اخواني واخواتي عندي كتله من المشاكل المتدحرجة وبصراحه صرت ماني اعارف من فين ابداء.
أولا انا عمري 38 وزوجتي 36 عندنا 5 أطفال الله يحفظهم ويسعدهم فيهم المراهق وفيهم الطفل.
متزوج من 18 سنه
دخلي ولله الحمد ممتاز ونفس الشي هي راتبها جيد جدا
امورنا الزوجية كانت مستقرة لفتره طويله كنا متفاهمين منسجمين يضرب فينا المثل
صداقاتنا محدودة وحياتنا خارج منطقة اهالينا تبعد 3 ساعات.
يشهد عليا الله انه اكبر اهتماماتي وسعادتي بالقرب من اسرتي واني ما انقص عليهم شي
بداية الازمه.
قبل 4 سنوات زارنا زميل وزوجته وكانو ناقلين نفس منطقتنا وامحق من زياره.
زوجتي تعرفت عل زوجته وماحصل بينهم اتفاق وليته استمر عدم التوافق. لكن قدر الله وماشاء فعل.
المهم هذي المرأه كانت شبه منفتحه وجريئه وماناسبني وضعها وارتحت انه زوجتي ماتفقت معاها.
المهم استاجرنا استراحه للعوائل نغير جو مع أطفالنا وطبعا الحريم في جزء مخصص لهم ومعزول
صديقي طلع مشوار يجيب أغراض لزوجنه وانا انتظرت في قسم الرجال
وزوجته تعرف انه انا موجود لانه قالها فلان بيجلس في الاستراحه
وهو طلع من هنا وهي تدخل علي من هنا بكامل زينتها يعني انها متفاجئه طبعا انا الدم على براسي الف وطلعت من الاستراحه اخر اليوم وانا حالف يمين اقطع العلاقه بين الحريم

المهم بعد فتره صديقي وجه النكد جاته سفره للخارج ورفضت زوجته الذهاب معاه وقالت بنروح نبات عند بيت فلان الي هوا انا طبعا كلمني صديقي وياليتني صديته ورفضت لكن اااااه ااااه انجبرت وقلت الله يحييهم لهم قسمهم الخاص.
ومن هنا بدا الانسجام اللعين بين زوجتي ووجه الهم.
المهم مشيت الأيام والاحظ زوجتي تتغير وتستقوى وصلت لمرحله انها تقولي البنات يقولو (كيف قبلتي فيه وانتي احلى منه ) والطبيعي انها تكون احلى مني ركزو فيها حنرجعلها النقطه هذي مع العلم انه مو ناقصني شي لكن تخريب بيوت.
المهم فتره وجانتي زوجتي معصبه وقالتلي بقطع علاقتي مع فلانه قلت الخير وأهله ليش بس وماافصحت وسكت انا .
خلال ثلاث سنوات هذي زوجها يسافر وتجي عندنا تبيت .
وهنا الكارثه اني غبي وسمحت وما رفضت
طبعا علاقتهم قويت الى درجه مخيفه الى وصلت الى مرحله اني مهمل بالكاااامل طبعا بدت المشاكل تبان وبديت طول وقتي معصب وزعلان من الإهمال الغير معتاد بدات نرتب طلعاتها على حسب زوجة صاحبي وينسقو مع بعض وصلت لمرحله اني أصبحت السائق والبنك فقط.

