بيعطيني مهري إلا اذا زعلنا من بعض كثير جدا يمكن ما قال لي انه بيرجعه لي إلا مرتين أو ثلاث في حياتتنا مع بعض)

انا قلقة جدا واحس ان البيت كئيب هو يجي وينام وعلى كمبيوتره وانا كمان

ملل روتين خوووووف من تطور الأوضاع

لا سامحها الله من كانت سبب في تطور خلافنا لهذا الحد ..

تكفوووون طمنوووني ..هل زوجي بهذه الخطوة شكله ناوي على الطلاق

وحتى لو اعطاني هل ستتغير صورتي في ذهني مع اني لم اطلبه انا بل هو اصر على ذلك.وهل سيخف حبه لي و تموت المشاااااااعر بينا

كيف اتصرف ..ماذا اقول ..هو زعلان مني ومكشررررررر لآخر حد وما نتكلم مع بعض إلا كلمة ورد عطاها

سامحوووووووووني ..عارفة اني غثيتكم بس رجاء اللي في قلبه شيء او انه مل لا يكمل لآني عارفة ان

كلامي حول هذا الرجل ما يخلص و انه يجيب الملل ..

ما لي بعد الله إلا انتم استشيره

لا حول ولا قوة إلا بالله

اللهم اني اشكو اليك ضعف قوتي وقلة حيلتي وهواني على الناس

لا إله إلا انت سبحانك اني كنت من الظالمين

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

اختي ما حاولتي تدورين على عمل ؟؟؟؟؟
منها تكفين نفسك وتعالجين نفسك عشان تحملين .. ومنها تساعدين زوجك ..
عفواا انتي قلتي راتبه(500) بس

__________________
********

حاولت..ونفسي اتوظف بس مافي مدينتي وضايف يمكن في مدينة ثانية بعيدة عنا

وزوجي معارض اني اروح لها لآنها بعيدة عنا ..لكن مؤخرا كأنه اقتنع

وسأحاول واكرر محاولاتي والله يعين

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

للاسف انتي الي صرتي الغلطانه بالموضوع وكله بسبب سوء تصرفك (عذريني على صراحتي)

يعني لو من البدايه شايله عفشك ورايحه بيت اهلك وقالبه الدنيا على راسه وطالبه الطلاق كان خاف
وحتى لو انفعل بوقتها وقالك لاتردي راح يتحسف وبيراجع نفسه وبيرد



الصراحه مادري شالي مصبرك عليه ؟؟؟ لا اموال ولا اولاد يعني زينة الحياة الدنيا كلها محرومه منها
انا رايي بالي مايحفظه هو وعشيقته عيشي حياتك يمكن الله يكتبلك زوج افضل منه وحتى لو ماتتزوجي
انتي اصلن عيشتك مو عيشة متزوجات

اسفه على قسوتي لكن والله اني اريد مصلحتك

طيب هل تؤيدون اني اكتب واحصي مهري واللي لي و اقوله ..هل سيغضب علي؟؟

حسبي الله لا إله إلا هو عليه توكلت وهو رب العرش العظيم

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

حبيبتي زوجي ما عنده صبر لو اسوي اللي قلتي عليه

كان طلقني من زمااااااان..اعرفه ما عنده صبر ..لآنه قد قال ما ابغاك بس قالها بلحظة غضب

انا اعرف انه مريض ومتعقد من كل شيء

انا والله اوصل لحالة اني اكرهه لكن سرعان ما تزول هذه الحالة

وكما قلت لكم ..ليس سهل علي انه يتركني .. اعذروووني ..اريد ان ابقى معه وعندي امل ان يتعدللللللل

وياااااااااارب يتعدل ويهديه ربي ويخاف الله في معاملتي

ثم انه ليس لي اب حتى ارجع إلأيه اخواني سيتزوجون جميعهم واخواتي ايضا ولا اريد ان اكون عالة على احد

اللهم احيني ما دامت الحياة خيرا لي وتوفني ما دامت الوفاة خيرا

لي

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

اخي ساري..بارك الله فيك

انا والله مراعية زوجي كثيييييير وحتى لما اروح عند اهلي ويعطيني فلوس اوفرها وارجع له اللي قدرت عليه

بعدين الديون هذه بإرادته

الحين اشترى سيارة2006 وسيارتنا الأولى 2001

و قبلها طلع قررض علشان الاسهم

انا ما اطلبه فلوس بس امس لما عصب علي قلت له..

بعدين حتى سالفة الفلوس حقة علاجي من تأخر الحمل

انا طلبته في البداية بعدين بعد ما عرفت انه ما يبغى يخسر ولا ريال على حاجة ماهي مضمونة على قولته هو

قلت له خلاص ..وطلعنا تقرير على اساس اننا نتعالج على حساب الدولة أو احد الأمراء

وقلت له يدور المكان المناسب اللي يودي فيه هالتقرير لآننا ما نعرف..

وكان عنده اجازة قبل العيد بس هو ما راح كل يوم يقول بعدين بعدين

والحين لنا شهر وهو يقول بعدين بعدين

يعني سالفة العيال عنده كمالية ..ما هي مهمة

رحماااااااااااااك ربي

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

نعم هو خسران في بعض الأسهم وما اتوقع انه باعها

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب