السلام عليكم
قبل فتره كتبت لكم مشكلتي اني اتعرض للضرب والاهانه لاسباب تافهه وكل مره اخرج من بيتي ومافي اي تغيير اخر مره رجعت بيتي بعد ان شرطت شروط كثيره وافق عليها منها يرجع لي القرض ووافق قالي بس اعطيني وقت وراح لابويا ورجعت
لا مبرر للضرب هذا اولا
كنت الوم نفسي وأتعذر له واقول انا ارد عليه عشان كذا يمد يده هوا عصبي وانا ارادد
المشكله طلعت أعمق من كذا و واضحه وضوح الشمس بس انا اللي كنت أغمض عيوني
نعم لا يوجد من يحبك لدرجة العشق (ومتأكده من حبه لك بالكلام والافعال الصادره منه) ويضربك ويهينك بنفس الوقت الاااا مريض
كنت اقوله وانا ادافع عن نفسي انتا مريض انتا مو طبيعي فعلا طلع كلامي صحيح
لنا سنتين كل اسبوع متخاصمين بسبب اسباب تافهه ومايمر شهرين الا انضرب
حملت اول ثلاث شهور زواج يعني بسرعه وهوا كان مستقصد وانا فهمته ذحين وانصح المتزوجين الجدد ياجلو مسالة الحمل على الاقل سنه واللي يستعجلها زوجها ترا في سبب
المهم عندي طفله عمرها سنه ونصف
اخر مره ضربني فيها عشان موقف تافه وصار زي المجنون يقولي روحي بيت اهلك قبل لاتموتين على يديني
لبست العبايه قطعها ليا ورما شنطتي عالجدر وموقف بشع وسب اهلي ودقيت على ابويا وسب ابويا وتضارب معاه وبنتك مو متربيه وبعدين يقول انا معصب لا تكلمني ذحين عشان لا اغلط
رحت بيت اهلي وضربني بالسياره كمان لين طاحت طرحتي وغطوتي
وصلت بيت اهلي وجهي احمر وبعد ساعات بانت اثار الضرب على وجهي
(هذا صدر من انسان يحبني بكل ماتحمله الكلمه من معنى ولكم ان تتخيلو هول الصدمه
يخدمني ويخدم اهلي بعيونه يرضيني بكل وقت يعشق بنته)
لاول مره يضربني بهذي القوه خلاني اصحى وافتح عيوني واشغل مخي مزبوط واتقبل الحقيقه زي ماهيا وما اتجنبها
خلاص انتهى كل شي الطلاق واقع لا محاله ليش استمر بحبي له "خسرني"
خلاص مافي شي يخليني اخاف من الحقيقه
وصلت بيت اهلي
بحثت عن اثار الحشيش
وتاكدت انه يحشش
نعم تزوجت محشش
اللي الناس تناديه يالامير
اللي كل من شافه وتواصل معاه مدحه وقالو عليه ونعم الرجال
يثير اعجاب اي احد يتكلم معاه
حتى زميلتي في العمل زوجها قابل زوجي برا دقايق وقالت لي زوجي اعجب بزوجك ماشاءالله عليه
لدرجة يوم سفرنا لشهر العسل فاتتنا الطياره واقنع اداري يعطينا درجة رجال اعمال ونسافر واحنا دافعين حق درجه سياحيه
اللي يكلمني عن علوم الرجال والشهامه والمباديء
الوسيم الحنون الطيب
(مدمن)
اللي قبل الضرب بليله كان يكلمني ايش يبغى يغير بنفسه عالسنه الجديده
انا مصدومه ابكي وقلت لاختي فلااان اللي احبه اللي تزوجته محشش الله يخليكي لاتقولين لحد
هيا انصدمت كمان لانه مواقفه الطيبه مع اهلي كثير وقالت لي كلمه (عشان لا تلومين نفسك طلع مو ذنبك)
الدلائل اللي اثبتت عليه التهمه رغم مقاومتي بكل جوارحي الاقتناع فيها الا انت اقتنعت وتقبلت الحقيقه:
- مره لقيت ورق الشام بالمجلس وبحثت عنه بالنت طلع يستخدمونه المحششين.
سالته عنه قالي لصاحبي وانا اسف مو كفو ادخل واحد يحشش عندي وحقك علي ومن هذا الكلام طبعا بالعقل حتى لوصاحبك مستحيل يحشش وانتا تتفرج اكيد تشاركتو ومشيتها وقتها لانها كانت اول دليل وماكنت مصحصحه وقتها
-انا مانعته يدخن بالبيت ويدخن بالمجلس بس ودايما اقتحم المجلس واتكلم معاه ونضحك وندردش لانه اطفش لحالي .
صار يقفل المجلس بالمفتاح ومايفتح لي على طول يقول ابغى خصوصيه
لاحظت في لمجلس دخان كثييييف مو طبيعي
-ثيابه فيها ثقوب اثار سجاير الحشيش
-عيونه دايما حمرا وعنده قطره ولما اساله يقولي حساسيه
-مره صار موقف لقيته يرمي زبالة دخانه وانتم بكرامه بنفسه ومو عادته ينظف وراه قلت له ليه قالي اساعدك طالعت فيه قلت له غريبه (بعد ورق الشام بدا الشك فيه في الحب الاول ) قلت له وريني وقالي ايش قصدك وخاصمني وقال انا رجال وعيب تدورين وراي وزعل وزعلت وخرجت وبعدين رجعت وقلت له وريني ايش في الكيس وانا دموعي بعيني وراني نظره سريعه انتبهت لاوراق مقطعه كثير
-ولاحظت وانا انظف بالمجلس وراه انه السجاير المالبورو العاديه مقطوعه من النص ومفرغه عالطفايه ومااعرت الامر انتباه وقتها (اثناء بحثي عن الحشيش بعد ضربي وخرجتي لبيت اهلي شفت فيديو لكيفية صنع مايسمى بالجونات من ضمن الطريقه يقطع الملبورو العاديه نصين ويطلع محتوياتها ويخلطها بالحشيش ويلفها بورق وهذا تفسير السجاير المقطعه والمفرغه اللي شفتها)
-ياكل حلا كثير لدرجة يصحى من النوم وياكل كيكتين والكثير من الشوكولاته
-يشرب مويا كثير
-ينام كثير ومرا يصحى كثير ومااشوفه ينام
-في انتفاخ بسيط بصدره
-تقلب مزاجه اللي خلاني اصحى على نفسي مره الفارس النبيل ومره السافل الحقير
الان فهمت حياتي وليش مقلوبه فوق تحت مرات سلام ومرات جحيم
نفسيتي سيئه جدا
ذكرت العلامات عشان ينتبهو الحريم اللي زيي ويتركو عنهم السذاجه ويشغلو النباهه
نعم
هذا ماحصل
الان طالبه الطلاق بسبب الضرب ومراح اقول لاحد عن ادمانه وبسبب غلطه على ابويا طبعا ابويا قالي مستحيل ترجعين له
طبعا هوا مستحيل يطلق على قولته لانه يحبني ويحب بنته ويقولي بنتي بذمتك
افكر اقول لامه او اخته لانهم يعزوني ويحترموني وانا نفس الشي ويقنعونه بالطلاق وممكن الجا للخلع بس متردده اخاف يفقد عقله
ادعولي رجاءاً
انا في مصيبه صدمه ابكي على حالي وغبائي ماني مستوعبه اللي صار لي انا وبعد عمري بنتي ....


