السلام عليكم ورحمة الله وبركاته
انا متزوج من شهرين والحمدلله على كل حال من الشهر الثاني وانا وزوجتي مو متفقين دايم تفهمني غلط في كل الامور تفسر كل تصرفاتي وكلامي بطريقتها وتتضايق انا بصراحه انسان مزاجي وبنفس الوقت حساس يعني نزلة الاسواق مااحبها نهائيا واذا نزلت اكون مجبور الشي الثاني مااحب تكرار الطلبات وهذا احسه عيب فيني متعود عند اهلي مااتقضى ولا انزل السوق الا نادرا ولا انجبر على شي ماابيه ومع ذلك مو مقصر معاها في طلبات البيت ,, قبل يومين صار نقاش بينا بخصوص اني عزمت اهلي في البيت فتحججت ان اغراض المطبخ ناقصه(المواد الغذائيه تقصد مو الاواني) وبدات تتذمر فقلت لها اكتبي الطلبات كلها واجيبها قبل يجون اهلي وهي كانت عند اهلها لما اخذتها جابت اغراض المطبخ حقت اهلها صحون وقدور بحجة ان اللي عندنا ماتكفي انا جن جنوني وعصبت وزعلت كيف تاخذ اغراض اهلها بعدين يقولو اني مقصر معاها ولاجبت شي مع انو هي لما نزلنا السوق اخذت اغراض قليله بحكم ان بس اثنين وكل شي باختيارها واكثر ماعصبت منه اني لما كلمتها سالتني وش تسوي لهم من عشا قلت نفس اللي تسوي لاهلك ( وانا اقصد نفس الكمية ) هي فسرتها انو لازم تهتم في اهلي وتسوي افضل الاكلات مثلما تسوي مع اهلها وربي زعلت مره كيف تفهمني غلط وتتضايق من امور تافهه واحيانا اجيب لها اشياء غاليه واقولها بالسعر عشان افهمها انها تستاهل اي شي غالي ومن محبتي فيها فتقولي انت تفكرني ابي اخسرك وابي اخلص فلوسك وغيرها من المواقف اللي تفهمني غلط ياناس تعبت والله لي يومين ونفسيتي تعبانه وباطنيتي تؤلمني لان عندي القولون العصبي وش اسوي وكيف اتعامل معها بالطريقه الصحيحه علما انها بنت عمي وعمرها 24 وانا 26 ولا ودي توصل مشاكلنا لاعمامنا ابي ابدا حياتنا بسعاده وحب وتفاهم

أخي..

شكلك وايد حساس .. وتكبر الأمور .. وواضح أنك أنت بعد تفهمها غلط!

أنا ناقلة بيتي من أكثر من سنة .. وكنت لا أزال أشتري في نواقص المطبخ الخاصة بالعزائم حتى وقت قريب جداً .. ومن شهر ونصف فقط اشتريت أطباق التقديم الخاصة بالسلطات!

وحتى الآن أستعير من عند أمي (أم زوجي) بعض الأغراض عندما يكون دوري في العشاء الأسبوعي .. مثلاً أنا اشتريت 12 صحن للأكل .. وهم ما شاء الله عددهم أكثر فأستعير من عند امي ست أطباق زيادة مع ملاعقهم وشوكهم .. يعني أكيد ما راح أخزّن عشر أطقم صحون تحسباً لوقت العزائم.

وأمي (أم زوجي) أيضاً تستعير من عندي أحياناً .. ليس أغراض المطبخ فقط بل أحياناً نستعير من بعض بعد النواقص الغذائية ... مرات أخذ من عندها حبتين خيار حق السلطة .. أو تأخذ من عندي حبتين طماطم حق الصالونة

الطبيعي يا أخي أن المطبخ يفترض أن يحتوي بشكل أولي على المتطلبات الأساسية التي تفي باحتياجات الأسرة .. اللي هي أنت وزوجتك فقط حالياً .. وطبيعي إنها لما تروح تشتري أغراض المطبخ وهي مالها شهرين متزوجة ما راح تشتري قدور كبيرة أو صحون تقديم لعدد كبير من الأفراد.

يعني استعارة بعض الأغراض من عند أهلها عادي وما فيه شي .. ولا يسيء إليك بأي شكل.


