السلام عليكم ورحمة الله وبركاته..


أولاً : جميع أعضاء هذا المنتدى الافاضل يعلم الله انه أصبحت لكم معزه بالقلب , وكلمة شكراً قليله جداً مقابل ما استفددته من هذا الصرح الشامخ , ومن أعضائه الكرام ,, يشهد الله أني استفدت الشيء الكثير من هذا المنتدى بغض النظر عن مشكلتي الرئيسيه ....

ثانياً: مشكلة العصبيه وسرعة الغضب , أنا طبيعتي قبل زواج مب عصبي وااايد ولكن بعد زواجي زادت زادت صرت لا أستطيع تمالك اعصابي أمام أي موقف من أي شخص كنت ما أهدأ الا اذا الشخص اللي امامي رد وناقشني عشان أطلع اللي بداخلي ,, زاد معدل التدخين عندي من العصبيه ,, حتى أهلي لاحظوا هذا الشيء وبدأت الوالده تنبه اخواني وخواتي ماحد يعصب خالد والله صارت المسكينه يوم أكون صارخ تقعد ترد وتجادلني بس عشان أسكت حتى لو أنا غلطان , والله اني متحسف على كم موقف رفعت صوتي فيه عليها وحتى على اهلي .

في السنه الاولى من الزواج والله من كثر الاعصاب صرت أتجنب دخول المنزل كنت أغلب الوقت أمضيه بالخارج والله ساعات بالايام , واذا دخلت اتجنب الذهاب لجناح زوجتي يعني على طول صوب جناحي تجنباً لاي مشكله تخليني اعصب ,, هي بالعكس بروووووووووودة أعصاب وهدووووووء قاتل يموت بلد بحالها يعني ان شاء الله تزاعج تكسر ولكن الامامك لا مجيب انا ما انكر ممكن تكون طبيعتها وساعات هذا الاسلوب صح والله بعض ساعات اترجاها يا بنت ناس ردي ناقشيني ليش تخليني أوصل لمرحلة العصبيه والصراخ لكن لا مجيب بالعكس ترد وتقول لا تزاعج ما تعرف تناقش بهدوء يعني بالله عليكم تنحط بموقف يجنن ويستفز كل أعصابك بالله أي هدوء راح تتكلم فيه .

المهم من فتره بسيطه جداً بديت أٌقرأ كثير بفن تعامل والتجاهل وكتم الغيظ وغير نصايح مستشاركم الفاضل بديت أطبقها ممكن تكون بعض المواقف مع زوجتي بذات أفادتني ولكن بعض المواقف أرمي بكل هذه نصائح عرض الحائط لاني ما أستطيع تمالك اعصابي , والله من البارحه صار من بينا موقف حطم كل معاني الهدوء والصبر وانتهى بشو للاسف بزعل من بينا وطول ليل وانا حرق بدخان لدرجه صرت حسيت قلبي بيوقف منه بس ما قدرت اتوقف منه حسيت يريحني , وهي من البارحه قفلت على عمرها الجناح ولا طلعت منه ولا أدري عنها ,, يمكن البعض بيقول انت غلط ليش عصبت وليش تصارخ بس والله لا تلومني ساعات تحطني بمواقف أبصم بالعشره أنه الشيطان يعجز عن تحملها وبيتعب منها أسلوبها استفزازي بحت .

أريد أي طريقه تساعدني لتغيير هذا الطبع , جربت شرب النعناع لين ما لاعت جبدي منه , صرت أسبح وايد أمشي بعد حسيته ساعدني بس مب وايد .

__________________

الحمد لله على كل حال

الله لا يضيع لك صبر انت ولجين معاك ...
أدعو ربي تكون نهاية هالمعارك لصالحكم وتقدروا توصلوا لطريقة تفاهم ..

أعرف اخي معنى كلامك تماما لأني من النوع اللي سهل اثارته وأعصابي حاميه . ومن كم يوم مريت بموقف وما أعرف كيف تمالكت أعصابي وما تسببت بحادث . الله المستعان .

وبالرغم من انه أحيانا تصيب وأحيانا تخيب لكني بظل احاول الى ان أصير أمسك أعصابي دااااائما .

واأسلوبي اللي لقيته نفعني أكثر شي أخذته من مستشارنا برضه ..

