السلام عليكم ورحمة الله وبركاته
انا متزوجه من 14 سنه كنت دائما ابحث عن المثاليه في كل تصرفاتي والحمد لله كنت دائما ناجحه في كل شيء إلا مع نفسي ربيت بناتي وصار يضرب بأدبهم المثل ساعدت ابوي حتى قدر يسكن ويزوج اخواني اهتميت في بيتي وخليته جنه شموع وزهور
المهم رسمت مع زوجي احلى مستوى معيشي عمرنا مع بعض واثثنا وساعدته لين طور دخله وكان يتخلل هذا المشوار مشاكل وكنت احس انها بسيطه أو عاديه مثل علاقتي مع أهله ( تهميش وجودي في حياته ) زيارات اخواته يتصلو عليه وأنا كأني ماني موجوده التصرف في بيتي حتى اذا جاهم ضيوف ( حريم ) يتصلو عليه علشان يعزموني أو بالاصح يجيبني لهم راضيه أو غير راضيه مظهر اجتماعي المهم كنت اتضايق ولكن ما اخذت اي قرار مشيت زي ما يبغى زادت المشاكل كبروا البنات وصرت اذا طلبته طلب يماطل ويعذبني لين يجي الشيء هذا اذا ما هاوش وقال ماله داعي ( عادي هذي امور يوميه ) وانا اقول مشاكل بسيطه
كان هناك مشكله وقدرت احلها وهي كان ما يصلي واستحملت وحاولت لين بدا يصلي
مشكله اخرى عصبيته عصبي جدا لو طلعنا لازم يختم الطلعه بهوشه مع البائع أو اي أحد وحاولت اتجاهل هذه المشكله يعني ازعل على الطلعه يوم او يومين وانسى وهو ما يتغير ناقشته وكنا نختم النقاش بهوشه يطول الزعل فيها انا انحبس وهو ولا همه يطلع ويدخل ولا كني موجوده لين ( يبغى شيء ) كرهت علاقتي معه لانه اذا بغى شيء تزين العلاقات
تراكمات على بعض الجيران يتذمرون منه ومن عصبيته وأنا اقول عادي مصيره يتغير
اهلي دائما يحسسوني انهم مستحملينه علشاااااااااني
أنا قفلت على نفسي من يوم تزوجت علشان اباااااان اني مبسوطه وسعيده ولاني فاشله في زواجي
اذا جاني احد من زميلاتي لازم تقوم هوشه عند الطلبات ( علما اني اصرف وموظفه) او عند من اعزم ومن اخلي أو هذي ما احب زوجها ولا ابغاك تحتكين فيها وهكذا
أهلي اذا جوني اطلبه طلبان من فلوسي يجيب عشاءعلما ان ابوي ما يجي لانه ما يعزمهم
بعكس اهله يصير اكرم رجل وامرح رجل وكنت اقول عادي مصيره يتغير
المهم من سنتين تغير وزاد في مشاكله في رمضان كنت حاااامل في الشهر الاخير التاسع وكنت اقوم من بدري علشان اجهز له الفطور وكل يوم يهاوش ويصايح من غير سبب مثلا يوم يقول لا تكثروا النعمه (عااادي ) ويوم يقول ليش تطولي في المطبخ ليش ما تجلسين من قبل الاذان ( عادي ) والله اني في الايام الاولى كل ليله قبل الفطور ابكي الناس تفطر وانا كربانه وابكي ثقل وتعب وقهر علما انه يقول انا ابغى افطر عند اهلي ولكن ما يروح أو ينكد ثم يروح
المهم زاد القهر بداخلي صرت اكتم وامثل السعادة حتى اذا طلعت معه علشان اوفر لبناتي جو صحي أشوف الدنيا بعيني سوداء تعبت من التمثيل
صرت ما اقدر اتصرف في شيء خايفه من المشاكل واجهته وقلت انا احس اني بنهار من كثر التراكمات والمشاكل حتى هو تعب يتدخل حتى باتصالاتي يقول كلمي اهلك وانا عندك وصرت اسوي الي يقول لاكسب ثقته واني ما ابغى من الدنيا الا الهدوء وبناتي حتى البكى ما ابكي علشان بناتي ما يشوفوني
المهم طلبت منه وانا في النفاس اروح دكتور عظام ورفض وطلبت دكتور اسنان لان اسنان تعبانه المهم خلصت الاربعين وحاولت افهمه اني مضغوطه ابي اطلع اي مشوار يقول طيب ولا اشوف شيء قلت ابغى اقضي علشان ازور اهلي واهلك واحسن نفسيتي يقول طيب ولا شيء صار تعبت صرت دائما معصبه متوتره غصب عني قل نومي وقل كلامي

