السلام عليكم ورحمة الله وبركاته
استشارتكم ان شاء الله تفيدني
زي مااحنا متعودين الفائده منكم

انا ساكنه الدور الاسفل وفوق اهلي
وزوجي يسافر اسبوعين او اكثر ويرجع وهكذا
سؤالي
لو صرت ابات في بيتي مع عيالي
صح اللي راح اسويه
او غلط
اولازم نومي يكون عند اهلي

اهلي شايفينها جريمه ومالي حق حتى اناقش فيه
ممكن تفيدوني كيف اتصرف


تم تغيير العنوان ليتناسب مع المضمون

وش وجهة نظرهم اهلك
ليش رافضين
اذكر زمات لما سكنت في بيتي كات يصير معي مثلك اذا سافر زوجي رحلة عمل قالوا اهله لا تجلس لحالها مع العيال و اذا رحت لهم تضايقوا من ازعاجهم و صاروا مثل الي محمليني جميل
صرت اطنش و ما اروح حتي تعودوا و سكتوا

__________________

العكس حقك أقل مافيها وقت النوم ترتاحين ببيتك وتقدرين تنظمين نوم عيالك وحياتهم أفضل بكثير من بيت اهلك عشانك وعشانهم.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

كم عدد اطفالك الله يحفظهم ؟ وكم أعمارهم؟

ليه اهلك يشوفوها جريمة!

جربتي تطلبين من اخواتك يباتون عندك؟

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

رفض اهلي بسبب خوفهم علي
ونفس اللي يصير معك
لو جلست عندهم ينزعجون من اطفالي
وبنفس الوقت محرومه راحتي
جلستي عندهم تعبت صحتي
كل شي يحاسبوني عليه وكل كلمه بانتقاد
ونوم عيالي مافيه انتظام بما انهم يسهرون ماشاء الله
مااقدر امنعهم براحتهم بس برضو لي حق انظم نوم عيالي وارتاح انا
رفضهم ماله اي سبب او مبرر
بسرعه يعصبون او يتعذرون بالخوف

صحيح هالكلام لكن كيف اقنعهم
تعبت والله

ايه مره طلبت اختي تبات عندي
قام البيت ولا قعد
الوالده منعت اختي وقالت قفلو الموضوع نهائي وحتى زيارتها لي واننا نجلس
في بيتي لو شوي تزعل مرررررا
تقول زوجك مو موجود خلاص انتهى
انتي عندنا اما جلسه او نوم تحت مافيييه

قولي لهم اريح لكم ولي وخذي معك وحده من خواتك تونسك بالبيت أو من اخوانك.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

ابي ارتاح
اطفالي بدأو يكبرون
وحتى صاير وزني في نزول من التفكير
والتعب النفسي
مالي اي خصوصيه بغياب زوجي
كل شي ممنوع وبلا اي نقاش
لي الحق او لا
ابيكم بس تفهموني
عشان اقدر اتخذ موقف بدون ندم او تأتيب ضمير
اهم شي يكون صحيح وعلى حق

يااختي انا تحت
مو في حي ثاني
او منطقه بعيده
ت ح ت
وهنا المشكله وييين الخوف مو فاهمه