سلام عليكم

سبق وطرحت موضوع بخصوص ثقة امي فيني ..
انا فوق العشرين .. رجال كبير .. ياما خلصت اموري وامور عائلتي بنفسي من دوائر حكومية ومستشفيات
يعني قايم بكل شي لحالي .. وياما سافرت لحالي واروح واجي .. مع ذلك هي شايفتني طفل
ماعرف اتصرف الا بوجود احد ... ماعرف اسوي شي الا بمساعدة احد .. صغيّر مابعد كبرت
كل يوم ورا الثاني تنقزلي بكلمة .. اخرها اليوم انا عندي شغلة فالرياض لزوم اخلصها واجي
فقلت عمي وهو رجال كبري بالسن يخاويني حتى نتمشى هناك
فنقزت هي بكلمة تقول يعني هو يدخل معك وتخلص امورك ؟ انا ارتفع ضغطي لان كل شي اسويه لابد تنقز بكلام مثل هذا .. وبنفس الوقت العم هذا يقولها اني اشجعه واساعده (ولا هو يبي يتمشى معي) بس يوريهم انه الكل فالكل ..... ماعليكم منه صحيح الغلط من عمي انه يكذب ويلون نفسه قدام اهله وانه الكل بالكل هو مايبي يقول انه بيتمشى معي هو مسوي نفسه مطوع قدام اهله فيقول انه يشجعني ومن هالرخيص
انا الحين اقول امي ليه ماتقول ولدي سافر لحاله كذا مره وهو الي قايم فينا وقايم بالمسؤولية والى اخره ..
ليه ثقتها مهزوزة بولدها الكبير .. ليه تشوفه صغير مايقدر يسوي شي الا بمساعدة احد
والله احيان افكر اروح استقل فبيت لحالي ولا اعيش معهم واستفر لحالي وارسلهم فلوس شهرياً واتصل عليهم اسبوعياً وش رايكم ؟ مليت من كلامها والله

وعليكم السلام
عنوانك ابداً ما يليق بالام تعبت وسهرت الليالي من أجلك.
عادي نظرة امك لك الله يحفظها ؛مهما كبرت تظل بنظرها صغير.
وهذا من زود حرصها وخوفها عليك وحبها لك "بكرة تجيب اولاد وتحس باللي امك تحس به
صح كبرنا بس عمرنا مانكبر على امهاتنا وآباؤنا.
تعوذ من الشيطان ولا تكبر الموضوع براسك مايحتاج كل هذا.
واثبت لامك انك قد المسؤولية وفقك الله وأعانك على البر.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

الموضوع مافيه اي اساءة على والدتي الله يحفظها
انما وصف لحالتي النفسية ..!
وشلون اثبت لها وانا اصلا اقولك قايم بمسؤوليات البيت لحالي !!!
لكن مافيه فايدة الثقة مهزوزة

ولد الدمام لا يجب ان تثبت لاحد من انت وان كانت امك فقط عليك ان تسعدها
خلها تشوفك صغير وش يعني؟
انا ام كبيرة مسؤوله عن أبناء و بغربة للحين ابوي يعاملني كالطفله مع أني اكثر بناته شده
ويحاول يشاغبني بالكلام واتصرف معه مثل مايسعده لانه مؤ مطلوب مني أني أثبت له أني امرأه
مازلت عينه تراقبني كطفل متهادي يخشى ان يقع
الاب الام يرعبهم كون أبنائهم كبرو واعتمدو على انفسهم
ما يجب ان تقلق بشانه هو ان تدور حول نقطة ضعف امك اتجاهك لأنك تضعفها اكثر وتذبحها
انت رجل متزن كبير صاحب مسؤولية ولكنك طفلها بل واحيانا رضيعها
مازلت احتضن ابني الاكبر وأبكي لانه لم يعد يجلس بحضني كما السابق لأني مازلت أراه رضيعي وان كبر عقله وجسده
انت لست ام لتفهم شعورها تلك الجميلة الرقيقة
الام ياسيد الجنة لم تصل الا لتحت قدمها حتى ان الله أمرك ببرها وان جاهدتك
واخفض لها جناح ( الذلللللل) والرحمة!!!!!
الأمهات يا اخي الصغير لديهن مشاعر ساخنه عميقه لو لمستها احترق عودك المشتد ذوبااااانا فيها وفاح من مسكك طيبا نعم ....لديهن مشاعر وتخرسهن عن التعبير ولكن يتصرفن بطريقة عميقة قد يضجر الابن منها
لو انك تعي كيف انها تدمنك وترتعب من ادمانها وتهيم فيه لو تعلم كيف هي غريزتها تجعلها ملاكا وان اخطات
اسفات لاننا نحبكم بعمق وجنون يا ابنائنا
ابكي لأني فعلا لا اجد كيف انقل لك شعور الام

