السلام عليكم
كيف حالكم يا اخوان

يمكن البعض يعرف موضوعي
انا متزوجه اقل من سنه وزوجي من اول زواجنا سافر عشان دراسته وانا قعدت عشان اكمل اخر سنه لي
وما شفته خلال هالفتره الا شهري ن
المهم
الله وحده عالم بالضيقه اللي انا فيها
حاسه حياتي فارغه بدون معنى
لو احاول اشغلها بشي بس بعد حاسه اني مو عايشه مثل اي متزوجه بالعالم!!!!!!

الموضوع هو
اليوم من الصبح وانا متضايقه حيل
والدمعه في طرف عيني مو عارفه شلون امسكها
وما اهدها الا لما اكون بروحي

اتصلت بزوجي ما رد وبعثتله مسج يتصل فيني
عقب فتره اتصل قالي فيج شي؟
كان على طرف اللساني افضفض له عن اللي فيني بس قلتله لا حبيبي ماكو شي بس جذيه
سولفنا وسولفنا
وعقبها ما قدرت امسك نفسي قلت له بسألك سؤال بس لا تزعل مني (اعرف انه الموضوع يزعله..بس خلاص مو قادره اكتم اكثر وهو الوحيد اللي ممكن يريحني)
سألته: انت تبغيني اجي وياك عقب ما اخلص؟ (طبعا مستغربين ليش سألته ...الله يسلمكم لاني احس انه اي شي يستوي لي يقولي عيل شو بتسوين اذا جيتي معاي؟ يعني اذا بكيت لما اودعه يقولي بتبكين اكثر اذا رحتي معاي على اهلج واذا زعلت علي اذا تأخر فليل يقولي عيل شبتسوين اذا جيتي معاي انا طول وقتي بالجامعه...يعني مكرهني بعيشتي هناك قبل ما اروح )
طبعا أنا سألت السؤال من هني
وهو تأزم من هناك (شلون تسئلين هالسؤال؟ وانا لو ما ابيج تيجين كنت سعيتلج بالفيزا؟ وانتي شريكة حياتي ...وبعدين انا ما احب انج تحطيني بموقع الدفاع والتبرير...ومن هالكلام !)
انا والله قصدي اتطمن...يعني لو كان جاوب بنعم اريدج تجين معاي كانت كافيه
مجرد تطمين
لكن هو فهمها اني شاكه بكلامه


طبعا حاولت اراضيه قبل ما يسكر بس حسيته حط في خاطره

هل كان ممكن اتطمن باسلوب ثاني؟
ولا هو حمل الموضوع فوق طاقته ؟ لانه المرأة اللي بنفس وضعيتي تكون حساسه !
ويا اخواني الرجال ...هل فعلا فهم زوجي كلامي على انه شك؟؟
وكيف اقدر اصلح الموضوع؟!

ما اعرف حاسه عمري ضايعه من دونه
واذا عبرت عن مشاعري ممكن اجرحه بدون ما اقصد
يعني اكبت نفسي فوق ما انا مكبوته!!!!!!!
وااذا هو ما تحملني منو بهالدنيا راح يشل همي؟؟؟ بانتظار ردودكم لاني باجر ناويه اسويله واعتذر ولا رايكم امشي الموضوع ولا اطريه ؟

عادي اتصلي عليه وسالفي ..و اذا شفتيه ماخذ بخاطره ... اعتذري ..
لكن يمكن لو بديتي المكالمه باعتذار بيفكرها كبيره وبتكبر براسه

على فكرة اختي ...
أول ماقريت موضوعج شدني ... ومن الصبح أحاول أسجل بس علشان أشارك ابموضوعج ...


سمعيني اختي ..
أول شي تراه من حقج تسأليين ...

ومن حقج تتضايقين من تعامله معاج ...

ابصراااحة بديت أعاني من نفس المشكلة ...

يعني نفسي أعرف إلي ابخاطرة عني ..

وفي شو ايفكر ... و شو يعجبة ... ومن هالكلام ..

لأنه انسان هااااااادئ جداً و ابصراحة أحسه إنسان غاامض ....

ما أعرف ليش ...



بالنسبة لج ...

كان لازم تسألين و عااادي ما فيها شي ...

بها لا تعتذرين منه أبد ... إنسي الموضوع ...

وكل ما اتكلمينة خليج امفرفشة ... و فرحانه ... و حسسيه أنج ولهاااانه عليه ...

يعني ... لا ترسلين إلا الرسائل الايجابية ...

