صباح الخير ☔️

باختصار ؛ كيف أتخلص من غيرتي على زوجي؟

اكتشفت إن عندي غيرة مرضية على زوجي ! ما أعرف صراحة إذا هي مرضية أو طبيعية لكنها متعبتني جدًا .

في أول سنتين من زواجي كانت غيرتي شبه معدومة . وكنت جدًا مرتاحة ومريحة دماغي ..
يمكن وصلت لدرجة البلادة 😂

كنت أمدح النساء أمام زوجي .. مثلاً بشهر العسل عادي أقوله واو شوف البنت اللي دخلت مررة حلوة 🙆 أو أوصف له النساء ماعندي أي مشكلة !
لدرجة مرة أمدح قريبته عنده انجن هو قاللي كيف تمدحينها لي ماتخافين أخطبها 😅
بس أنا يا جبل ما يهزك ريح !

طبعًا كنت عاادي جدًا يدخل عند النساء ولا يهمني الموضوع ..

الموضوع تطور شوي شوي لحد ما حسيت إني فعلاً أغار !

1- ما أبغاه يمدح وحدة قدامي .

2-أخاف بالغلط يشوف بنت أجمل مني ويقارن.

3- إذا شفت أخته الكبيرة مصورة سناب أبدا ألطم لأنها ما تشوف زين وتصور الحريم بدون ماتدري 😂 فـ أخاف يشوف زوجي وحدة حلوة !

4- كنت أحس أول ثلاث سنوات من زواجي إن زوجي مسستحيل يتزوج علي وجازمة ومو خايفة أصلاً ، الحين الفكرة ترعبني بشكل خيالي !

طبعًا هالأفكار فقط بيني وبين نفسي ماعمري أشركت زوجي فيها .


عشان أختصر الموضوع بقولكم مخاوفي بصراحة:

1- أخاف زوجي يشوف وحدة حلوة ويقارن بيني وبينها ويتمناها بدالي .
2- يشوف وحدة حلوة ويتزوجها وتعجبه أكثر مني ويحس إنه مخدوع فيني !
3- أنا أكررررره التنافس جدًا جدًا جدًا .. فـ هالموضوع مسبب لي أزمة لأني بكون دايمًا في تنافس مستمر مع شخص آخر ! أنا تعبت من دور إني أنا أحلى وحدة وأكشخ وحدة وأحسن وحدة .. لأني أصلاً مو كذا يا كثر الأحلى مني والأكشخ مني ! فـ صاير ببالي تنافس فظيع مع حبيبات زوجي الخياليات 😂
لدرجة إني بالعزيمة إذا تفرجت ع بنت حلوة أقول بيني وبين نفسي ايش بيسوي زوجي اذا شافها !!! يعني أول كنت استمتع جدًا بالمناسبات الحين ماغير تلاقط عويناتي على البنات أدور أحلاهم وأدعي يارب مايلمحها زوجي 😂



يعني هالأفكار جدًا متعبتي لدرجة أفتح النت وأبحث عن : أقارن بين زوجتي الأولى والثانية
حبيبتي أحلى من زوجتي
تزوجت حبيبتي وزوجتي الاولى ابتلشت فيها مدري وين أوديها 🙆
متخرفن مع زوجتي الثانية جدا وزوجتي الاولى بشعة


تخيلوا كذا أجلس أبحث ! وأقرا المشاكل وأنغث وأبكي وأحس إني أنا مسيكينة

أبغى أطلللع هالأفكار من رااااااسي نهائي .. من كثر ما قريت وسمعت من القصص السوداء صارت نظرتي سوداوية 😭

طبعًا كل هالأفكار زي ما قلت لكم ما عمري وصرحت فيها لزوجي . بس بيني وبين نفسي .


أنا مهتمة بنفسي أكثر من أول الزواج ، و ع كلام زوجي وشهادته .. يعني لما كنت ما أهتم كنت واثقة ومرتاااحة .
ولما صار عندي هوس اهتمام صرت خوافة وثقتي صفر ؟! إيش التفسير للي أمر فيه !
عمري 24 وشكلي مرة أصغر ومهتمة جدًا بشكلي .

