السلام عليكم ورحمة الله وبركاته
مساء الخير لكل المتواجدين انا عندي مشكلة واريد ان تساعدوني في حلها
انامتزوجه من خمس سنوات الحمد لله علاقتي مع زوجي جيدة لكن مشكلتي هي نفسية زوجي دائما تعبانه من ناحية عمله ,وهو مجد جدا في عمله ومثالي جدا وهذا الي متعبه ومتعبنا معاه يقول انهم مايقدرون عمله واحيانا كثيرة يريد ترك العمل تعبت كثيرا يجي الى البيت وهو منهك احاول اطبطب عليه واغير من نفسيته .
مع العلم انه يدرس في المساء وجدوله اليومي مضغوط جدا لا يرتاح ابدا لا ادري ماذا افعل من اجل تغيير نفسيته اريد ان اسعده وهو ايضا ليس اجتماعي ولا يحب الزيارات الكثيره بسبب
ضيق الوقت عنده .
لم اجد من افضفض له غيركم اتمنى ان تعطوني حلول لاغير من مثاليته ونفسيته.....

والله شو نسوي بالرجال ونفسياتهم
زوجك ذا أرحم من رجال ثانين
بس حاولي تشغليه أول مايوصل البيت بأي شي وكلما حسيتي انه يتكلم فالعمل حاولي انك تبسطي من مشكلته وانه العمل مسأله يبغالها راحة بال
وبالتوفيق

لا اجد طريقة سوى أن لا تكوني والشغل والدراسة عليه ...


بمعنى لا تشيليه همك ... عبري عن مدى فخرك بما يفعل من عمل لأجلكما ... ودراسة في نفس الوقت ...

تخيلي الحياة المستقبلية معه بصوت عال .. وهو معه شهادة وتتفاخرين به أمام اهلك ...


بيني له كم هي الحياة بدونه لا لون لها او طعم

ادعي له وهو يسمع ان يعطيه الصحة والعافية وان يطيل بعمره لكم ..وان يوسع رزقه وأن يسخر له خلقه ..

مشكورات خواتي على الردود
والله اني احاول مااكون انا والزمن عليه واداريه حتى لما اكون تعبانه مااضهر له عشان مازيد لنفسيته الله يصلح حاله ان شاء الله وييسر اموره .

طيب ليش ما تدخلين معهد مسائي ويصير همكم واحد وتشجعون بعض ونفس الروحه ونفس الرجعه بتقربون من بعض كثير طبعآ اهم شيء يوافق واذا ماكان عندك اطفال لأن حالتك صراحه تنرحمين بس قاعده وهو تشوفينه منهمك ومو قادرة تسوين شيء يمكن يحس انو مو بلحاله اللي يتعب ويخف عليه وانتي تستفيدي وتطوري من ثقافتك ..
وش رايك ..

شكرا لك ام عزام لكن الحمد لله عندي بنت وولد وماستطيع اخليهم لحالهم وكمان انا اساعده في دراسته اذا كان عنده بحث او شي اصفه على الكمبيوتر عشان مااخليه يحس انه وحيد واخفف عنه شوي والحمد لله .

ربي يعينك ان شاء الله القادم اجمل وربي بيعوضك على صبرك ..
وانتي اذا كنتي مرتاحه ومبسوطه لو تمثلي امامه قال تعالى (ويؤثرون على انفسهم ولو كان بهم خصاصه)
تأكدي انه بينعكس على زوجك ..
وربي يسخركم لبعض ويوفقكــم ..

اثني عليه على طول وامدحيه
وفاجئيه باشياء يحبها
هديه مثلا
او تجهيز سهره رومانسيه
الله يسخركم لبعض

__________________
اللهم صلي على نبينا محمد وعلى اله وصحبه اجمعين

اختي اصبري لانو موضوع دراسته شي مؤقت
وشي طبيعي تتعب نفسيته من هالضغط
كل انسان له قدره على التحمل
اصبري يااختي لحد مايخلص وان شاء بصير يرتاح شوي

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

الله يفرج همك اختي
ويسهل لزوجك
مرة سمعت احد الدكاترة يقول > ان الناس المثاليين جدا تجاه التزاماتهم
معرضون للاكتئاب
لان اي شي نعطيه اكبر من حجمه يؤثر سلبا على نفسياتنا
أتوقع زوجك يمر باكتئاب مرحلي>>يعني محتمل ،،، وهو شي وارد
فانت حاولي دايما تهوني عليه الامور وتبسطيها فوجهة نظره
هذا اكثر شي ممكن يفيد معاه وينفعه
يعني مثلا >> لو شفتيه طفشان متذمر اساليه ايش بك كدة اليوم
بقول لك العمل تعبني وشايل هم دوامي ومحد مقدر تعبي .................................ز
قولي له معليش عادي كل الناس الحين كدة مايقدروا لازم تحط فبالك كدة
وان حسيت نفسك تعبت فالدوام خذلك فاصل عشرة دقايق وريح محد سائل
لاتشيل نفسك فوق طاقتها وان حصل منك تقصير مابيسير لك شي
عادي اي موظف متوقع منه القليل من التقصير>>>ومهي نهاية الدنيا


انتي كرري على مسامعه هالكلام حتى لاتتازم نفسيته اكثر
والله يفرج همك اختي