السلام عليكم ..
عيدكم مبارك وتقبل الله منا ومنك الصيام والقيام وصالح الاعمال ..
انا قبل فترة نزلت موضوع انه زوجي هاجرني له كم شهر ودحين كملت سبعة او ثمانية
شهور ماقربني ولا حتى حسيت انه متضايق من وضعنا وعيشتنا كده ياريت حتى
اقوزي لاخوان الاخ يعطي اخته وجه .. زوجي مايعبرني نهائي والله انا مستغربة ليه
تزوجني المهم كنت في الثامن اعتقد اخر مره طلبني فيها وقلت ممكن لاني حامل بس
طلعت من الاربعين والبيبي كمل نص سنة ولا تغير شي بالعكس صارت حياتنا جفاف
عايشه قدام الناس كني متزوجة وفي بيتي انا والجدار واحد والله بدون مبالغه ً..ولا
كأني انثى .. بس اخيرا قبل فترة سألته بشويش قلت له ليش دحين لنا اكثر من نص
سنه وانت ماقربتني لذي الدرجة منتي معتبر انثى حتى الرجال لو مايحب حرمته
مايصبر عنها الا ويوم يجيها ليه كده ايش الي مصبرك طول هالمدة .. السبب الي قاله
انه الحرمه بعد الولادة هيا المفروض تبادر للطلب والرجال يستناها تتعافى قلت له سته
شهور بالله عشان تتطيب وكمان اذا كده ليه ولا يوم جيت وسألتني اساسا هل انا
مستعدة او لا المهم الزبدة مره عذر مادخل مزاجي وانا اعربت له في هذيك المحادثة
اني تمام وكل شي اوك ومر دحين ممكن اسبوعين ولا بادر هذا الشي خلى عذره غير
مقبول .. معليش كلامي مو مرتب بس والله مقهورة شعور جدا مؤلم لما تكوني مهمشة
وانوثتك يلغيها شريك حياتك ولا يعتبرك انثى .. انا والله ماتهمني العلاقة الجسدية قد
ماني مقهورة انه مايبغاني بس ماني عارفة السبب ليه ..وبالله لغاية متى اقعد على هذا
الحال .. ايش اسوي جربت التطنيش سبعة شهور ولا فادعلى فكره انا كنت المبادرة
في الفترة الاخيرة كلها وجربت اتكلم ولا فاد ايش اسوي ابغى اتغلب على هذا الوضع
بايش تنصحوني ؟! شكرا