اقتباس:
المشاركة الأصلية كتبت بواسطة عاشق الرومانسية
لايتم اللقاح الا بنزول البويضة وهذا معروف ولا تنزل البويضه الا بشهوة
أنا ما سمعت بالرعشة قبل لكن دام انك تقولين انك مثل الجدار فهذا مايعني ان زوجك سوى كل شي
اخلقي شيء من الرومانسية وخذو وقتكم الكاف من العناق والمداعبة وخاصة المناطق الحساسة حتى الاتصال وبعدها يتم التلقيح
الله يرزقكم بما يقر به أعينكم
|
لا تنزل البويضه الا بشهوه؟؟؟؟؟؟؟
الأنثى لما تنولد يكون عندها مدري كم بويضه مخزونه كل وحده في حويصله تدعى حويصلة جراف في المبيض و تكون هذه البويضات في حالة ستاند باي
لما توصل البنت لمرحلة البلوغ يصير كل شهر عندها أيام تسمى أيام التبويض في هذه الأيام هرمون مدري أيش اسمه ينشط وحده من البويضات فتطلع من طور السكون و تخرج من حويصلتها
بعد كذا الحويصله تكون جسم يسمى الجسم الأصفر في المبيض و هذا يعتبر غده صماء لأنه يفرز هرمونات
أما البويضه فهي تنتقل إلى قناة فالوب و هنا المفترض يتم تلقيحها
إذا تم تلقيحها تنقسم البويضه مدري كم مره و تكمل تحركها حتى تصل إلى الرحم (اللي يفترض انه يكون مستعد لاستقبال بويضه مخصبه أو اللي نسميه الزايجوت) و تلتصق في جداره و بكذا مبروك المدام حامل
إذا ما تم تلقيحها فالبويضه و الجدار الداخلي للرحم و مدري أيش مدري أيش تنزل على شكل الدوره الشهريه
يعني الشهوه ما لها علاقه بالتبويض لأن التبويض المفترض يتم كل شهر من يوم ما توصل البنت لمرحلة البلوغ إلى أن يخلص مخزون بويضاتها (يعني توصل لسن اليأس)
و لنفس الأسباب الرعشه ما لها علاقة بالحمل لأن كثير ناس يحملون و عادي و هم ما وصلوا للرعشه في يوم و كمان عمركم سمعتوا مثلا ان التلقيح الصناعي يكون فيه رعشه؟؟؟؟؟؟؟؟؟؟؟ ما أعتقد
--------------------------------------
هذا كلام من معلوماتي العامه يعني بتعبيري يعني مو ضروري ان يكون 100% صح فاذا أحد شاف ان فيه شي غلط ولا شي نرجو منه انه ينورنا