__________________
الحمد لله..اللهم صل على محمد و ال محمد

التفريغ المنهجي

اخي نعم مع حق انك تتضايق من هذا الافعال من امك لاني وضعت نفسي مكانك قبل ان ارد عليك على العموم اخي الكريم تكلم مع امك بهدوء قل لها انا بروح لوحدي وانا كبرت ومن هالحكي شوي شوي تتفهم الموضوع قل لها عمي ترى يبي يتمشي مو اكثر ولا اقل فهمها مشاعرك وان هذا الشي يضايقك تكلم معها بلحسنى قول لها لو تبي تشوفيني مبسوط ومرتاح ما تقولي لاحد يجي وياي بس اذا رجعت تعاملك كطفل لا تتضايق فلأمومه شي لا يوصف سوف تبقلا بنظرها صغيرها الذي يحتاج الرعايه منها
الله يخلي لنا امهاتنا ويحفظهم يارب قول امين

__________________
سبحانك اني كنت من الظالمين

جزاكم الله خيــــــــــــــر
انا الله يهديني يبغالي اطول بالي شوي واتحمل
ويبغالي اكلم عمي بخصوص هالموضوع بقوله لا تلون نفسك على حسابي
شكراً لكم

انت رد على عمك و احرجه لما امك تمدحه

__________________

اخي الفاضل هكذا هو قلب الام (يظل الرجل طفلا في عين امه فاذا ماتت شاب فجأة)فحاول ان تراعي مشاعرها ولو كان ذلك على حسابك

اما عمك فدعه يمدح نفسه كمايشاء فانت تريد ماهو اهم

فاياك ان تجعلها تشعر بانك متضايق من اهتمامها الزائد فهي ام ولها قلب غير عن كل القلوب

نسال الله ان يطيل عمرها ويوفقك لبرها وبر والدك وان يجعلهما سببا لدخولك جنان الخلد


وفقك الله

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

وعليكم السلام ورحمة الله وبركاته

اخوي والله ما فيه أحلى من خوف الأم فهو الحنان الحقيقي اللي ما راح تلقاه عند اي انسان في الدنيا غيرها ، يالله على لمسة أمي على رأسي ، تودد لها واثبت لها بالحسنى انك رجل يعتمد عليه ، وما دامك رجل وأنا اعلم انك رجل فأنت فوق العشرين وتتحمل مسؤوليات ، اعلم انه من الرجوله البر بالوالده والتودد لها بالكلام وعدم جرح مشاعرها التي تظهرها اتجاهك ، ولا تسمع منك الا سمي وأبشري ، نصيحه من أخ يحبك في الله ، ومن الرجوله الثقه بالنفس ، ما دمت تثق ينفسك حتى لو رافقك أحد مثل عمك أو أحد ثاني خذها بنفس خفيفه رايح معك يوسع صدرك يساعدك ، واعرف بعد انه من كامل الرجوله انك تبذل وتبذل الخير للجميع ولاتظهر أفضالك لأحد واني فعلت وفعلت بل اجعلها لوجه الله ، وحاول قد ما تقدر انك تكون بلسم لمن حولك ومُطفأ المشاكل ولا تكون العكس مفتعل للمشاكل أو ما شابه ، عسى ربي يوفقك ويحفظك

__________________
استغفر الله الذي لا إله إلا هو الحي القيوم وأتوب إليه