فيه نقطة تذكرتها مدري اذا تنفع أو لا :
بداية الزواج كانت وظيفة زوجي جيدة .. الآن ترقى وشغل وظيفة مرموقة جدًا .
هل هذا سبب للغيرة ؟

كيف تطور الأمر ؟

هل لاحظ زوجج التغير أو لمح به ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

والله ما أعرف كيف تطور !
أبدًا ما سبق ولمّح لأني ما أوضح له أبدًا غيرتي أسكت وآكل بنفسي ..


فيه نقطة ثانية برضو تذكرتها :
بداية الزواج ماكنت حريصة ع زواجي .. يعني عند كل مشكلة أستعد نفسيًا للطلاق .. ولا كان بالنسبة لي مشكلة .. وكان عندي نظرة نرجسية كنت أقول مستحيل يحصل زوجي وحدة مثلي وألف من يتمناني ( مع إني مافيني زود أبد )

بس بعد ما حملت وولدت ، لا .. حبيت حياتي الزوجية حبيت نمط حياتي ، حبيت زوجي وتعودت عليه ..
يعني فكرة الطلاق شايلتها من بالي مررررة .. ( ع الرغم من تغيّري التام )

فعشان كذا صايرة أحس بالتهديد .. تجي وحدة وتكوّش ع زوجي بعد ما حبيته !

عزيزتي غادة هيدي مش غيرة هيدي وسواس
لانو الغيرة في حال ما كانت موجودة وفجأة صار يشعر فيها الانسان
بتظهر من مواقف صارت او بدرت من الشريك بتخلي الطرف التاني يغار

اما اللي صار معك افكار بالتدرج وصلت للوسواس
وهالشي متعب ومدمر الك

حاولي تشوفي نفسك اجمل وحدة بنظر زوجك
ونمي هالشي وعززي ثقتك بنفسك
لانو قلة الثقة بتظهر عالشخص ولو ما اظهر هالشي


الله يجعلك الوحيدة في قلب زوجك ويرزقك السعادة وراحة البال عاجلا غير آجلا

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

هذا اسمه وسواس قهري او مرضي
هذا الشي لو عطيتيه اكثر من حقه تفكير راح يكبر ويكبر وممكن يسبب لج مشاكل بالمستقبل
افضل حل انج كل ما يجي في بالج هالافكار تقراين المعوذات
وتتعوذين من ابليس الوسواس الخناس
زوجج ماراح يتزوجغيرج تطمني وشيلي هالافكار الي لاتودي ولا تجيب
بس حلو انج تكونين دائما متانقه ومهتمه بنفسج
الله يوفقكم يارب

شكرًا لردودكم جميعًا .. أنا بعد الولادة جاني اكتئاب استمر ستة أشهر تقريبًا وكان معي قلق ووافكار سوداء .. هل تتوقعون أن الموضوغ الآن تابع لاكتئابي السابق ؟ والا ماله دخل ؟
الحمدلله الاكتئاب راح ولاصارت تجيني نفس الوساوس اللي قبل .. لكن ما اعرف اذا هو له دخل او لا .

😊 اذا لقيتي حل .. خبريني

__________________

حاجة الناس إليكم من نعم الله عليكم ، فـ لا تملوا النِعم ☁✨

القلق والتوتر والوساوس كلها تاتي على أفكار
وتبدأ بخوف بسيط يتحول الى مرض وسواسي مزعج

انصحج بتمارين الاسترخاء ابحثي عنها وراح تصفي ذهنج ومثل ماقلت لج قراءة المعوذات راح تشعرج بالارتياح
والموضوع جدا بسيط وانا متاكد ان زوجج يحبج جدا ولم ولن يفكر ان ينظر حتى لامراه غيرج
الله يوفقكم يارب

مساكم الله بالخير
أختي كيف برامجكِ اليومي ؟
ممكن تخبرينا عن أوقاتكِ وهل أنتِ اجتماعية أو لا ؟
هل عندكِ صديقات كُثر أو قلة؟
ما برامجكِ العبادي ؟ هل تستمعين للغناء وتشاهدين أفلام أمريكية وتركية ومصرية وغيرها من الأفلام التي فيها محذور ؟

أرجو أختي غادة الإجابة على جميع الأسئلة واذا عندكِ إضافة فستساعدنا على الوصل لمربط الفرس .