عارفين كل المشاكل اللي صارت معي بسبب تأجيل الحمل وتركنا المانع بعد ما كملت بنتي ثلاث سنوات كاملة واللحين ليه ست شهور ماصار حمل انا رحت راجعت وسويت كشف واشعة وكله تمام ماعندي سبب الدكتورة الاولى كتبت لي منشط وراجعت عند دكتورة ثانيه قالت ماتحتاجينه امورك تمام وسويت اشعة صبغة والانابيب مافيها مشاكل باقي تحاليل لزوجي ورافض تماما يقول انا مخلف وماعندي مشاكل
طيب اش اسوي انا تعبت من هالموضوع ومن التفكير فيه انا اللي ادور واحجز وارتب وعليها تحليل بسيط مايبغى يسويه

علاقتنا متوترة بسبب هالموضوع وحضرته زعلان ليش اقوله سوي تحليل
ايغى حل كيف اقنعه يسوي
حتى نتأكد ان مافي سبب وخلاص اذا طلعنا سليمين مابيدنا حيله نكون سوينا اللي علينا

الله يرزقك بالذرية الصالحه اقرئي سورة البقرة بنية الشفاء وان الله يرزقك الذرية مجربة

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

زوجك مثل زوجي يجون بالزن
لذلك زني زني عليه حتى ينتفخ راسه ويجيه صداع فيستسلم ويوافق 😁
مثل الاول وافقلك على الحمل

بعدين حبيبتي زوجك على ما اظن كبير
ولما خلف اولاده كان اصغر
ربما يحتاج الى بعض المنشطات فقط
لكن اختاري كلماتك جيدا لان الامر حساس

وان لم يوافق فما عليك الا الاهتمام بغذاىه وابحثي في النت
في اشياء مفيدة
كالعسل الطبيعي وغذاء ملكات النحل وغيره
وادعي الله

اختي ممكن يكون اخذك للمانع 3 سنوات يمنع الحمل فترة حتى بعد تركة .. لأن بعض الحريم لما تطول تاخذة
يعطي مناعة لكم سنه بعد وقفه .. خاص انو بعضهم اخصابهم مو قوي فتأثر الحبوب عليهم ..
عشان كذا انتظري ستة شهور ثانية واذا ماكتب ربي حاولي فية يحلل .. الله يرزقكم بالذرية الصالحة

__________________
زاهدً فيما سيأتي .... ناسياً ماقد مضى ..!

مشاكل الانجاب فى الرجل اقل من المراه وطالما انجب مره فاحتمال مرضه قليل بعكس المراه
عادة النساء لا تحمل مباشرة بعد التوقف عن المانع ايا كان نوعه فلا داعى للقلق ..
نصيحتى الهدوء لان التوتر يمنع استمرار الحمل وانتخاب ايام التبويض للممارسه وهذا ضرورى جدا مع الاهتمام بالغذاء ونوعيته بما يزيد من انتاج الحيوانات وكثرة الدعاء وان شاء الله نباركلك قريب

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

المره اللي فاتت جلست تقريبا سنه ازن عليه لحد ما اقتنع وبعد زعل ومشاكل انا تعبت من هالطريقة وتعبت منه اصلا هو ماهمه الحمل ومافرقت معاه حملت او لا مكتفي بالعيال اللي عنده
ودحين حضرته زعلان انا تعبت ونفسيتي صارت زفت ولا عارفه اركز فشغلي

استخدمنا مانع طبيعي لا حبوب ولا لولب ولا ابر ولاسيء من هالاشياء وانا رحت سويت كشوفات ماعندي شيء

انا ابغى اعرف ليش هالتحليل مصيبه عندكم يعني انا بروح اسوي اعلان انه سوى تحليل
انا عندي احساس انه ماعنده مشاكل بس نتطمن
بحاول مره ثانيه وربي يعين

حجزت موعد للاسبوع الجاي يقول اوديك بس انا مابسوي تحليل