ناوي اتزوج على زوجتي
للعلم مافي اي مشاكل بينا لكن رغبه ملحه

ابي التغيير

زوجتي ماينقصها شي

لكن الروتين جاب لي المرض

وقلت لامي واختي يدورون لي ورفضوا من دون سبب

كيد نسائي

فسجلت في موقع زواج وتعرفت على وحده عمرها 30 ممرضه

وانا مقتنع فيها تماما

وماناقاصني الا شوركم

مبروك مقدما
اذا شور امك وخوااتك ما اخذت به ودك تاخذ بشور هالناس الاغراب
يا ريت تشوف هالربط
http://www.66n.com/forums/showthread.php?t=221201

__________________


اللهم اعنا على ذكرك وشكرك وحسن عبادتك

مبروك مقدما
منك لمال ومنها العيال

__________________

لا اله الا انت سبحانك اني كنت من الظالمين

لا حول ولا قوة الا بالله لهالدرجة صار الزواج امر هين والله انك مارح تجيب لنفسك الا وجع الراس انت مثل اللي يسعى على خراب عشه مثل ما يقولو ولا تصدق اللي يقولك انه مبسوط انه متزوج اكثر من وحدة كلها كذب في كذب بس يقول كدا يكابر قدام الناس وترى امك واختك اعرف بالحريم ولانهم شايفين انه زوجتك زوجة مثالية وانه زواجك رح يتعبك رفضو تزويجك
والله مو عشاني حرمة انا اشوف انك رح تشتت نفسك و حتندم اشد الندم والله اعرف كثيرين صحيح انهم انبسطو في البداية ولكن رجعو ندمو لدرجة ان احدهم متزوج ثنتين وكل ما راح لوحدة تشكي له من الثانية وتحاسبه ليه جبت لها وما جبت لي ليه رحت لها وما جيتني ......الخ وفي الاخير اخذ له شقة ثالثة في الملحق كل ما طفش منهم طلع وتركهم ثنيناتهم

حياك الله اخوي سامي

والله ماتدري يمكن تفتح على نفسك باب مايتقفل

وانت شاورت أهلك ورفضو بدون سبب وتوجهة للإنترنت يعني موضوعك خالص

ومقتنع تماماً شورنا وش بيفيد

وبعدين يا أخي المواقع هذي انت تضمنها ؟

إذا راسلتك انت راسلت غيرك كثير

لاتوهم نفسك انه انت صح وكل اللي حولك غلط

حاول تغير في زوجتك

غير غرفة النوم

سافر انت وياها

وإذا كانت زوجتك لاينقصها شي لا أرى ان الزواج له داعي

ماتدري وش بيصير بعد زواجك وغيرة الحريم

والاخوان ماقصرو اعطوك الرابط حق ابو فهد

وإن شاء الله تتغير وجهيتك وتعدل عن اللي براسك

موفق أخوي

__________________

الله يهديك...بس

طيب اخطب لك وحده بطريقه سليمه ترى الانترنت ماينفع للزواج

ان كنت فعلا تبي تعدد من دون مشاكل ...شوفلك وحده عن طريق امام مسجد او اخت احد اصدقاءك..وائمة المساجد يدلونك على الخير يااخي...ابعد عن مواقع الزواج...
والا انت بس تبي تجرب...يعني صالحه او طالحه ماعندك مشكله بس تجرب وتطلق ولا شو؟؟
سؤال...
كم لك متزوج وكم طفل عندك كم عمرك؟؟وهل تحب زوجتك ولا عادي وهي تدري انك ناوي تتزوج..ان ماتدري ضروري تخبرهاوان كانت تدري نصيحه خلها هي تشوفلك زوجه..حتى لو رفضت اقنعها..بطريقتك عشان تضمن نجاح الزواج..
واتمنى تجاوبني ايش قصدك بالروتين الي انت مليت منه...يعني روتين من اي ناحيه(العلاقه الخاصه مثلا) لو جاوبت راح تفيدني كثير انا واخواتي..
ولو تحاول انت تكسر الروتين وتغير...بيروح الملل الي انت فيه احسن لك من وجع الراس...ومشاكل وغيرة الحريم..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

الله يوفقك ويعينك على الحريم ومشاكلهم
المهم العدل ....مبرووووك مقدما

__________________
العـمـر ذآ..فآنـي ولا شكـ ..تــدرون!لآبد أصير بيـوم . [ذكـرى قـديمـه!!تـكـفوـون لآمن غبت يا إخوان تدعون!!يآآرب ترزقـهـآ الجنان .. العظيمـه!!

تزوج بارك الله فيك

زواجك يفك أزمة عانس في المجتمع

لو كل رجل فكر بهالمنطق مابقت ولا عانس

منطق تغيير الروتين ظلم للثانية ,,ان ياخذها فقط كرغبة لأن الرغبة تقل مع الأيام و تتحول هي الأخرى لروتين
و تطفو بعدها مشاكل البيتين و التأقلم مع نفسيتين و الخ
إذا كان عندة قدرة مالية و جسدية و نفسية و ضامن زوجته ماراح تتأذى كثييير نفسيا
فالله يبارك له,,,,

__________________

انا اقصد القضاء على العنوسه في المجتمع