السلام عليكم ورحمة الله وبركاته ، انا عندي مشكلة أرعبتني للغاية وأتعبتني نفسيا" من داخلي وهي بيني وبين زوجة أخي ، للأسف حرمة اخي تشتري ارقام مجهولة وتدخل علي واتس المرة الاولى غلطانة والمرة الثانية رقمك عندي وانتي مين على أساس ان رقمي عندها بس مو عارفة مين انا وكل ما تدخل كلمتين وبلوك لأن ما أخذ وأعطي مع احد ما أعرفه اللي يعرفني يدق علي اما المرة الثالثة فهي الطامة الكبرى ابي اتعرف عليك بس ما وضحت لي مين هي مجرد شخص من العدم وعطيتها بلوك واليوم جايتني رسالة من شركة واتس برقم الكود اللي لما تحط رقم مو رقمك يجيك كود علشان يتأكدوا من رقمك اذا هو صحيح او لا ولأن حرمة اخي ( غبية ) انا حاظر رقمها الشخصي بس ما حظرتني وقارنت وقت الرسالة ودخولها للواتس والفرق 4 دقايق وسبق دقت علي رنة وقفلت من رقم قديم عندها لكني تجاهلت أتصالها عمرها 30 وانا 24 وشخصيتي ثقيل وعلاقتي مع الكل سطحية ما أحب اتكلم كثير لأني احب أريح قلبي ورأسي من الناس وبالنسبة لحرمة اخوي اذا جت سلام وامشي جلوس ما أجلس والا المتعارف عليه عندنا عادي تجلس وتسولف عادي والا كثير تجيب قهوتها وتقولي اجلس تقهو واحيانا" اتقهو الفنجان وانا واقف واحسها بنظراتها على الفنجان متى يخلص علشان تصب واجلس وامي وخواتي عندها ولكن اتعذر منها لأن طريقة كلامها فيه نوع من الأهتمام المبالغ بأسلوب التقديم للقهوة تحس انها متلهفة ولا تجي الا متأكدة اني موجود واذا جت بقهوتها تكشخ كشخة تحس انها عروسة واحيانا" لبسها لبس مطوعة وتتعمد بلبس المطوعة انها ترفع بغطوة العيون اني اشوف عيونها بس اغض ونظري تحت وما يعجبني هذا المبدأ والموضوع حساس مو اي احد أقوله له ومن بعد الله مالي الا أنتم ونصايحكم .


تم تعديل العنوان ليتناسب مع المضمون

هل انت متأكد ان تلك الأرقام ورائها زوجة اخيك

__________________

مرحباً أخي

لو أرسلت لك مستقبلاً

أكتب لها...

عرفت من أنتِ ... وإن لم تبتعدي عني سترين مني ما يسوؤك


أعانك الله

عزيزي واخي

قد يكون كلامك اوهام ووساوس شيطان واتمنى ما تظلمها، لكن خذ حذرك، وانت ما تقدر تحكم ان هالارقام من طرفها..


الشي الثاني والاهم المفروض مجتمع منزلكم ما يكون بالشكل اللي ذكرت وهو الاختلاط، زوجة اخوك لست محرم لها لذلك لا يجوز ان تجلس معها نهائيا مهما كانت العادات، واذا كانت العادات تخالف الدين فيجب إلغاؤها..

انت يجب ان تبادر في منزلكم وان تلغي هذه العاده وان تصلح حال اهلك وان توضح لهم حكم هذا الموضوع وزوجة اخوك يجب ان يكون لها سكن مستقل او تكون انت في الملحق الخارجي ولا تدخل المنزل في حال كانت موجودة، ولا تشاهدها الا وهي بكامل غطائها الشرعي المتعارف عليه عندنا في السعوديه، صدقني اذا بادرت بالموضوع وضغطت على اهلك يتحول الموضوع عندكم ويصير عادة ويمشي البيت كله على هالنظام وترتااح، واحذر احد من اهلك يدري بموضوعها لانه قد يكون من باب الشك والشيطان حريص ويصور لك امور مو صحيحه..

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

حسب رأيي يمكن بشكوكك عم تظلم زوجة أخيك إتقي الله يمكن تحبك مثل أخوها و تنظر ليك بنظرات بريئة و إنت دخلك الوسواس و لو ما تحب زوجها ما تحب أهله و أكيييييييد في شي حدى يتمسخر عليك بس أبدا ما أظن زجة أخيك

اصلا لست محرم عليها حرام شرعا زوجة اخوك مايصلح تقعد معها مثل ذي المشاكل الاختلاط سببها العلاج عند أسرتك

اخي الكريم
ابي استفسر منك هل أنتم تسكنون في بيت واحد؟؟
هل انت على يقين انها زوجة أخيك؟
كم عمر اخوك؟ وكيف علاقتها معه الظاهر لك؟

هددها انك عرفتها وكل شي بيوصل لزوجها واخوانها اذا ماعقلت وقول لها اسمها عشان تنهبل( عرفت انك فلانه بدون ذكر العائله)

متأكد ان الأرقام تخصها والدليل صور العرض هي نفس صور العرض بجوالها الخاص وفيه مجهول حاطه صورة اخوها واكتشفتها وهي دخلت وشالتها وغيرت الرقم وأصبح مقطوع ولو مو متأكد ما بظلمها نهائيا"

لو قلت هالكلام فانا كسرت الجدار لها ومهدت لها الطريق