السلام عليكم ورحمة الله
اللي عنده علم في مشكلتي يفيدني جزاكم الله خيرا

جسمي دائما حار صيف شتاء مع العلم عند قياس درجة الحرارة طبيعية

مما اثر في علاقتي مع زوجي خصوصا في الايام هذه والجو حار

ما ادري ايش السبب
وايش ممكن يساعد في تبريد الجسم غير الاستحمام ؟؟

اتمنى اجد إجابة شافية

هل زوجك بيشتكي من الموضوع ذا ؟ و كم عمرك ؟

__________________




( اخوتي و اخواتي ان لم تجدوني بينكم في الجنة فسألوا عني )

في ناس كذا سبحان الله ماأدري لو الموضوع له دخل بضغط الدم

أنا أخوي كذا وعنده ضغط وأذكر في طبيب أسنان كل مارحت له يده دائماً ملمسها حار وأحس فيها حتى وهو لابس قفازات

بتقولين لي كيف حسيت لأنه يضطر أحيان يمسك الفك فا أحس فيها وكنت أستغرب لأني عمري ماشفت أحد كذا ولا كان يبين عليه المرض أو التعب

وهاذي أكثر حاجه كانت قالقتني بس لأني ترددت عليه كم مره لاحظت إن هاذا الشي ماله علاقه بكونه مريض

وبعد فتره يمكن سنه أو سنتين لاحظت هالشي بأخوي وتذكرت طبيب الأسنان

الأفضل إنك تروحين تعملين فحص شامل عشان تتطمنين

أوقات ترتفع درجة حرارة جسم المرأه وقت الدوره الشهريه والدخول بسن اليأس

متى بدأتي تعانين من هالمشكله وهل هي مستمره أو متقطعه؟

هل أصبتي قبلها بمرض؟

لازم تراجعين طبيب وإن شاء الله يطمنك وقدامك العافيه حبيبتي

نعم زوجي يشتكي منها وتضايقه
عمري 30
لا اذكر متى بدأت معي الا انها طبيعة جسمي كذا
سألت دكتورتين قبل كذا قالوا طبيعي
ماعملت تحاليل ؟؟ وماهي نوعية التحاليل لو بعمل ؟

اتوقع مستمرة الاانه لايتضايق منها الا في الصيف
ولله الحمد لا اعاني من امراض ولم اصب بمرض سابق

إذا كانت طبيعة جسمك كذا لازم زوجك يتأقلم

خففي ملابس في البيت إذا ماعندك أطفال كبار ألبسي شيء قصير وخفيف عشان يبرد جسمك

بعض الاجسام تكون بطبيعتها هكذا ، مثل مايقولون القدماء دمه حار او دمه بارد .. وهالشي فيه من الصحة ،، فمثلا نسبة الايض عند الشخص ،، الوزن ،، منحوته الجسم ،، تواجظ مشاكل صحية خفية من عدمها تسبب تسارع او تباطؤ الايض وطبعا تكون نخصوصة بالغدرة الدرقية وجار الدرقية ...

انتي شوفي باي خانة توضعين نفسك ؟ هل عانيتي من زيادة وزن مؤخرا ؟ او من قبل عدة سنوات وبدأت الحالة بالازدياد ؟
نشاطك وقوتك البدنية تمام ؟ ... مع عدم تواجد اي مشاكل صحية فتعتبر هالحالة هي حالة جسمك المعتادة فعليك للتأقام معاها وعدم التدقيق .. البسي ملابس قطنية خفيفة بمنزلك ، مارسي الرياضة لانها تعمل على خلق توازن بالنظام الحراري للجسم ، قللي توتر بالنسبة لحالتك لان التوتر ايضا يحفز افراز التعرق مع الحرارة ، التكييف ، وقت الصيف الجميع يعاني من الاحساس بالحرارة حتى مع وججود التكيف الا القلة فلا تشغلي بالك بانزعاج زوجك ، وضع كريمات مرطبة ككزبدة الشيا او الكاكاو لانها تساعد على ترطيب البشرة اولا وتسهيل تويتها بالتالي تقليل الحرارة ، فيه ابر مخصوصة لهالامور بعيادات التجميل ولكني ما انصحك ابدا باي تصرف بخصوص هالامر دامه امر طبيعي ...

ابنتي وزوجي مثل حالتك و ما اسميهم الا دببه قطبيه ههههههه ،، بنتي اول ما ولدتها وكنا بوقت الصيف الدكتورة مستغربة تقولي طفله بعمر يومين وقاعدة تعرق ولا بوجود تكييف بسيط للاطفال ! استمرت حالتها الى ان حصل لها اكزيما مسكينة بسبب التعرق براسها وكتشفت ان الحل السحري لا دهن ولا كريم ولا شي مجرد اخفف ملابسها مع التكييف حتى بالبرد الناس تتدفى بنتي لا شي متوسط فقط ... واما زوجؤ حتى بالشتا ملابسه جدا خفيفة وقليل جداجدا ملابس شتوية وفعلا من اي شي تشوفي حالته ماساوية مسكينولكن مع الوقت اناصار عندي عادي وهو ينسى فتقل حالته والتمور كلها تمام

عموما كثير مثلك

واحد من اخواني يجلس و الفوطة في ايديه و طول ما هو جالس بيمسح العرق

اذا بس في الصيف مقدور عليها , و المراة عموما تمر بفترات تكون حرارة جسمها مرتفعة مثل فترة الحمل و فترة التبويض

اشربي ماء مضاف له ماء ورد و ادهني جسمك به بعد الاستحمام

اكثري من شرب الماء و اشربي حليب اذا ما عندك زيادة وزن

خففي الملابس و في البيت البسي ملابس بدون اكمام و الافضل تكون قطنية تمتص العرق

طبيعة جسمك كذا زي ما فيه ناس العكس في عز الصيف تستحم بماء ساخن

__________________




( اخوتي و اخواتي ان لم تجدوني بينكم في الجنة فسألوا عني )

اشربي شعير يخفف الحراره

__________________
وهل من مصير اخر ؟