طبعا عاتبت نبهت صحت كسرت تتعدل فتره وترجع ثاني الين مامليت .
وصلنا لمرحله تجي من دوامها تنام تصحى عشان تتجمع مع صديقاتها في البيت او بيوتهم مع الأطفال طبعا وقت النوم تنام في الصاله وان انام في الغرفه لوحدي يعني أصبحت عزوبي بالمختصر . وهذ الوضع خلاني معصب على طول وطبعا تعصيبي هذا كان مكسب لها وصيده
الوضع هدا اتعبني كلمتها وقلتلها سعادتي بقربك ماينفع انا اكثر وقتي لوحدي وانام لوحدي واكل لوحدي واتمشى لوحدي ماااااينفع لاتدفيني على غيرك
ولا حياة لمن تنادي استمر الوضع سنتين تقريبا الين ما مشاعري ماتت
وهذي مؤشرات لشي خطير يحس فيها كل رجل
طبعا راقبت واتجسست على جوالها على اجتمعاتهم على دخلاتها خرجاتها مالقيت شي .
سويت كم كمين وماوصلت لشي
الا انها لقت سعادتها معاهم
وانا أصبحت متزوج عزوبي زادت المشاكل وأصبحت تعصب على أي شي في البيت وتهدد البيت كله وتتوعد أي مين على اي شي وأصبحت على صفيح ساخن وانا على بركان مستشيط وشفت ان الوضع حيأثر ع الأولاد فاصبحت اتجنبها .
بالتالي شافتني مروق وماتشاكل معاها قامت تفكر اني اخونها وعشان اكسر الشك باليقين اعطيتها الباسوورد لجوالي واذنتلها تفتحه وقت ماتبغى.
وبرضو مافاد تلمح بطرقه غبيه اني عندي شي اللي يخليني أحيان اهينها .
قلت جرب البعد جرب القرب جرب حرب مافي فايده حتى اذا امت في الغرفه تحط بيننا مخدات هههههههه حسيت اني معفن مع اني الكل يشهد اني مهتم بنفسي بزياده
المهم قبل يومين بنغير ي اثاث البيت ونعدل فناديت ابني من باب الاستشاره واحسسه انه له راي في وضع معين (اذا كنت غلطان قولولي)
طبعا هنا صاحت هيييييييييييه ليش تستشره البت بيتي وانا اسوي اللي ابغاه (بالمناسبة البيت بيتي انا وبفلوسي فقط) قلتلها اهدي وروقي وماله داعي العصبية نظرت فيا نظر باستحقار نظره تقهر طبعا انا الا الله واضربها ومسكت نفسي وطلعت نمت .
اتصلت علبا في الدوام وقلت هدي ورديت وانا اهلل وارحب والا الصدمة
تقلي طلبت نقل لديرة اهلي طبعا انا انصدمت قلتلها ليش ايش في قالت بخليكم تجربو حياتكم بدوني ههههههههههههههه
قلت امكن مو مركزه انجنت . لاترد عليها ولاتجادلها
رجعت البيت بالليل الا ولدي يقلي امي كلمت خالي يجي ياخذها مالقت حجز طيران
سؤالي ايش الحل الأنسب
انا قلت خليها تجرب لكن قراري الحقيقي لو راحت مالها رجعه ولو رجعت مح تكون على وضعها اللي اتعودت عليه .

(كيف قبلتي فيه وانتي احلى منه ) موضوعنا الأول اقسم بالله العظيم ومو مدح بنفسي كلمتني وحده ومعاها بالعمل حاولت تنبهنب ع التحريش اللي حاصل عليا وسالتها هل انا بشع او غير مرغوب فيه او ما الفت النظر قالتلي انت مطلب وكل اللي بيحرشوها لو يضمنو انك تعطيهم وجه كان بادرو لكن عارفين انك محافظ
وانا عارف نفسي وامكانياتي يعني ما اثر فيا كلامها
ودمتم



.

المراة كالطفل ﻻتهملها عشان ﻻتبكي وﻻ تتركها تختار صديقاتها ﻻنها بتجيب العيد

__________________
"المراه اذكى من الرجل بمراحل" واذا زنت او خانت تدعي الضعف وان الذئب البشري لعب عليها
"ماضي البنت ﻻيهم" هذا يدخل في الغش في اﻻسلام لكن ﻻيهم مدام اﻻمر في يصب مصلحتها

عمرها 36 سنة مو صغيرة حتى أحد يلعب بعقلها
ويأثر عليها و يخربها عليك، عقلها هو أصلا صغير
لاتظلم صاحباتها، لأنه كل وحدة فيهم بتتكلم برأيها والشي اللي تشوفه، والوحدة المفروض يكون لها رأي وعقل به توزن الامور وتعرف مصالحها فين.
ما أنكر إنه هذي الفترة فيه توجه كبير من قبل البنات و حتى المتزوجات: كوني مستقلة و قوية ومحد له رأي عليكِ و هذي حياتك وووو إلى آخ من الشعارات الرنانة، لكن برضه الوحدة خصوصا لو تعدت ال30 المفروض عندها عقل وتميّز الصح من الغلط، وانتم الرجال مشكلتكم تسكتوا إلى ما الوضع يخرج من السيطرة، المفروض من يوم بدأت تقصر في حقك تحاسبها/تكلم أهلها، تحل المشكلة أول بأول مو تراكمها على أساس إنك صابر و على أمل تتعدل من نفسها !

المهم
الحل برأيي الان إنك تكلم أخوها اللي جاي ياخذها وهي غير موجودة و تقوله السالفة والموضوع ولو أصر يجي حاول تخليه يصلح بينكم وحاول يكون في صفك ولاتفتح الان ملفات قديمة هي عملت وسوت عشان لاتكبر الموضوع وتتشعب، حاليا حل فقط مشكلة نقلها لمدينة أهلها و خروجها من البيت .

