السلام عليكم ورحمة الله وبركاته
اخواني واخواتي اسعد الله مساءكم بكل خير واسال الله ان يحرم وجوهكم على النار قولو آمين
انا عندي مشكله وابي منكم الحل لاني في حال مايعلم فيها الا الله سبحانه وتعالى ....
انا تزوجت واول ايام زواجنا كانت احلى الايام ،،، وزوجتي كانت هاديه وتحبني وتحترمني
مر الشهر الاول والثاني وكل شي تمام ،،، في الشهر الثالث بعد الزواج حملت زوجتي وهنا بدأت المشاكل
والله والله والله من يوم ماحملت لين ماولدت ( 9 ) شهور مايمر اسبوع الا مشكله وتحولت زوجتي لانسانه عصبيه جدا ومتقلبه المزاج واذا عصبت تصرخ وترفع صوتها لدرجه مو طبيعيه واحيانا اهديها مافي فايده
وكل ماصارت مشكله تاخذ الجوال وتدق على ابوها وامها وانا ولاعمري دقيت على اهلي ودايم توعدني ماتعيدها وترجع تعيدها ،،،، المهم ولدت زوجتي وقلت يمكن حمل ووحم ومشاكله ،،،
الحين زوجتي ولدت وجابت ولد ،،، لها شهر بالتمام والكمال الا كم يوم ،،، هي لانها فبيت اهلها وهي فمدينه بعيده شوي عن مدينتي ،،، اروح ازورها كل اسبوع ( ربوع وخميس وجمعه ) وكل ما اروح اخذ احلى الهدايا كل اسبوع اروح بهدايا ماتقل عن 500 ريال واحيانا توصل 1000 ريال مع ان راتبي متوسط لكن قلت معليش زوجتك ياولد وتستاهل عيوني الثنتين وماتغلى عليها وربي
اخر اسبوع اخذت هدايا لزوجتي ورحت لها واعطيتها ،، واحسها مافرحت زي كل مره وتقول تعبانه قلت معليش مع اني تعبت بالهدايا وانا اختارها ،،، شفتها طفشانه وزعلانه وسالتها حبيبتي وش فيك تقول طفشانه طفشتني !!!
قلت انا !! قلت ايه طفشتني ،، وليه وماليه وكلمه مني وكلمه منها قامت ودخلت عند خواتها وخلتني لحالي مع المولود وانا جايب لها اغلى هدايا وجاي عشانها لاني احبها واموت فيها وربي ،،، ادق عليها جوال تطنش وارسلها تطنش ورجعت بعدها ،،، وانا ماخذ فخاطري لكن مع هذا كله ،،، جيت وعطيتها اكل تاكله صحن واخذته وحطته على سريرها ما اكلته ورديته مره ثانيه وما اخذته وعطيتها من صحني لقمه وجيت ابي اكلها ومسكت يدي تقول وخر عني !!!! جيت اقلها طفشانه مني بروح اذا طفشانه وجيت ببوس راسها تقول بعد عني !!
اليوم الثاني قدام امها تخيلو قدام امها ،، طبعا امها حست اننا متهاوشين من اشكالنا باين وهي تروح وتجي عندنا كل شوي ،،، جيت احضنها قدام امها وهي ترفع صوتها علي انت نرفزتني وانت طفشتني وانت وانت وانا ابي احضنها واهديها وهي تقول وخر عني بعد عني قدام امها !!!!! لما شفته كذا قلت تبيني اسافر وامشي قالت روح !!!! قدام امها !!!! ومشيت وسافرت بعد اغلى هدايا جبتها بعد اسبوع كامل انتظر اجي احضنها واخرتها انطرد !!!!! وانا اقسم بالله احبها واموت فيها
الحين انا رجعت ولي يوم بالضبط وسافرت ولا اتصلت ولا ارسلت ولا اي شي وجالس بالشقه لحالي طفشت عمري
انا احبها واموت فيها تكفون تكفون تكفون داخل على الله ثم عليكم تقولولي وش اسوي ترا انا طيب وطيبتي زايده على اللزوم فتكفون ابي شوركم الله يسعدكم

لآحول ولآقوه الآبالله .. مدري والله وش اقولك ياخوي يالله يارب انك تجبر بخاطره

انا من رايي انك لآتسسحها بحبك لهذي الدرجه ..

لآزم تبين لها غلطها عشان ماتكرر الي سووته

إزعل منها وبين لها زعلك ..

الله يجبر بخاطرك يارب

اخي الفاضل ، قرأت مشكلتك على امل مساعدتك ولكنني ازددت حيره وتعجبت من حال هذه الزوجه ، سبحاآن الله ، ربي رزقها بزوج يحبها كل هذا الحب ويفاجأها بالهدايا و تأتيها بكل حب وشوق وتقابلك بهذا الجزاء ؟؟؟؟
تقف كلماتي حائره امام ما قرئته هنا ، عادتن المرأء في فترة النفاس تحتاج لزوجها اشد من ذي قبل وتتمنى قربه منها ، اخي ربما انت طيب زياده عن اللزوم كما قلت انت عن نفسك ، بعض النساء لاتعيش وتنسجم الا مع الزوج الجاف ، تصبح تجري وراءه وتتمنى رضاه ولكن انت لم تجعلها تشعر بهذا الشعور يوماآ ، اخي اتمنى منك ان تتجاهلها ولاتتصل عليها واقطع صلتك بها فتره حتى تعود لرشدها وتشعر بفداحت خطئها.