أنا أقصد الرسائل النفسية الايجابية ... تراها واااااااااااااااايد مهمة ...

صدقيني ...



و أهم شي تحطينة في باااالج أنك تجتهدين في دراستك و خاصة في هذي السنة علشان اتروووحين عنده ...



شوفي حبيبتي ... ما عليكي من كلامه ... ما أعرف شو بتسوين لو رحتي معاي ... ومن هالكلام ...

طنشي ... أو أقولك قولي : أصلاً انت تكفيني ... و أنا لك ... صحيح بزعل أول يومين لما أفارق أهلي لكن أنا واثقة أني بكون فرحاااانه جنبك لأنك إنت هلي وناسي ....

حبيبتي ... خليك وااااثقة من نفسك ... ما عليكي ...

أهم شي التالي :

خلصي دراستك .

و سافري معاه .

و كوني واااثقة من نفسك ...

و خزني مواااضيع عن كل شيء ... أفكار خبرات ... معلومات ... مواضيع ...

خلي الحياة حلوة ...

صدقيني ...بيفرح .... ولو كان صامت إلا ما يطلع إلي بخاطرة ...

جاهدي في سبيل الحياة الزوجية الهانئة ...

كلنا معاكي في جهاااد ... هههههه

اتقوووووول حرب ..

اي والله تراها حرب من النوع اللطيف الرقيق الناعم الرومانسي ...


أدري تعب في تعب لكن النتايج تحتاج لتعب ...

اياني وياكي تتنازلي عن الروحة معاه لبرى لما اتخلصي ....

أنا شفت حااااالة ... زوجها سافر و هي ضلت في البلد علشان دراستها ...

و النتائج للأسف صعبة ... الزوج تعلم السفر و أنه بعيد عن زوجته ...

و الزوجة اتحاول و اتحاول من دون فائدة وااااضحة ...

بس أنا أقول تصبر و تدعي ربها و ان شاء الله ايرجع لها زوجها .. ويحن عليها ... آمين ...

بس تراااااها نصيحة من ألماس وذهب ...
غياني وياكي تفرطي فيها ...

مثال ثاني ... معاكس ... وحدة تزوجة و هي طالبة في الجامعة تقريبا قولي أول سنه إلها ... وقفت وراحة مع الزوج علشان اتعينه على الغربة ... و النتيجة حياة زوجية حلوة ...

و هذي تراها من واقع أنا نفسي أشوفة وألمسه ...


و انتي لك الخيار ... لكن الحكيم طبعاً ......




و السموحة على الطول لكن أتمنى الفائدة للجميع ...

تحياتي ..

وردة اتجنن ....






الإشراف/

(إن شاء الله) تكتب كما بين القوسين بارك الله فيك ..

عذوووووب فديتج موضوعج سهل

طرشي له مسج قولي له حبيبي انا تايهه من دونك وودري اعيش متزوجه بقرب زوجي مثل كل المتزوجين

وكانت تكفيني منك كلمة اريدج جنبي ياقلبي

ولله انك كنت راح تريحني بهالكلمه

الله العالم ان هذا اللي كان في نيتي فقط لاغير

واذا انت فسرت كلامي او فهمته عكس ذلك تكون ظلمتني .....


عسى الله لايجيب الزعل بيني وبينك ياااااااااااااارب


واتصلي سولفي معاه عادي

وعليكم السلام

اقتباس:

انا متزوجه اقل من سنه وزوجي من اول زواجنا سافر عشان دراسته وانا قعدت عشان اكمل اخر سنه لي وما شفته خلال هالفتره الا شهري

انت انتي بديره وهو بديره مسافر للخارج لوحده يكمل بعثته او دراسته وهذا اكبر خطا تقع فيه الزوجة انها تترك زوجها لوحده يسافر وكانه عزوبي!!
المفروض تروحين معه وإذا على دراستك لاحقه عليها تكملين لما يرجع
مثال : من معارفنا سافر زوجها امريكا سافرت معه وجلسوا سنتين هناك
من معارفنا سافر بريطانيا وسافرت معه .. ماعاد بنت خالي استغفر الله انصدمت انه تزوجوا وجلسوا عدة شهور ثم سافر عشان عمله وماسافرت معه!.. الله يسعدها الامور الان تمام ولهم اربع سنوات
لهذا انا اقول انك تسافرين مع ريلك و ما تتركينه لحاله في الغربة وحتى لو كنت بتطفشين هناك المهم تكونين مع زوجك والله اعلم ربي يسعدك وييسر اموركم

بصراحة أول ما قريت الموضوع شدني بسسسسس المضمون ما كان واضح بالنسبة لي مررره الا لما قريته اكثر من مره الزبده ان المشكله سهله الحل انك تعيشين حياتك وعادي لاتضايقين نفسك ولا تصيرين حساسه وأول ماتخلصين دراستك روووووووحي لزوجك عشان ما تخسرينه ودمتم ...