انا من وجهه نظري لك حق تمنعها من نقل لانها الزوجه و ام العيال
وين بترمي عيالها اذا بتنتقل ؟؟؟ او ان كانت تعاني وشافت راحتها
ف منطقه اهلها حاول تجيب حل وسط انقل انت بعد معاها هناك

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

__________________

اولا الله يعينك ويفرج همك وييسر أمرك ويكتب لك الخير ..

أخوي وانا قاعد أقرا موضوعك مر علي ذهني حالات كثيرة هنا في المنتدى وفي الحياة بنفس السيناريو والتفاصيل ..

اذا كنت منصف وصادق في التفاصيل الي ذكرتها ونحسبك والله حسيبك فبدخل على مسألة الاحتمالات الممكنة لوضعك والعلم عند رب العالمين

الإحتمال الأول أن زوجتك شاكة بنسبة كبيرة انك تخونها لأنه في فكرة عند كثير من النساء ان كل الرجال خونة فممكن وحدة من صديقاتها زرعت هذي الفكرة براسها بطريقة مباشرة او غير مباشرة واقتنعت زوجتك بها لا سيما انك تقول لاحظت تغير زوجتك من فترة تعرفها على صديقتها ( عقل زوجتك صغير او كبير يظل احتمال ممكن )

الاحتمال الثاني انه صديقاتها اقنعوها فعلا انك ما تستاهلها وبدأت الفكرة تكبر براسها وشافت نفسها عليك وهذا صادف برود في التعامل منك فأخذت مكانك في إدارة الحياة وسارت هي الآمر الناهي !

الاحتمال الثالث هو البرود الذي يصيب الحياة الزوجية بسبب الروتين وعدم التجديد .

وفي احتمالات أخرى بس ماني حاب اتطرق لها

انت وقعت في اخطاء كبيرة وكارثية فمسألة انه تقدم تنازلات وتسحب نفسك وتشتري راسك عشان الاولاد والحياة تمشي وفي المقابل لاتجد تجاوب ولا ثمرة وتستمر في الانسحاب هذي مصيبة وخصوصا اذا صادف وجود زوجة عندها نزعة للسيطرة والتملك بتتعب كثير ..

اول شي عليك تسويه هو انك تكون حازم وجاد في الفترة المقبلة وتجلس معاها قبل لا تسافر وتقلها بطريقة مباشرة : حياتنا على المحك قبل لاتتخذين اي قرار أبغى أعرف ليش بالضبط تبغين تسافرين ؟
ايش الي مضايقك مني بكل وضوح ؟
ابغى اعرف كل شي قبل تروحين !!!

اذا شفت منها صدود ومراوغة .. اتركها تروح لاهلها واقطع التواصل معها نهائيا واذا اتصلت عليك لا ترد نهائيا .. اتركها عند اهلها لين يطيح الي فراسها ..
اذا كانت رايتك بيضا ونحسبك كذلك فالله لن يخيب ظنك ...

والله أعلم وأحكم

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

السلام عليكم
اشكركم ع المشاركه والرأي ماقصرتو حفطكم الله.
واعتذر عن التأخير.
وانا بالدوام ارسلتي رساله ان اخوها بيجي ياخذها اليوم.
قلتلها بحفظ الله ثم اقترحت عليها اقتراح اني اطلع من البيت مؤقتا اليت ماتمهد القضيه للاولاد وترتب نقلها.
كالت انشالله9.
رجعت البيت وبديت اجهز شنطتي . دخلت علي الغرفه وصارت
ولاكني شايف شي ثم صارت كذا
وانا طنش يامطنش لحقتني للشارع وهي تترجى وانا كذا
طبعا طلعت وقفلت الجوال ورحت فندق روقت فيه يوم كامل صحيت شغلت الجوال لقيت خمس ملون اتصال وخمسين مليون رساله
اتصلت على بنتي طبعا تصيح انت فينك قلتلها في و صار شي قالت امي جينالها الاسعاف قلت
عشان تتادب .
قالتلي تعال ظروري رحت البيت لقيت وضعها يحزن
جلست عندها مسحت على راسها قالتلي مع مين كنت بايت ههههههه
قلت انتي ماتوبي من مخك الاهبل هذا قالت اسفه .
طبعاجأ قامت وتبكي وتسلم على يدي وراسي وتعتذر وانها اللي سوته هباله وقلة عقل وانها ماطلبت نقل بس كانت بتشوف غلها وانها مو مجنونه عشان تظيع زوجها من يدها وعيالها وماعاد اعيدها ولا اكررها واوعدك اني اقطع فلانه زفت .
قلتلها فترة اختبار ولا ان العزوبيه حلوه وجو الفندق يهدي الاعصاب
بستفزها بس .
والى الان المياه في مجاريها ودمتم بود وراحة بال.