1- قبل اي نقاش لااااازم المعوذات والكرسي .
2- خلال النقاش أحط ببالي أمرين
ا- أنه الشخص اللي أمامي قاعد يستفزني وأنا ما راح أستجيب له ولا راح أعطيه طلبه .
ما اتوقع لحين تقصد تستفزك مثل شريكي .. يمكن بدون وعي وحتى تهرب من المواجهه .. لكن بكل الأحوال هي قاعدة تستفزك سواء قصدت أو لأ والنتيجة كانت توقف النقاش والهروب ..
فلما احط هذا ببالي أضرب بريك على طول وبتلقائية ما أتعمدها وأهدى حتى ما اخسر فرصتي للنقاش .
ب-




عندي مشوار وتأخرت عليه ..أعتذر

مزمز على اللي كتبته لك للحين ولما ارجع بكمل كلامي واشوف تعليقك

__________________

هذه صدقتي يعني هي راقبتها أي نقاش من بينا في البدايه تكون هاديه من غير ردة فعل لين ما تخليني أوصل لمرحلة صراخ تبدأ تتكلم ولكن دموعها تشتغل وياله تسمعين صوتها وهي ترد يكون الخوف واضح والله ساعات اقعد أمسك أيدها بقوه وقولها ارفعي صوتج ليش ترمسين بصوت واطي فجاه في غمضة عين تحصلينها طارت لجناحها .

__________________

الحمد لله على كل حال

الريضة و الوضوء تطفى الغضب

__________________
اللهم أسالك رضاك والجنة لي ولوالدي ياااااااااااب
http://www.66n.com/forums/showthread.php?t=235869

أنا ما أنكر يمكن هالشيء تعودت عليه في بيت أبوها , عمي دووم أراقبه يوم يكون معصب منها أو هي حتى غلطانه شلون يتعامل وياها بكل هدوؤء والله لدرجه مره كنا متهاوشين أنا وهي وجبته تخيلوا أنا قلت لحين بيغسل شراعها بالعكس مسكها وحضنها ويمسح دموعها وطلب لها عصير ليمون بكل بروووود ويلس يسولف وياها بصوت بالكاد أسمعه وكانت تتجاوب وياه وأنا كنت بموت وأنا أشوف الموقف بس عمي طبيعته هادي بعد ( ليكون وراثه )

__________________

الحمد لله على كل حال

صدقني كم طريقه أقراها ولكن يوم تنحط بالموقف والله ساعات احنا نتهاوش عقلي يحاول يسترجع أي طريقه من اللي قريتهم بس يوم عني تيجي بعيونها أزيد وتثير عصبيتي لاني أشوف فيها نظرة الاستغراب وغير دموع االلي بسرعه تنزل[/COLOR][/SIZE][/B]

__________________

الحمد لله على كل حال

الله يعينك يارب


فملن الله

__________________
اللهم أسالك رضاك والجنة لي ولوالدي ياااااااااااب
http://www.66n.com/forums/showthread.php?t=235869

اذا هي باردة انت لازم اتكون ابرد منها
واذا هي ما تتحمل الصوت العالي وانت اتصرخ عليها واتقول لها ارمسي عدل
طبيعي جداً ما بتتجاوب معآك

مرت اخوي كانت جي بس اللي سوا اخوي انه استوى ابرد عنها
اذا هي كانت ثلج هو استوى القطب الجنوبي !!!
متخيل الفرق

والحل اللي كان عنده انه دوم كان يتيدد اول ما يعصب فـ وصل لهالمرحلة
ونفس الشي موضوعه طوّل سنة وشوي

والحين هم سمنة على عسل تبارك الرحمن
وياهم ولد سموه حمدان

عقبآلك يا بو خليفه ...

الله يسهل عليك

امييين الله يسمع منج

__________________

الحمد لله على كل حال

بط جبدي الصراحة ن شنو تزوج عليها مسكينة اشسوت البنت علشان ينصحك بخراب بيتها ،ن وعلى فكرة ترى اهيا الصح مو انت ، ليس الشديد بالصرعة الشديد من يملك نفسه عند الغضب .


والله يوفقك يا ولد الناس ويصلح حالكم ،ن ومدام قاعد تدور على حل باذن الله مأجور وباذن الله هذا خير فيك وباذن الله راح تروح عصبيتك وتعيش مرتاح البال

مع السلامة