السلام عليكم ورحمة الله

عندي مشكلة بسيطة تقرقع في خاطري

واتمنى يرد علي رجال ذوي خبرة في مجال الزواج وقول الصدق بغض النظر عن النتائج

طلبت رجال يردون علي لانهم اعرف بتفكيرهم لبعض كرجال

امس قاعدة مع زوجي ونسولف بكل حب
طالعني بنظرة حب قالي كثير طباعك تتشابه مع اطباعي
انا انبسطت طبعا قلت له شي حلوو طيب وانا ملاحظه هالشي
سكت شوي ,, وقال بس يقولون هالشي مب زين !
قلت شلون مب زين
قال انه ما يصير فيه اكشن وو ماعرف شلون يعبر بس انا فهمتها
قلت بالعكس انا اشوف حياتنا حلووة والحمدلله فاهمين على بعض
قال ايه مب قصدي بس يقولون <<< ياربيه من هاللي يقولون ذبحوني !
قلت رجل يقول هالكلام تراها مب سهله وقوية افهمها مقصد ثاني
قال لا شدعوة مثل ماقلتي انتي << لاحظوا
وانا ادري اننا الحمد لله اوكي ومب كل مايقال صحيح (( شكله يقوله تسكيت مب مقتنع ))

بعدين مدري وش لقفني وقلت لو طباعنا مثل بعض كان كل اللي اتمناه صار والعكس لك

هو سكت وانا سكت احس فوق راسه انواع الاستفهامات وانا كذلك
للحين من امس وانا افكر واحس بضيقه في صدري
حياتنا حلوة وممتعه وهادية
وشو الاكشن اللي يحبه الرجل وللعلم هو من النوع الثقيل ويحب المرة الثقيلة الدلوعة
الحمدلله احس مب مقصره عليه بشي
سوالف نكت حركات اكلات اسلوب
احترمه جدا واقدره
اعتذر له لو اخطأت
قايمة بكل شي وهو يقولها دايم ماقصرتي ويدعي لي

وش الاكشن
انا في غربة حياتي محدودة في بيتي مع عيالي

شوروا علي
معليه انا حساسة وهالكلمة اثرت فيني صراحة

معليش انتي طلبتي الرجال يردون عليك بس حسيت ماودي اطلع الا كاتبه اللي يدور في بالي , المهم انا فهمت من كلمت (اكشن) انها المشاكل اللي هي ملح الحياه يعني المقصد من كلامه يعني لو كانت افكاركم واطباعكم مثل بعض ماراح يحصل مشاكل لانه كل واحد فاهم الثاني ماراح افصل اكثر وان شاءالله يردون عليك البقيه .. موفقه

الله يهاديه بس وشلون يفكر جذي هو ربما يقصد بالاكشن علاقتكم الحميمية.. ان شاالله الرياييل بيفيدونج

هلا شوقه جزاك الله خير انا مب قصدي لحد يرد ,بس احنا يالحريم مانفهم عليهم مثل هم ما يفهمون على بعض اكثر,بعدين غريبة فيه احد يبي مشاكل علشان بس اكشن ؟ انا اخبر الرجال يبي راحته مب وجع راس

هلا ام ربى الحمدلله الناحية هذي اكثر من تمام الاكشن موجود ,, هو قالها وكنا نعلق على شي بالتلفزيون فالتفت علي بشكل حنون وقالي منتي ملاحظه انه فيك كثير من طبايعي يعني نفس تفكيره وكملنا باقي النقاش

يعني تري الكلمه عابره وانتي للحين شايله همها
مدري تبون تحفرون وتطلعون مشاكل
يعني الوحدة تكون مبسوطه وتبي تخرب علي عمرها
اختي الكلمه مافيها اي معني مخيف اللي حسيته انه يسولف وبس يعني احيان نتكلم وانتن تقعدن يوم تفكرن بالموضوع
ارجعي لزوجك واساليه عن المعني وافلقيني اذا كان ذاكر الحوار كله مو كلمه
بالتوفيق*

لا والله لا نبي نحفر ولا نبي مشاكل
بس كلمة عابرة لها وقع في قلبي
كانه يقول انتي ماعندك هالاكشن اللي ماعرفت قصده للحين

ايه ادري ومتاكده كالعادة انه ناسي
وش هالسواليف اللي تنكد على الواحد يعني ما تحسون وانتم تسولفون انكم تقصدون حريمكم بهالشي ؟

اخبر مرة شاف وحده متربعه بالتلفزيون قال هذي كلش من قعدتها مافيها انوثه<<< قمت ربطت بقعدتي قلت لا يصير بس اسمعي يا جاره
قال ليه انتي تقعدين كذا ؟!!

بس صراحة حوارنا واضح وما احاول ادور مشكله
ولا افكر لو كان قصده شي اني اسوي مشكله
انا ابي اعرف وشو الاكشن اللي ينتظره الرجل من المرأة في حياته بعيد عن العلاقة الحميمية

الأكشن اللي بعيد عن العلاقة الحميمة هو الملح والفلفل ..

من رأيي تروحي تسأليه عن معنى كلامه واذا مو متذكر تفتحي له صوتك : وتفتحي له محضر وتعمليها ملح وبهار وفلفل حار .. واذا انتهيتوا قولي له ترى حبي هذا أنا أعطيتك أكشن :14: ولا يصير خاطرك الا طيب وكل ما يجي ببالك أكشن انت بس أشر وانا بالخدمة

لا تسويها ... ترى أمزح

الله يهنيكم .. لا تكبريها وهي صغيره .. لاحقين على الأكشن حبيبتي

__________________

عزيزتي

لا تكلفين نفسك فوق طاقتها .. اذا الاكشن الي يقصده
المشاكل او الزعل .. فهالاشياء تجي لحالها والناس تحاول تتجنبها مو تدورها !!

وتبين تعرفين اذا يقصد شي ثاني .. انتظري وافتحي الموضوع
وجيبيها بشكل غير مباشر .. غير مباشر انتبهي ..

بشكل عام ..

__________________
شتان .. بين من تسيره مبادئه ، ومن تسيره مصالحه

ربما سمع بمقولة ان الحب يبدأ
بالتشابة ويدوم بالإختلاف ,
والإختلاف يقصد به هنا " الميولات والهوايات "

على كل حال , لايوجد رأي صحيح 100%
فكل مجتمهد رأية يخضع لـ الزمان والمكان الذي عاش به
ولــ ثقافته وكمية المعلومات التي يملكها عن كل شئ حوله

وانا اجزم ان زوجك لم يكن يفكر بالأمر بجدية , وانما سمعها من بعض الناس ولم يعلم ما القصد الحقيقي منها

لاتعطي الأمر اكبر من حجمه , انتِ في نعمة اشكري الله عليها
وفقكِ الله ،