بسم الله الرحمن الرحيم
السلام عليكم ورحمهـ الله وبركاتهـ
كل عام وانتم بألف بخير والشهر علينا وعليكمـ مباركـ
وعسى الله يتقبل منا ومنكم صالح الأعمال
في البداية أشكر لكل مشرف في هذا المنتدى الرائع لما يقدمونه من تضحيات لهذا المنتدى للقيام به بأحسن صورهـ
لا اريد ان اطيل عليكم
ولكني اريد استشارتكم
انا متزوج من 9 شهور كانت حياتي علي أحسن حال
قبل شهر بالضبط حصل من زوجتي موقف واستغربت من هذا
بعدما انتهينا من الغداء طلبت مني اساعدها في غسيل الصحون فنفذت ذلك طمعا لمساعدتها
بعد ذلك ذهبت مباشره لغرفة النوم دخلت عليها بعد نصف ساعه حصلتها ممده علي السرير وتبكي
بصراحه تفأجات وانفعلت واسمحولي اتكلم باللهجة العامية
وش فيك عسى ما شر يا بنت الناس تشتكين من شئ حاسه بشئ
قالت لي كلمه وياليت كل واحد مشرف كان او اختصاصي بها الاشياء او شخص مجرب
قالت لي بهذى اللهجة انا من تزوجتك وانا احس نفسي اني مو مبسوطه
يا ناس هالكلمه استغربت منها وش معني منتي مبسوطه
وهالطلعات الي فاتت وهالايام الي راحت وهالضحكات والزعل والتراضي والاشياء الحلوه والمره بها الايام ما فكرت فيها هي
استغربت حاولت اضغط عليها لكن من بعيد الي بعيد
ابتسمت شوي و خليتها تذكر الله
قلت لها ليش ما قلتي من اول قالت مدري انا من طبعي ما اتكلم اصير احبس في نفسي
غريبه
وشلون منتي مبسوطه رجعت وسألتها
قالت تجيني ايام واحس اني مو مبسوطه اذا رحت لاهلي بعض الاحيان انبسط وبعض الاحيان لا ؟؟؟
المهم بعد طلبات قالت ابي اروح لاهلي
هنا ابي اقول نقطه للجميع ": أنا اتيقن بان بعض النساء تقول لزوجها ومن أدنى سبب واذا زعلت ولو زعل بسيط ابي اروح لاهلي
اكتشفت وابي اقولها لكم النقطه الي زعلتني قالت لي ابي اروح لاهلي ولا تسأل عني وخلاص
اخذتها وبالطريق كلمت امها وقالت لها استغربت الام البنت صاحت ما قدرت تمسك نفسها
كلمتها وسالتها اذا هم في البيت قالت ايه قلت انه جاينكم وبس
دخلت البنت وعلي طول صاحت والحمد لله ان ابوها مو موجود
اسمع صايح البنت وانا برى انا نزلت اغراضها وعلي طول مشيت
والله العظيم يا ناس ما ادري وش فيها
قلت يمكن عين
يمكن نفس
يمكن حسد
البنت تقولي انت ما قصرت لكني ما احس نفسي مبسوطه
خليتها كلمني اخوها وبشرني بان الامور بخير وان شاء الله بنحول نعرف منها قلت اذا مني تقصير او شئ قالي لا والله لكن من عندها هي بس
البنت جلست 3 اسابيع بس ارسلها واذا دقيت تعتذر بكلمة وش تبي وانا ارد ابي اتطمن بس
قبل يومين والحمد لله رجعتها
بس من دخلت البيت وعلي طوول بكت دخلت الغرفه وصاحت وتجي تطالعني شوي وتقولي لا تطالعني وترجع تبكي جيت عندها ابفهم قالت روح
امس ما صبرت مسكتها ونفس الحكايه طول اليوم بكي ولا بالغرفه ولا نجلس بالصاله وكأننا جماد يالله تطلع الكلمه بس تبين شئ اجيب شئ بسسسسس
في اخر الليل رجعت وقالت لي كلمه
انها رجعلها نفس الاول وتقولي انك ما خليتني علي راحتي 3 اسابيع وانا ما خليتك
تقول كل يوم تدق ولا ترسل قلت رسايلي بس سؤال عن الحال بس
قالت لا بس انا الي الحين تعبانه
اللهـ يجزاكم خير
وش رايكم
هل هذا يصير لكل النساء
انا اكبر اخواني وتو عمري 27 وامي حست بالفترة الي طافت ولا ودي ازعلها واضيق صدرها
يا ناس قوووووووووووووولووووووووولي تكفون وش الي يصير
هل تتوقعون انها نفس
عين
شفت مقطع للشيخ العريفي ولا تأكدت من نفسي لكن تصير ولا ادري
يقول من اسباب العين ان الشحص يعرق حتى ولو الجو بارد
بصراحه تصير لي بعض الاحيان
احس نفسي طول هالشهور الي راحت ما استمتعت مع زوجتي باشياء كثيرهـ
قبل لا انسى زوجتي مهيب حامل ( وادعي ربي بأنها حامل لكننا مأجلين الحمال شوي )
تكفون علموووووووووني هل هذا يصير لأغلب النساء
اختي تقولي تصير يا رجال وانتم توكم في بدايتكم اقولها مهوب لها الدرجه او صح يمكن تصير للناس ولا احد يدري
مدري احترت وش اقولكم وش اسوي افكر هالااياام ارجعها لكن اخوها كلمني امس وقلت له ان البنت توها واتوقع يبلها قرايه يعني احد يقرأ عليها
قال يا رجال لا تجيبها هالحين ما نبي ابوي يتعب وامي بعد وابوي حساااس وبالذات لللبنات
تكون والي يعافي شبابكم قولو لي وش الي صاير فيني وفيها
الله يخليكم ريحوني
وجزاكمـ الله خير .. !
19-08-2009, 03:00 PM
ضوابط المشاركة
العرض العادي