لا تكبرين الموضوع ، هاذي لحظة غضب معليش اتصلص فيه مره ثانية وكلمية عادي ولا كان ساير شئ ...

__________________

و الله يا قلبي

زوجك هو بحالة فقط يعلم بها الله تعالى

طالب مغترب و ضغط الدراسة و متزوج جديد و تارك زوجته

و استعجل لك بالفيزا ثم تسأليه هل تريدني أم لا معك؟

أخيتي الغالية ..

ربما الرجل اذا فعل شيئا يعني هو يريده

كل مافي الأمر أنه لا يجيد فن الكلام و المجاملة و حينما تسأليه هذا السؤال أكيد يتضايق

تخيلي اذكر لك مثال عن حياتي الخاصة ,,

كانت أمي تتهيأ للقدوم لزيارتي قبل فترة

و طبعا كنت مشغولة بالتحضير في مكان سكننا الجديد و ابحث عن الايجار الأنسب و كيف

سنقضي الوقت و كنت دائمة الحديث عن هذا الأمر

و في أحدى المرات قالت لي أمي ( و هذا شيء حصل فعلا)

يا بنتي هل تريدين ان اتي أم لا ؟!!

طبعا أنا صرت

و قلت يا أمي الله يحفظك يعني

بعد كل هذا التحضير و السعادة و الانشغال بهذا الأمر

و تقولين لي هل تريدين أن أحضر ... !

صراحة حزنت . و لكنها قالت لي أنا أريد اتأكد لأنني أسمع أنك دائما مشغولة

فقلت لها نعم مشغولة لكن هذا لا يعني أنني لا أريد أن اراك

لماذا أحضر اذا !!


الخلاصة .. الله يعين كل مغترب

و بالنسبة لك أختي ,, ربما هو كان قصده ان تقوي قلبك بعض الشيء

لكي لا تتألمي حينما تجربين الغربة للمرة الأولى

حفظكم المولى

__________________
اللهم تقبل دعاء

عزيزتي لا تكبرين الموضوع اتصلي وسولفي عادي ولا كأنه حصل شي واذا شفتيه ماخذ في خاطره

حاولي تعتذرين منه وتسمعينه كمن كلمة حب وعزل وان شاء الله ينحل الموضوع

وحاولي انج تبتعدين عن الحساسية الزايدة والحزن والضيق ،،، زوجج محتاج اللي يخفف عليه لانه مغترب

وعليه ضغوطات.. واذا حسيتي بضيق او حزن فافضل وانجح الحلول هو قراءة القرآن والصلاة والله بترتاحين

وايضا حاولي انج اذا بغيتي اي اجابة من زوجج انج ما تسألينه مباشرة يعني قولي مثلاً :

اتمنى اغمض عيني وافتحها والقى السنة الدراسية خلصت علشان اجي عندك..

أو

يوم بجي عندك يا عمري بحاول اني اسعدك واساعدك في دراستك واوفر لك الجو المريح وكذا وكذا

من رده عليج او اسلوبه بتعرفين على طول اذا كان يبغيج تروحين عنده ولا لأ

وربي يسعدج ويوفقكم ويجمعكم مع بعض ياااااااااااااااااااارب

اختج ---- لمني بشوق

__________________

هلا اختي عذوب

ربي يسعدكم ويخليكم لبعض

اختي ...بعض الاحيان الواحده منا تقول كلام بكل عفوية وحنية ورومنسية

لكن سبحان الله ..مخ الرجل يفسرها بشكل مغاير تماما ...مثل ما حصل لك

انت كنت تنتظرين انك تسمعين كلام لين يطفي نار الشوق اللي في قلبك

لكن هو سمعها بشكل ثاني تماما... سمعها او فهمها انها شك فيه

كان يمكن لازم انك تسألين بصيغة ثانية ...انا ما ادري باي صيغة ...لكن اكيد في صيغة ثانية تخلي الرجل يفه ما نود ان نوصله له يكون بشكل افضل

اختي عذوب اقرائي كتاب ..((رجال من المريخ ونساء من الزهر ))راح تستفيدين منه جدا

ولك احلى تحية