__________________

عادي يمكن اكتئاب ما بعد الولادة و جا على حظك
انتظرها لمن تخلص الاربعين و ترجع بيتها و تخف شوي
و انت كمان مرة لصقة .. يمكن مزود العاطفة معها شوي
و هي من النوع اللي مو رومانسية ف ماهي متقبلة المشاعر الزائدة
و الله اعلم يمكن كلامي صح او غلط ..
انت خلك ثقيل و لا تبين لها عاطفتك و مع الايام بتنهبل و تقول زوجي
وشبلاه ماعاد يحبني و بعدها ترجع لك مثل قبل ان شالله
اهم شي افرض شخصيتك عليها و خلها تهاب زعلك
مو تفهم كلامي غلط و تروح تصارخ عليها
بس خلي زعلك حاد عشان ثاني مرة ما تستهين بك قدام احد
موفق

__________________

‏
الوعي هو الملاذ ..

أستغفر الله العظيم ؛
( الفردوس غايتي )

حياك أخي الحبيب ..
هد اللعب شوي اخوي .. بوس واحضان ومداعبات ..يوووه ..
لا قصدي يالغالي .. تترك زوجتك فترة اسبوعين شهر مثلا .. مايمنع .. دون أن تتصل ..
دعها أخي الكريم دون أن تكلمها .. نعم اجعلها في اختبار هذه المدة ..
فلربما قيل للزوجه أمر وهي تحاول أن تغيره لكن يصعب عليها أن تتفوه به ..! ربما ..
ربما كرهتْ منك أمر واستحيت أن تقوله لك ..! ..ربما ..
فببعدك عنها تجعلها في اجازة ..
المهم اتركها حاليا .. ثم بعد الشهر .. ارجع لها .. وانظر لحالها .. إن بقيت على ما تركتها عليه ..
حينها وجب منك أن تحادث والدها ووالدتها بأمرها .. وتسألهم عن سبب تغيرها فلربما أفصحت لهم
مالم تستطع أن تقوله لك .. وعندها لكل حادث حديث ..
يسر الله أمرك وألف مبروووك المولود الجديد جعلها الله من مواليد السعاده والصلاك ورزقك بره ..

__________________
كيف اقاوم الهم والألم. بالسجود راحة واطمئنان.

نهاية نوال..!

اختي اي اكتئاب ، زوجة اخونا تغيرت عليه من ثالث شهر زواج كما ذكر ، كلنا مررنا في هذه الفترات حمل وولاده ونفاس وتعب نفسي وجسدي واكتئاب ووو لكن ماتفعله زوجة هذا الأخ ربما نتيجة طيبته الزائده معها واضهاره لمحبتها كثيراآ وهي للأسف استغلت هذا الجانب في شخصيته.

__________________

اختي اي اكتئاب ، زوجة اخونا تغيرت عليه من ثالث شهر زواج كما ذكر ، كلنا مررنا في هذه الفترات حمل وولاده ونفاس وتعب نفسي وجسدي واكتئاب ووو لكن ماتفعله زوجة هذا الأخ ربما نتيجة طيبته الزائده معها واضهاره لمحبتها كثيراآ وهي للأسف استغلت هذا الجانب في شخصيته.

__________________

اثقل و أنا أخوك

خل تعاملك معها رسمي جدا يعني لا تحسسها بالحب ولا الهدايا ولا غيره بس قم بواجباتك المادية خصوصا مصروف الطفل وسؤال عنهم كل يومين ، وخل كلامك كلمة ورد غطاها .

اختي اي اكتئاب ، زوجة اخونا تغيرت عليه من ثالث شهر زواج كما ذكر ، كلنا مررنا في هذه الفترات حمل وولاده ونفاس وتعب نفسي وجسدي واكتئاب ووو لكن ماتفعله زوجة هذا الأخ ربما نتيجة طيبته الزائده معها واضهاره لمحبتها كثيراآ وهي للأسف استغلت هذا الجانب في شخصيته.

__________________

والله العظيم اني طيب وعلى نيتي لدرجه مايعلم فيها الا الله
ووالله العظيم اني احبها واموت فيها بس ما ادري ليه رفعت صوتها علي وانا احضنها !!!!!!!
ولما قالتلي طفشتني ! قلت تبيني اسافر واورح ؟؟؟ ردت علي قدام امها وقالت روح
واقلها جبت لك احلى هدايا واغلى هدايا تقول ما ابي منك شي !!!!!!!
في بداية اليوم اخذت الهدايا وقالت شكرا وعادي بس بنص اليوم تغيرت فجأه وسالتها وش فيك تقول تعبانه هي كانت تعبانه قبل واشتكت لي بس عادي تضحك وتحضني وتتكلم معاي ومشتاقتلي بس تغيرت 180 درجه تخيلو لدرجه انها ماتبي تطل فيني والله العظيم واقلها طلي فيني اكلمك وتطل طله وتشيل عينها احسها ماتبي تشوفني

اللي اعرفه ان الوحده في النفاس تشتاق لزوجها اه بس ،،، وراح الوحم والحمل وانبسطت ليه ليه ليه ليه يصير فيني كذا يارب دخيلك يارب تحملت قرف الحمل والوحم 9 شهور والحين ابي انبسط والقى كذا !!!!