تم تغيير العنوان ليناسب المضمون

مستجد الرد 40

http://www.66n.com/forums/showpost.p...8&postcount=40



(مستجدات الرد 52)

http://66n.com/forums/showpost.php?p...6&postcount=52


(مستجدات الرد55)

http://66n.com/forums/showpost.php?p...9&postcount=55

(مستجدات الرد 66 )

http://www.66n.com/forums/showpost.p...2&postcount=66


مستجدات الرد 89

http://66n.com/forums/showpost.php?p...6&postcount=89

مستجدات الرد90

http://66n.com/forums/showpost.php?p...1&postcount=90

مستجدات الرد(96)

http://www.66n.com/forums/showpost.p...8&postcount=96

__________________
لا اله الا انت سبحانك اني كنت من الظالمين

أعتذر عن موضوعي الغير مرتب كتبته وانا مشحونه وتشعبت كثير

__________________
لا اله الا انت سبحانك اني كنت من الظالمين

الله يفرج همك ارتاحي الان ولكل حادث حديث

__________________
سبحان الله وبحمده سبحان الله العظيم

هو باين عليه كويس ومعدنه طيب ،، تغيره وعصبيته وضربه وطوالة لسانه سببها الحشيش .. الحياة مع المدمن صعبه لأن تصدر منه تصرفات بدون وعي ،، مثل القتل والتعنيف طبعا غير الامراض ،، من مصلحته تبلغي عليه عشان يتعالج لا تطلبي الطلاق يمكن يتعالج ويرجع لعقله ويحافظ على بيته وحياته

الله يعينك على ما ابتلاك
اظن الحل مو تخفي الامر بل تكشفيه حتى يتعالج
خبري امه و.حطيها في الصورة حتى يحاولوا معه هم كمان
لازم يعترف انه مدمن و يدخل مصح
هو يحبك و انتي العبي على هذا الحبل
خبريه انك عرفتي و واجهيه بالدلائل و اذا فيه خط رجعة فما رح يكون الا بعد علاجه


الله يعينك

ربي يعينك ويشفية يارب
نصيحة قولي لاي احد من اهله يودونه لمصح يتعالج دامه لسى في بدايته
ويمكن هو فية الخير بس صاحب السوء اللي جر رجله لهذي الاشياء
حسبنى الله ونعم الوكيل

بالعكس ي اختي هذا مو ستر عليه انك م تقولين لاحد!


لازم تقولين لابوك سبب طلاقك الحقيقي ،؟ وحتى سبب ضرب زوجك لك


حتى يتعالج ويتوب ،،خصوصا انو ف بداية الطريق والآمل ف علاجه اكبر من بعدين


ليش تخلينه وسط ادمانه وانتي عندك الحل !
يكفيك تقولين لابوك ليعرف سبب طلاقك ،، وضربك ويمكن ياخد زوجك


لطريق الصلاح

__________________




ربِ هب لي من لدنك ذرية طيبة أنك سميع الدعاء

الله يعينك يا أختي على ما ابتلاك

مدمن الحشيش مستحيل يبطل الا اذا رغبه منه شخصيه او صدمه يفوق منها ،. وزوجك واضح من موضوعك انه طيب لكن مشكلته هذا الابتلاء

لهذا أنصحك إذا أردتي إصلاح زوجك يكون موقفك قوي والعاطفه ما تدخلينها في موقفك ولا تفكرين في موقفك القوي يعقد المشكله بالعكس هذا راح يوعيه ،. فكري في بنتك وانها تتربى تربية سليمه ،. زوجك إذا كان يفضل عائلته على الحشيش بيعتدل إن شالله .

لا تفكرين في طلاق لكن أعطيه إيحاء إنك مستحيل ترجعين وهذا وضعه والله يصلحه لك

أختي أنا أخوي كان يحشش وزوجته ما أخذت موقف قوي منه وتجرأ وصار مخصص غرفه في بيته يحشش فيها وينعزل عن عائلته وكان مهمل بيته والله يعلم بحالهم بعد كذا صار له حادث قوي وشاف الموت بعيونه والحمدلله سلم لكن بعدها تاب من هذا الخراب والان ماشاءالله له سنتين تاركه ورجع لبيته وعايشين ماشاءالله احلى حياه

والله مادري اش اقول
هذي حكاية الكثيراااااات
والمصيبة
اذا تطلقتي
يتوب ويندم وياخذ وحدة جديدة
ويبدأ صفحة جديدة بيضاء!!!!!!!

__________________
الحمد لله الذي اذهب عنا الحزن

السلام عليكم
اخواني اخواتي
ساعدوني بعيد عن العاطفه رجاءا
لحد يقولي طيب ويحبك ومعدنه كويس
كل هذا ليس المشكله
ابغاكم تركزو على انه "مدمن" لا تشتتوني الله يسعدكم
ابغى ارتاح انا منهاره
وبالنسبه لفكرة اقول لاهلي او ابويا مستحييييل لانه مالها اي فائده هذي الخطوه غير الفضيحه
ابويا الضرب عنده سبب مقنع للطلاق ومايحتاج اقوله انه مدمن
اخاف يزل لسانهم بكره وتسمع منهم بنتي كلمه مستحيل اشوه سمعة ابوها قدامها
هذي النقطه مرفوضه
لا امي ولا ابويا راح يعرفو انه مدمن
بالنسبه لاهله راح اقولهم واشك انهم يعرفون
خاصة عنده اخوانه الشباب مره قريبين مع بعض كعائله
وعن ادمانه من قالكم انه قريب
انا الغبيه اللي دوبي اتاكد وافتح عيوني بعد ما شبعت ضرب
ادمانه واضح قديم
صرت استرجع ذكريات وعلامات كانت واضحه امامي
يوم فرحي وهوا عريس كانت عيونه حمرا اتذكر وجهه كانه اليوم
ياربي ساعدني
وانا اكتب عنه قلبي يعورني ماني قادره احس اني اسيء له
مره الاخ "مخترق الآفاق" كتب اذا أحب الرجل بصدق البنت ماتقدر تتجاوز محبته
فعلا كلامه صحيح
ابغاكم تساعدوني اتجاوزها
ابغى اكون عاقلة اتخذ القرار الصح
بعد شويا رايحه بيتي اجمع اغراض احتاجها لانه دوامي بكره ومحتاره اواجهه انه مدمن او لا
اخاف انفجر عليه
اخاف ياذيني
يسويها اللي يحشش يفقد عقله
اخاف مابعد الطلاق لانه ينجن وممكن يسوي اي حاجه
وكمان شي
بعد حملي صارحني انه كان يسكر بس ترك اول ما مملكنا لانه يحبني
وقتها انصدمت وخرجت اللي سمعته من الاذن الثانيه لانه مجتمعنا مافيه هذي الحاجات وكمان عمري ماشفته سكران
فأنكرت الموضوع بداخلي
طبعا أمني مااقول لاحد وانه مايقدر يخي عني حاجه لانه يحبني
لكن الحشيش مااعترف لي انا استنتجت وهذا خوفني اكثر منه

__________________
لا اله الا انت سبحانك اني كنت من الظالمين