بسم الله الرحمن الرحيم

السلام عليكم ورحمة الله وبركاته...

والله ماأدري من وين أبدأ بس مشكلتي مشكله أنا وحيدة أهلي أمي وأبوي أنفصلوا وأنا عمري 6 سنوات
عشت مع أبوي صح كنت مدلله وأللي أبيه يجيني لكن كنت مخنوقه أحس بوحده ومرت الأيام وكبرت وصارعمري 17 سنه وبدوا الناس يخطبوني وكنت مبسوطه بنفسي لكن أكتشفت شي وهو أن أبوي مايبيني أتزوج وكل ما جا أحد يخطبني طفشه مرت سنه وأحنا على هذا الحال إلا أن تقدم واحد وخطبني عمره 36 سنه وكنت مقتنعه فيه صح فيه فرق بالسن بس أنا كنت مقتنعه بابا حاول يطفشه بس هو كان ولا همه شرط أبوي أن مافيه ملكه ألا بعد شهرين ووفاق الخطيب ومروا الشهرين وتملكنا بعد أسبوع من الملكه خلق بابا مشكله وقال لخطيبي طلقها هي معد تبيك بس أنا أبيه ومنعني أني أكلمه أخذت جوال الخدامه ودقيت على خطيبي وقلت له أنا ما أبي أتطلق عرف أبوي وحاول يقنعني ويقول أنتي وش ناقصك أنتي مرتاحه ومبسوطه وش تبين بزوج يضيع عمرك رفضت وتمسكت بموقفي وجا يوم زواجي وأبوي مايكلمني
وتزوجت وهو مايكلمني وزعلان زوجي قعد شهر واحد يعاملني زين وبعد الشهر عذاب حاولت أعرف السبب يقول ضغط العمل صرنا كل يوم هواش وطقاق ألحين كملنا سنه ونص تصدقون أني لين ألحين بكر بنت ما لمستني شعره علما بأني والحمد الله مو ناقصني جمال ولازين ودلال بس ما أدري وش صار أحنا أنخطبنا شهرين وتملكنا 6 شهور وكان يتمنى يلمس يدي بس ألحين أنا عنده والله يدي مايلمسها ويغار علي غيره مو طبيعيه لدرجه أني في بيتي ويقول لي لا ترفعين السماعه حقت التليفون أبدا تخيلوا مافيه مره رحنا لسوق ألا وتهاوشنا كسر شخصيتي بعد ما كان مافيه أحد ألا ويعجب بكلامي وبأسلوبي صرت معد أعرف أتكلم وأخاف وأبوي بعد ماتحديته وتزوجت قال لعد تعتبين باب البيت أبدا وألحين زوجي طايح في شي جديد صاير يتسمع علي وأنا أكلم لدرجه أني مره شغلت العين حقت النار بحرق وجهي والمشكله أنه هو مايبي حتى يلمسني والله تعبت وبعد يقول لي أنسي فكره الأطفال مره والله أنا تعبت وماأدري وش أسوي أبي أحد يشور علي....


تم تعديل العنوان ليتناسب مع المضمون ..

عزيزتي بصراحه ماعرف اش انصحك فيه بخصوص زوجك بس ابوك لازم ترجعين وتستسمحين منه مايصير تقطعينه هذا ابوك حتى لو قال لا تجين روحي له مو عشان تشتكين له لا بس عشان يرضى عليك ولو طردك ارجعي له مره ثانيه الين يسامحك .. حتى زوجك لما يحس ان اهلك معك بيعمل لك حساب .. والله يكون بعونك .

اسئل الله العظيم رب العرش العظيم ان يفرج همك في هذى الشهر الكريم

اول شئ حاولي باسرع وقت بالسلام على ابوك مهما يكون ومهما يقةل ابوك لازم تروحين حتى لو يقول لاتجين

الشئ الثاني لاتنسين تقرين سوره البقره في بيتك والمعوذات عشان الحسد والسحر لاسمح الله

استعيني بالله ثم الصلاه ادعي ربك في السجود والله كريم كريم كريم

ان شاء الله ينفرج همك

بعدين ليش مايروح زوجك اكلاكم للشيخ يقراء او تسمعون القرآن بشكل يومي وليلي

الله ييسر امورك

ابو فهد

ومين قالكم أني مارحت لأبوي وأستسمحت منه وطردني وهاوش زوجي وطردنا وكم مره عزمته وجهزت كل شي وماجاء

السلام عليكم

الأخت الفاضلة / ظلام نجد

بداية نرحب بكِ عضوة جديدة بل أخت وسط أخواتها .

و الله يعينك على ما بلاكِ . أختاه .. أستعينيِ بالصبر والصلاة .

حاولي تراعي ظروف زوجك على قدر المستطاع وعليكٍ التحمل .

وقبل كل شيء هو أن تعودي وتراضي والدك . نعم يجب أن ترضيه ربما ما أنت فيه من أحوال غير مستقرة هو لعدم راضى والدك عليكِ .

اصلحي علاقتك معه بالسؤال الدائم عنه ولا تنسي إن هذا الرجل لم يتخلى عنكِ ولم يحرمك شيئاً وهو الذي أحتضنك من الصغر فهو أصبح لكِ بمثابة الأب والأم .

والأهم من هذا كله جددي إيمانك مع الله وأقتربي أكثر وأكثر عسى الله أن يبدل الأحوال والقلوب في ليلة وضحها .

وأسأل الله لكِ أن يصلح حالك ويوفقك لما يحب ويرضى

ودمتِ في حفظ الله

__________________
الأهم من أن تتقدم بسرعة هو أن تتقدم في الإتجاه الصحيح
**** ****

أبوي مايبيني أتزوج والدين يقول إذا جائكم من ترضون دينه وخلقه فزوجوه

الله يعينك يا اختي

بالنسبه لوالدك اتصلي واسالي عنه حتى لو طردك او سوى ماسوى

اما بالنسبه لزوجك حاولي تتقربين منه وحاولي تتكلمين معه بالتي هي احسن

شوفي وش يرضيه وقولي له هالكلام ((اللي يرضيك انا بسويه))

حاولي تعرفي وش سبب بعده عنك

وضحي له انك انسانه كتومه وتحفظ الاسرار وانك شاريته لاخر لحظه

واكثري من قراءة سورة البقره والاستغفار

حاولي اذا كان نايم تقراين سورة البقره بجانبه بصوت منخفض جدا اقرائيها كامله

والحي على الله بالدعاء في هذا الشهر الكريم

اكثري الدعاء واللجوء الى الله

الله يفرج همك ويصلح حالك
ويصلح ما بينك وبين ابوك


موفقه ان شاالله

__________________
[/size]

حياك الله غالييتي ظلام نجد

اعانك المولى وفرج همك


ربما مابينك وزوجك حسد او سبب

يجعله لايقترب منك

اذ من غير المعقول سنه وزياده لم يلمسك

وانتما زوجان في بيت واحد


وان ضاقت عليك الجاي للواحد القهار

وابتعدي عن وساوس الشيطان










ا

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..