ايش القصد اذا الزوج قال هالكلام لزوجته ؟
السلام عليكم ..
ترددت كثير بعرض مشكلتي .. بس أبغا حد يطمني وينقذني من الشكوك اللي في بالي
يوم السبت هذا صارت بيني وبين زوجي مشكلة والحمدلله تصالحنا بس زوجي قال كلام
وقت ما كنا متزاعلين الحين قمت أعيد الكلام اللي قاله فسرته على كيفي ومدري اللي في بالي
صحيح والا لأ ؟
القصة ومافيها تزاعلنا يوم السبت على موضوع جدااا تافه ما تتصورون بس زوجي هالايام زايد عليه
العمل وصاير مضغوط ويعصب بكثرة ونا بطبيعي باردة وماحب النكد والحمدلله المشاكل قليلة بس
هالمرة انا مدري شفيني بالصراحة انا السبب وغلطت عليه وهوا بعدين كبر السالفة وقام يغلط كثير
علي ونا ساكتة لحد ماخلاني أبكي ومن بين الكلام اللي قاله لي (
قال لي غيري أسلوبك معي
والا بالمستقبل ببهدلك ) أنا سكت وصرت أبكي طول الليل وكنت بروح له أصالحه بس حسيته بعده
معصب وما بتقبل مني شي ونام بدري ونا مانمت الا الساعة 4 الفجر
المهم هو الصبح حس انه غلطان وجا عندي ونا نايمة يصالحني ويترجاني أسامحه
قبل ما يطلع الشغل .. واتصل لي من الشغل ومارديت عليه وجا من الشغل وحاول يصالحني وحاول
كثير الصراحه بس انا ماعطيته وجه معني كنت بسامحه بس مدري كنت بدلع عليه .. قام عصب
كثييييير ولأول مرة قال لي تبين تروحين بيت أهلك ؟ أنا رديت عليه ياريت من قهري
قال لي اي
روحي وشوفي لك حد غيري !!!
استغربت من الكلام أول مرة اسمع منه هالكلام .. بعدين صار بينا كلام وعتاب وتفاهمنا وخلاص
تصالحنا ... ونا حسيت بغلطتي زين وهو بعد قام يتأسف على الكلام اللي قاله لي وهو معصب ...
بس بعدين فكرت في الكلام اللي قاله وخصوصا هو هالأيام متعرف على أصحاب جدد واسلوبه متغير
وسوست وقمت أشك من كلامه
وخصوصا يوم يقول غيري أسلوبك والا ببهدلك بالمستقبل !!! قولو لي ايش كان يقصد ؟ انا كنت بسأله
بعد ما تصالحنا ايش يقصد بالضبط بس قلت أكيد بيقول ولا شي
ويوم يقول لي روحي بيت أهلك وشوفي لك حد غيري ... فسرتها أنا كنه يقول لي
عن نفسه أنا بشوف حد غيرك ... مدري شفيني معني واثقة من نفسي كثير وعمري ما فكرت
هالتفكير هذا بس قولو لي هل شكوكي في محلها وهل الكلام اللي يطلع من الرجال
وقت العصبية فعلا مهو صحيح والا يكون العكس هو الصحيح ويطلع اللي في قلبه كله ؟
وللعلم انا عاتبته على كلامه اللي طلع منه قال لي ولا كلمة من اللي قالها صحيحة وذا كله من زود
ماكان معصب ومن الضغوط اللي عليه بالعمل وبس ..
ياريت تردون علي ..