أما عندما سألتك : شو أسوي عشا .. فإجابتك توحي فعلاً بأنك تتحدث عن الاهتمام وليس عن الكمية ... وعن نفسي مثلاً لما أطرح ذات السؤال على زوجي فإنه يقترح بعض الأصناف ويختم كلامه بـ: لا تكثرين الأكل!


أما أنك تخبرها بأسعار ما تشتريه لها .. فجميل أنك رجل كريم لا يبخل على أهله .. ولكن ما عليه يا أخي تراها مب حلوة أنك كل ما اشتريت شي قلت ترا والله سعره كذا .. الزوجة تقدر عطاء وكرم زوجها بدون ما تحرص على معرفة ثمن ما يشتريه لها.

__________________


اللهم طِيبَ الأثر .. وحُسْنَ الرحيل.

نسيت اضيف شي مهم تقولي انها عجزت تفهمني وانا غامض فقلت لها وضحي لي وش الغموض وش اللي مافهمتيه مني قالت انا مو في مزاجي الان يسمح لي اتناقش معك وانا بعد ماوصلنا البيت هديت نفسي وكنت ابي نتناقش بهدوء وحسيت انها كسرت كلمتي لما قالت مالي نفس اتناقش معك فقلت خلاص نأجل النقاش بس تري هذا مو ضعف مني اني سكت وسمعت كلامك قامت تبكي بحراره وراحت المجلس وجلست للفجر وانا احاول تنام في الغرفه بالكاد قامت انا غلطت عليها وهي غلطت علي

الله أكبر .. كسرت كلمتك مرة وحدة؟!!!!

الله يهديك يا خوي .. مب جذي عاد!

__________________


اللهم طِيبَ الأثر .. وحُسْنَ الرحيل.

إنتوا الاثنين حساسين زيادة
و عادي الأمور هذه تحصل في اول سنة زواج

مشاكلكم عادية وعادي تصير في اول سنوات الزواج

اهم شي طول بالك وهدي اعصابك وخذ الامور ببساطة وحسن نية

افترض دائما حسن النية في الطرف الآخر خاصة انها مو غريبة .. هذي بنت عمك يعني اهلها هم اهلك

شهرين وهذا حالكم !!
اجل بعد سنتين انت في مستشفى وهي في مستشفى<<امزح

بصراحه كلكم طيبين <<حسب كلامك
بس الشيطان شاد حيله معاكم من بدري
انت طيب وكريم وحساس وهي طيبه وصبوره وحساسه

دائما قدم حسن النيه وكل ما جاك احساس يقولك امممم اش قصدها
قول اعوذ بالله منك يا ابليس واتفل عن شمالك
وردد مع نفسك هذي زوجتي حبيبتي عشر مرات ..واش ما يكون قصدها احبها اكثر منك يا شيطان
لحد يقول انجنت لا هذا الكلام سمعته من الشيخ عبد المحسن الاحمد لدفع وساوس الشيطان في الصلاة
وقس عليها جميع امور حياتك

انا اعترف اني حسااس اخطيت في حقها بس حتى هي اخطات في حقي انها مافهمتني وانا تغاضيت عن امور كثير ماذكرتها لكم والله العظيم احاول احسن الظن والنيه معها في غالب الامور بس حاس انها رافضه تفهمني او بالاصح مو عارفه تفهمني وبنفس الوقت لو اقولها وش الاشياء اللي تضايقني يمكن تتحسس زياد وتبكي ولايكون في مجال للنقاش. كيف اتصرف وكيف اخليها تفهمني ونطلع بنتائج مرضيه انا تعز علي دمعتها ولاتوقعت انها توصل للبكاء وكسر الخواطر

لازم تتصاقعون كثير لحد ما كل واحد منكم يفهم الثاني مع الوقت
وتصيرون سمن على عسل

بس انت هدي اعصابك وخلك ريلااااااااااكس
وخذ المواقف بضحك ومزح وبساطه وراح ينعكس هذا الشي عليها مع الوقت والتكرار

امنياتي لك بحياة سعيده
هذي ايامكم الحلوه لا تضيعونها ب ايش قصده وايش قصدها
شوف المتزوجين من سنوات يتمونو يرجعون للأيام اللي تعيشونها انتوا الحين

يمكن انتا دفش شوي وماتعرف تتكلم معاها .. ف تفهمك غلط

__________________
-

" وَلسوف يُعطيك ربُّك فترضى "