السلام عليكم ورحمة الله وبركاته
وبدون مقدمات بسألكم بالله
ايش رايكم بحياة زوجة زوجها يسهر طول الليل ومايرجع إلااذا بقى على دوامه ساعة ؟!

ابحثي عن السبب الحقيقي وراء هذه المشكله

،،

اجلسي معاه احتويه ناقشيه ذكريه بالله بكل هدوء وبعيد عن التجريح والعصبيه واذا استمر الامر بلغي اهله والاقرب لقلبه منهم لكي يناقشه

__________________
سبحانك ربي اني كنت من الظالمين

ابحثي عن السبب
ممكن انتي لكي عﻻقه بالموضوع
الله يوفقك

حبيبتي ياقانعه
والله بحثت عن كل شي لدرجه فتشت جواله مااتضح لي شي
تكلمت معه بكيت وحلف لي انه انسان نظيف ماهو راعي خرابيط
مدري كيف ؟!
بسراحه والله مافكرت انه مثلاً راعي بنات وخيانه لان الظاهر فيه مو باين ولاهو يعني يمسك جواله كثير او انه يبتعد عني اذا مسك الجوال
علشان كذا انا ماشكيت فيه من الناحية هذه
لكن السهر مره مره متعبني فيه والمشكله انا ماادري وين يروح او ماعنده مكان محدد يروح له مثل استراحه وبس ياليت له مكان محدد ممكن انا اطمئن شوي
اخوانه الكبار مستأجرين استراحه ودايم يروحون لها ويرجعون منها الساعه 12
يقولون لزوجي تعال معنا وهو رافض انه يسهر معاهم ! ياليت لو يسهر معاهم اكون مرتاحه شوي وتكون سهرته خفيفه والحد المعقول .

الله يطمن بالك اختي ويبرد قلبك
طيب حاولتي باللين معو ان تسأليه اين يسهر ومع من
معقول لا يخبرك الى اين ذاهب
يجب ان تجربي كل الطرق لتغييره وقبل تغييره كسبه لانه متى كسبتيه سيصيح صفحة بيضاء لك
لا تطنشي اختي عالموضوع والا سياخدها عادة وتستمر معه هذه الصفة مع الايام وفي المستقبل
لكن يجب ان تعرفي متى تتكلمي في الموضوع اختيار الوقت المناسب للمصارحة مهم
اسال الله ان يسخر لك زوجك ويبعد عنه هذه الصفة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ياليت يااخ سلطان اكون عصبيه ممكن اقول الي نفسي فيه بدون خوف وتردد
انا مااقدر اتكلم ومشكلتي علطول الزم اصمت واذا تكلمت بكيت
طبعاً هو عارف طبعي زين اذا انا سكت طوال الوقت ولاكلمته يعرف بأني زعلانه منه
يجلس يقرق فوق راسي لكن عنده ميزه بأني اذا زعلت يعملي قهوه يرضيني فيها ويعرف ايش المشكله
بالنسبه اقول لأحد واخبر اهله هذا مستحيل جداً اخبر الناس عن اسراري
لعلمك ويمكن ماقريت مشكلتي الاخيره كنت كاتبه عن سالفه ابو زوجي
في حين تأخر زوجي وخبرت ابوه بعد مااذن الفجر
تتوقع ابوه تدخل والله ابداً ماقال لزوجي شي
وطبعاً زوجي انبسط وقال ترى اهلي مايتدخلون بمشاكل الزوجين
وندمت وبقوه بأني خبرت ابوه بهذا الشي

انا مالي علاقه بالموضوع انا الحمدلله انسانه اعرف حقوقي وواجباتي زين
انا ماارفض خروجه وسهرته بحد ذاته وبالعكس اعطيه حريته يسهر متى شاء لكن ارفض
السهر الطويل امضي طول يومي لوحدي
قلت له مامنعتك تسهر لكن لاتطول بالسهر ارجع بدري يرفض
هو الحمدلله معطيني حريتي اطلع متى مابغيت وارجع متى مابغيت لكن تعرفين انا والبنات الي معي عندنا بيت ومسؤليه فمستحيل نسهر للفجر
اليوم قررت اسهر عند اختي بماان بيتها جنب بيتي رحت عندها شفنا الجو جميل
نزلنا للحديقه عندنا وبعدين كل وحده راحت لبيتها غيرت جو شويا بس انتي تعرفين مو كل يوم اختي بتفضى لي اليوم فضت لي ممكن بكره لا.

صحيح اختك مو دايم حتكون فاضيه
زوجك اﻻساس واﻻهم، ، الله يهديه
حبيت ادعيلك مو عارفه أنصحك بشيء معين
لكن اللي يخاف مايتصرف بالطريقه المزعجه هذي
الله ييسر أمورك ويصلح ويسخر لك زوجك

تسلمين حبيبتي
انا كيد قبل لايطلع اقول وين بتسهر اليوم ويقولي كافي شوب
لكن الكافيهات تسكر بعد الساعه 12
ارضى يسهر لكن انا تعبت من هذه الحاله يتأخر يومياً وين حقوقي كزوجه !

اليوم قالي بسهر مع الشباب في مباراه كأس العالم واعرف زوجي مو مره حريص على المباره هو حط لي سبب حتى ارضى يسهر
تلبس وتكشخ ولبس احسن ساعه والثوب جديد وطلع طبعاً علقت عليه ليه بتتكشخ لهدرجه يعني مو محتاجه تكشخ المسأله !
قلت طيب لاتتأخر قالي لابتأخر ماعليك

كيف ازعل عليه ولالا ايش اسوي له اذا تأخر عادي مثلاً استقبله بالاحضان يعني .