زوجه تعاني من طفولتها البائسه .. أشيروا علي ما الحل ؟؟
السلام عليكم
بقولكم قصة وحدة مسكينه ضحية لقسوة امها وكبرت معاها عقد من الصعب جدا حلها .
هذي البنت مره رقيقه وحساسه من صغرها وامها تضربها وتتمسخر عليها امام الجميع و خاصة خوالها لدرجة ان خوالها جرأو عليها وصارت ملطشة لهم . كانت تفشلها قدام صديقاتها تهاوشها وتطرد صديقاتها من البيت من غير سبب .
خلت البنت تكره أعمامها لانها تكرههم والنتيجة ان حتى الاعمام ما صارو يحبون هالبنت . وإذا زارتهم صارت مطنزه لهم . المهم طفولة هالبنت مليانه بؤس .
أما الراهقة ........... فما أدراك ما المراهقة مارست الام أشد أنواع التعذيب على بنتها طبعا الضرب أستمر على اتفة الاسباب بالنعل والمكانس كانت تهلكها بشغل البيت حتى بعز ايام الاختبارات وتخليها تعيد الشي الف مره رغم انه نظيف طبعا مع الضرب المبرح . البنت كانت تخاف من الصراصير وكانت امها تتعمد تخوفها وتتطنز عليها اذا صرخت أو أستنجدتب بأحد .
البنت هاذي كان لها قريبة ساكنة معاهم بنفس العمارة كانت امها مدلعتها وتخاف عليها وتحرص على اكلها ودايما ترتبها وتشتريلها احسن اللبس ومن الطبيعي أن البنت الاولى تحس بالغيرة وتتمنى ان هذي امها .
لما دخلت البنت الجامعه تعرفت لها على بنت من بيئة مختلفة تمام اللي يقولون عنها ( فري ) وكانت البنت جريئه شوي انجرفت البنت لعالم صديقتها وانبهرت فية فكانت مستعدة تسوي اي شي عشان توصل لمستوى صديقتها . صارت ما تحضر محاضرات وبس تهرب من الجامعة وتدور وتلفلفل بالشوارع مع صديقتها
تخيلو ان الام كانت تطرد صديقت بنتها لم تجي تزورها وتضيق عليهم عشان البنت تترك بنتها . وصلت فيها انها تضرب بنتها وتتفل بوجهها قدام صديقتها . المهم ان هذي الام قدرت تفرق بنهم رغم صبر بنتها لانها ما لقت هالصديقة الا بعد تعب .
الحين البنت متزوجة وعندها ولد وبنت بس ما هي قادره تكون سعيدة او تسعد زوجها وعيالها ماهي قادرة تختلط بأهل زوجها لما يتجمعون تضل ساكته وحاسة ان كل الموجودين يحتقرونها و ينظرون لها بدونيه . حتى اذا احد وجه لها سؤال تنحرج وهي ترد وما فية الا تتلعثم واحيانا تغلط بالحروف ويصير كلامها يضحك ويحمر وجهها وتحس بحراره . المشكله وين ما راحت تحس هالاحساس من الجميع ما تقدر تسولف ولا عندها ثقة بنفسها على انها حلوة ولبسها حلو وجسمها حلو ما ناقصها شي ( ما شا الله ) .
الام الحين تمارس نفس الشي على الاخت الاخرى أنواع التعذيب والحرمان . ما تدري هالام انها ما عادت محبوبة او مرغوب بالسوالف معها من بناتها دايما تلاقيها قاعدة لحالها واذا جا احد عندها من بناتها ما يتحملون اللي تسوية لانها تدور وين الشي اللي ينرفزهم ويغيظهم تسويه بوجودهم . لدرجة ان بنتها المتزوجه مره لا شعوريا من كثر الضغط اللي مارسته عليها دعت الله انه ياخذها بصوت عالي امام العيلة كلها
الموضوع كبير والمواقف كثيرة ما تخلص .......... المهم ان هذي البنت تبي حل عشان تتخلص من عقدها وتعيش حياه طبيعية مع زوجها والاهم تبي تتخلص من الخوف اللي فيها اللي ملازمها ليل نهار حتى وهي نايمه كل شوي وهي فازعه ... هذي كيف بتربي عيالها .... بكره حتى زوجها يمل منها بالذات انها رضت بأي زواجة عشان تفتك من امها .
بليز اللي عنده اقتراح او حل لا يتأخر علي بالرد وانا بوصلها ردودكم اول بأول . :20:
27-05-2006, 08:06 PM
ضوابط المشاركة
العرض العادي
