برضو ترجع للزوج ..
يعني لو كان بنيته شيء موب زين او يعني بينساق خلف الناس الي خارج معاهم .. بيتطمن ويقول زوجتي واو ماتعرف بهالامور وتوافق على طول ومافي اي مشكله اكرر الموضوع مره ثانيه .. ولو كان بصراحه مجرد رايح مكان جديد ( وترا مو شرط الدول المشهوره بالفساد مايكون فيها إلا الفساد ! ) ممكن الطبيعه ممكن حاب يروح مكان مايكلف عليه شيء كثير " مصاريف " بهالحاله هالزوج حينبسط من ثقة زوجته فيه هذا رايي ولي عوده .. |
اولا اشكرك اخوي ابو عقيل على مرورك وردك .
لكن انا بينت لزوجي اني عارفة الامور هاذي وقلت له انا عارفة ان الدولة اللي رح تسافر لها مشهورة بالدعارة غير شهرتها بالطبيعة بس انا واثقة فيك وعارفة انك مستحيل تخون ثقتي وتسوي شي يغضب رب العالمين . وفعلا انا كنت واثقة فيه وما ابغى اقيد حريته وانكد عليه بس جتني ضغووط من امي وخواتي اللي اكبر مني خلتني اندم على كل كلمة قلتها . حتى وحده من صاحباتي لما درت قالت مفروض تقولين يا انا يا هالسفرة ! انا كنت ماخذه الموضوع ببساطة بس حسسوني الناس ان الموضوع عظيم ! |
شايف انه رد راقي وتفكيرك ماينفر زوجك ويصارحك بكل حياته .. وشايف انك احتويتيه وعززتي ثقتك فيه .. وبيتذكر كلامك كثير .. بيتذكر ربي اولا .. بعدين كلامك وثقتك فيه .. وبيقدر كلامك كثير .. بجد قلتي كلام من وجهة نظري يتمناه اي زوج .. لا ابدا خطا التفكير ان الدول الفاسده للفساد والدعاره .. على العموم الي يبغى يفسد في كل مكان .. مايحتاج يسافر اساسا .. انا مؤيد لكلامك .. وامك من خوفها عليك وحرصها قالت لك هالاشياء .. ربي يسعدك ان شاء الله .. |
اختي الحبيبة تصرفك ممتاز وبالعكس وبسبب كلامك له راح يأنبه ضميره لو خطى نص خطوة للامور الغلط ...
عليك الحين بالدعاء له ولعائلتك بان الله يبعد عنكم كل سر ومكروه او مكر ان شاء الله ،، اما والدتك فمن خوفها وسماعها عن هالمناطق وشنو يصير فيها ولكن ثقي ان الشخص المستقيم يبقى مستقيم وربي يحميه ويعميه ان شاء الله عن هالامور ومايصير نعمم الفساد على الجميع فمثلا فيه مناطق معينة بهالدولة نفسها تكون فيها مسلمين وياماشاء الله وممكن زوجك يكون فيها وفيه مناطق مختلطة وهكذا ... واما كلام خواتك وصديقاتك فايضا بسببب ما يوصل لهم ولكن لاتخلي ثقتك بزوجك تهتز وتصرفك ممتاز معاه وبيخليه يحاسب ويحترمك ويتذكرك هناك .. ويرجع لك بالسلامة ان شاء الله ويرتاح بالك ويصرف عنكم كل شر ومكر ،، |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|