المهم طلبت منه انظم الحمل وكان مؤيد لاني تعبانه ويوم الخميس قلت ودني دكتوره علشان موضوع الحمل قال ماله داعي علشان العلاقه بينا بتتغير انتي عايشه معي علشان بناتك حتى انا ابغى اعيش معك علشان بناتنا والله ما صار نقاش اني مسويه الغدا ومتغدي وانا لابسه ومتشيكه وجايبه الشاي علشان افاتحه في الموضوع برواقه صراحه انصدمت وقلت له بكيفك عزت على نفسي علما اني جميله ودائما احس انه يحبني جسديا ويرتاح معي طبعا ما يبين تعبت
اكيد طولت لكن انا منهاره ولا اقدر اكلم احد لي ثلاث ليالي انتظر بناتي ينامو علشان ابكي وفي النهار ابين انه (عاااادي )
مدري ليه كتبت دائما اسمع واحس ان الحل بيد الي عنده المشكله لكن السامع صعب يشوف المشكله بكل ابعادها مدري يمكن قرأت ردود بعض الاخوان واعجبني تفكيرهم وتسهيله للمشاكل
الطلاق ما افكر فيه علشان بناتي
معلومه متى زوجي يكون رايق ويناقش اذا فيه مشروع مادي يثق برائ زي ما يقول ويلقاني داعمه له
هو صغير ومكون نفسه بيت وسياره وعماره للايجار يعني كل شيء عنده ويقول اذا كان رايق والله لعوضك على وقفتك معي كلام (السوق ماوداني وانا ابي اشتري بفلوسي)

الله يفرج همك حبيبتي
بس والله ماني عارفة شنو أرد عليك
أكثري من الصلاة والإستغفار في جوف الليل والصدقة وصيام التطوع

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

أختي الكريمة:

أسأل الله أن يسخر لك زوجك

1- عليك بالدعاء بأن يسخر الله لك زوجك دائما ولاسيما في أوقات الإجابة كبين الأذان والإقامة وفي ثلث الليل الآخر.

2- لا تصتدمي مع زوجك بل عليك بالأساليب النافعة له لاسيما ماذكرته في آخر كتابتك.

3- لتكوني على علم أن أكثر كلمه يكرهها الزوج -ودني للسوق أن باشتري بفلوسي- فلاتقوليها أمامه.

4- كوني حكيمة معه وابحثي عن سبب عصبيته هو ثم امتصيه أو ابحثي عن مفاتيح قلب زوجك وابدئي باستعمالها.

5- لاتبيني لزوجك حبك لأهلك أمامه و لا اهتمامك بهم حتى لاتوثر نفسه.

والله يااختي لاتعليق حل مشكلتك لابد ان اعرف شكل رجلك واراه على الطبيعه علشان اعلمك حل .... لان الرجال لهم نقاط ضعف كل رجل يختلف نقطة ضعفه ..... لكن بالنسبه للحمل امره سهل .... دقي على اي مستشفى اهلي تجيك الدكتوره لحد بيتك تكشف عليك ومن ثم راح تنظم الحمل لك ...... ومن غير لايدري ...... لكن مااقول الا الله يعينك .... اذا قلت للموظفات احفظن دراهمكن ترا الرجال مالهم امان .... تقولون لا الحياة مساعده ..... هذاكي ساعدتيه وخلتيه رجال وش سوى معاكي ..... .... .... وشكرا لكم

الله يعينك يا اختي ..

عليك بالصبر و تقبل زوجك كما هو لانه لن يتغير ..

ولكن الخوفه انك تصابي بالامراض النفسيه و العضويه من القهر ...

عليك بالدعاء و الاستغفار لعل الله يريح قلبك ..

مشكلتج التمثيل مشكلتج ما صدقتي مع نفسج !!
خطر على صحتك تمثيل السعاده والراحه امام الناس والبكاء والتعاسه بينك وبين نقسك!!
توفرين جو صحي لبناتك!! على حساب نفسك وصحتك!! ليش !!!!!!مافي احد يستاهل!!
توفير الجو الصحي مسئولية الزوجين وطرف واحد مايقدر يوفر هالشي!!
خلي زوجك يشوف الوجه الثاني لك!! لاتقولين ماعندي !!
عندي كلاااام وايد بس استاذنج ...

__________________
اللهم احفظ لي زوجي وسخره لي واحفظ لي اولادي

ذكرتيني با امي دايم تخفي اللي فقلبها عشانا لا احد يقدر ولا احد يهتم الا الاجر من رب العالمين
الله يسخرلك ويحنن قلبه عليك طيب حبيبتي اذا هو مومستعد يوديك روحي مع اخوانك او محارمك تقضين اغراضك المهمه اذا هوعاجز عنك وفلوسك خليها لك حبيبتي الرجال مامنهم امااان الا من رحم الله
وتبين اقرب وابسط حل
فضي لك جو وياه واقعدي فضفضي عليه بهدوء وروقان دموعك اللي تخفينها عنه خليه يشوفها ويحس فيك لين متى بتسكتين لين تتعبين او تمرضين بسم الله عليك ..والله الله بالدعاء والاستغفار بعدكل صلاة ..
اختكم//

للاســــــــــف ...


فيه رجااال خساااااااااااااره فيهم ريال واحد ...


والله ماادري شقوول لك ... بس اذا اهلك قريبين منك جيبي اغراضك معهم ...


يمكن يحس ع دمه .. مع اني اشك في هالنوعيه ..



الله يفرج همك ويسخر لك زوجك ويسعدك ويهنيك ...

__________________
اللهم اغفرلي ولوالدي وللمسلمين والمسلمات والمؤمنين والمؤمنات الاحياء منهم والاموات....

اعانك الله حاولي تجين معه بالسياسة واللين ولاتنسي الدعااء والاستغفار

واصبري واحتسبي من اجل بناتك وسوف ترين ذالك عند الله سبحانه

وحاولي تستفدين من راتبك بشراء عقار للمستقبل بأذن الله

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً