السلام عليكم ورحمة الله وبركاته



انا فتاة أبلغ من العمر 20 سنه متزوجة منذ 9 شهور
دورتي كانت نوعاً ما منتظمه قبل الزواج باستثناء بعض المرات
يعني كاأقصى حد اذا تاخرت تتأخر 5 ايام

بعد الزواج بشهرين تلخبطت علي ثم مالبثت ان عادت تقريباً إلى طبيعتها
حيث انها في الشهر الماضي أتت بعد 32 يوم (طبيعي بالنسبه لي)



دكتورتي الفاضله دورتي السابقه كانت بتاريخ 2/3 ميلادي
و15 /3 هجري

يعني تقريباً لها 6 أيام متأخره

بس قبل تتأخر مره فجأه قمت من النوم على بالي متأخره عن الدوام وفزيت من السرير
وقعدت أستفرغ وبطني يوجعني .. بعدها اختفى الالم ايام ثم رجع بعد تأخر الدوره

(مع العم ان التبويض زي مالاحظت يتأخر عندي يعني المره الفايته صار ب23 من تاريخ الدوره
وهالمره أشكـ انه بتاريخ 23 او 24 ))

المهـم مع تاخر الدوره كنت احس بغثيان وزكمه والمنطقه الي تحت الصدر يقولون معدتي كانت تالمني مرررره
انا قلت يمكن بررد !؟؟ خصوصاً ان معي اسهال الله يكرمكم
ومره تعبتني معدتي لدرجة غبت وكان عندي اختبار بس خفت استفرغ في القاعه
سويت تست بول وطلع سلبي !!
رحت بعدين لمستوصف حكومي قالت لي انتظر 8 ايام بعدين اسوي تحليل
وعطتني بنادول وحبوب للمعده وامي قالت مااخذهن وطعت امي
بس اكلت حبه وحده

وبعدها داومت يوم ورحت سويت تحليل دم بدون مايدري زوجي وطلع سلبي كمان !!
انا ماصدقته لاني احس اني حامل والاعراض الي معي غررريبه وااوال مره تصير معي

وامس جتني نفس الحاله بمعدتي بس اقوى وكان معي مغص ايضاً اسفل البطن
وكنت ابكي من الم معدتي واحس نفسي بستفرغ بس ماقدرت احس ان روحي تطلع
وكانن عيوني متورمات من البكاء
اخر شي دخلت اصبعي من الام احس في شي بيطلع من معدتي بس مو قادر
وطلع لي شوي بلغم معه دم >>الظاهر لاني دخلت اصبعي

بعدها بشوي استفرغت شي اصفر اكرمك الله وارتحت شوي بس الالم ماراح
ووداني زوجي مستوصف خاص وقلت لها حالتي وبكيت عندها ههههه

المهم سوت لي الترا ساوند بس كان بطني فاضي ماشربت حتى شربة موية
وسألتني اذا انا ماكليت شي قلت ايوه ..
واشوفها لقت شي دائري بالتلفزيون الي فوق وتكبره وتقيسه بس ماقالت لي شي وانا ماسالت
ومدري وشو محتاااره وهي سالتني ( تقول سويتي التحليل عندنا ؟)
قلت لها ايه ..
قامت كتبت لي ابره بالعضل تقول عشان التقلصات مدري ايش اسمها
وقالت اجلس اسبوع لاتاخرت الدور اجي احلل مره ثانيه دم وقالت لي اشرب حليب بارد بعد
وماشاء الله من عطتني الابره بسرعه حسيت الالم خف ورجعت البيت الحمد لله
معدتي خفت شوي بس مكانها لالمسته يوجع واحسه منتفخ
وانا على حالي والدوره مانزلت بس احس زااد الم ظهري خصوصاً لاتحركت فجأه
ولا صعدت الدرج .!! واحس الدوره بتنزل احيانا او نزلت وااناظر الا مافيه شي
واللحين ظهري مررره يوجعني طولت الجلوس ع المحمول ومررره يتعبني
ومغص ببطني اسفله اللحين احس لاتعبت او طولت بالجلوس او الوقوف اتعب أكثر



صدري متورم وثقيل بس مو مثل الدوره هالمره اقوى وفيه خطوط زرقاء واحس بنغزات هاليومين
وبطي صاير قاسي مررره ومعي افرازات تكرمون لونها بين الحليبي والاصفر
ويالمني أسفل بطني خصوصاً لاصحيت وكنت بفراشي ولا جاء آخر الليل
وبالتحديد اغلب الالم يكون في جهة اليمين احياناً !!!
والبول فيه خطوط زي القطن وكريه ريحته ولونه كل يوم يتغير ( ان من كم شهر صرت أراقب لون بولي خصوصاً لاقربت الدوره وهالمره فعلاً متغير)
+ الصداااع والارق بالليل وكثر النوم بالنهار وكمان معي حرااره داخليه مرره وكمان خارجيه زوجي انتبه على حرارتي ..



المهم بعد ماحكيت لك قصة حياتي ياليت تفيديني وتقولون لي شو اسوي لاني تعبااانه نفسياً وجسدياً
وانا اسمع ان اعراض الحمل ماتطلع من اول اسبوعين (انا اشك اني خلصت اسبوع وامشي بالاسبوع الثاني )
يعني ماادري هل الي احس فيه وساويس مع العلم ان بعض الاعراض الي احس فيها بحثت عنها واول مره ادري انها اعراض حمل !؟!؟

كمان اخاف انه مرض طاريء لان مناعتي شوي لكـ عليها بسبب كثرة المضادات الحيوية والتهاب لوزاتي
واي شي يأثر علي


والله يكتب اللي فيه الخيره وانا راضيه بقضاءه


واشكركـ لسعة صدركـ وقراءة كامل موضوعي



اختك :: ساكورا تشان

اهلا بك

لابد من التاكد ان كل الاعراض التي تعاني منها ليست حمل خارج الرحم ! خاصة ان الدورة لم تنزل للان !!
لذلك لابد من عمل فحص حمل كمي b-hcg اذا اكثر من 1000 mIU per mL فيعاد فحص الرحم بالموجات فوق الصوتية , اذا لا يوجد مؤشرات حمل اذن حملك خارج الرحم و لابد من بدء العلاج المعروف طبياً و فوراً خاصة انك تقولي ان عندك حرارة و هذا مؤشر غير طبيعي و لا جيد .

__________________

يمنع رفع المواضيع القديمه ‏،،‏ يغلق

__________________




سبحان الله وبحمده ♥
سبحان الله العظيم ♡
♥♡♥♡♥