حسبي الله ونعم الوكيل
انا سبق كتبت قصتي ان عندي اولاد توأم الكبير نسسسخه ابوه الثاني ابدا فيه لمحه مني بس مو مره الاول مرا نحيييف والثاني صحته حلوه
ابوهم حسبي الله عليه دايم يتهمني بتغذيه الثاني ومجنني عليها
والامر الثاني عيالي مؤدبين ومحترمين بس دايما يطلب من الكبير يضرب الصغير ويقول الصغير بخليه سواقك اذا كبر
والي يقهر ما يناديه الا يا قرد
تكلمت معاه وقلت خاف الله هذي نعمه وربي رزقك ذريه سليمه معافاه عيالك
يرد علي انا ما كذبت هو يشبه القرد
مستحيل الولد الاول جميل والثاني اقل منه بس يظلون جميلين
والاهم هذي نعمه ربي حسبي الله ونعم الوكيل
حتى في نومهم اذا جاء يسأل ها فلان نايم اقول ايوا ويقول والقرد نايم
كنت اسوي ان الموضوع ما يهمني واضحك واستمر
لانه اعرفه عنيد
صار يكررها ذكرته بالله واستمر
ويكرر اخر شيء قبل شوي كنت معاه على خلاف لان الكبير سوا بامبرز وجابه لمن وجهي قلت قليل ادب ووقح

وراح يصلي يبكي الكبير يبي يطلع قال خذيه بلت خله
جاء للصغير وهو نايم صفقه كف قوي على عينه وطلع
الله يشل يده الله يشل يده حسبي الله ونعم الوكيل
انقهرررررت

الامر الي كنت على خلاف معاه
انا احب اسوي رياضه واحافظ عليها جهاز الرياضه طلبني اقفله يقول خربان
ولي اسبوع
اقترحت اروح الممشى جنبنا رفض
قلت طيب نطلع كلنا نمشي رفض
تعبت من الحبسسسسسه
في العيد منعني من زيارة اهلي
وقلت نطلع لأهلك رفض
معقوله اعيش بين جدران ؟؟
لا اهلي ولا اهله ولا جيران
يمر شهور ما اشوف احد غير وجهه
الله يذوقه ما ذوقني من حبسسسه
واذا قلت طلعنا خاف الله يقول مو عاجبك هذا الباب روحي المحكمه
المشكلة لمن صار الحق وطلبه ابوي يطلقني رفض
طيب ليه هالعيشه ؟؟؟
العيد تمنيت اشوف اهلي
او اهله
من شهر 6 اخر مره شفت اهلي
وحتى الان يقول بعيد الاضحى تشوفينهم
الله ينتقم لي ويعوضني
حتى اهله انا على تواصل معهم مشتاقين لعيالي مره اقوله يقول انتي تبين الروحه
قلت اي شيء اهم شيء اشوف ناس
هذي طبيعه البشر
اقترحت عليه اتعرف على جاره رفض
طيب كيف اعيش
لا عمل ولا ناس ولا طلعه
ورب البيت يمر شهور ما اشوف غير وجهه
واقصد بشهور 4 او 5 شهور
وحتى لمن نطلع نهاية الاسبوع بر لحالنا
حسبي الله ونعم الوكيل

القسسم الأنسب

__________________




ربِ هب لي من لدنك ذرية طيبة أنك سميع الدعاء

ضرب ولدك ع عينه وهو نايم ؟؟؟
ابغى اتاكد يمكن فهمت غلط

نعم الي فهمتيه صحيح ، اعرف العقل لا يستوعب امر كهذا بس حسبي الله ونعم الوكيل
وغير عن الكف لا يسميه منذ ولادته الا يا قرد
رغم انه لم يكمل السنتين
كيف احمي ولدي

المحبه من الله حتى في الاولاد ممكن الشخص يحب واحد من اولاده فقط فانتي لاتعانديه عشان ولدك الصغير مايصير ضحية عنادك ويشفي غليله فيه باختصار هم اولاده وهو يرحم ذمته اتركيهم على الله ويكفي انك تعدلي بينهم وخلاص

__________________
تمنيت حبـاً يدوم طويـلاً .. فـدام الحب وَ رحل الحبيب.

ياشيخ من جدك كلامك ؟؟؟

تعرف اسمه عنف ويُعاقب عليه القانون يحمي الطفل هذا طفل رضيع يحتاج من يحميه ويخاف عليه اي اب هذا

لايحبه بس لايعنفه ويدمره خرام عليه وحرام عليك انتي ساكته الين ايش يصير الين يمووت
خذي عيالك وع بيت اهلك لين يتعدل

والله ماينفعك الا هذا الطفل الي ينضرب
راح تندمين ع سكوتك وترى هالطفل امانه عندكم
لاتقولين تكلمت ونصحت خلاص مانفع معاه اتخذي خطوه اكبر جديه ليش يمد يده ع عينه وهو نايم

والله مايسويها الاب اليهودي

الحمدالله لاني شكيت بنفسي من رد الاخ ،،،، الان لمن دخل وهاوشته ،،، قالي انتي مريضه واناما ضربته بس انتي مريضه يبي لك علاج تتهيأ لك اشياء

عن اي قانون تتكلمي عنه وهل راح يطبق بالفعل لوراحت تشتكيه طيب روحي اشكيه وتعالي
هذا ولده وعناد الزوجه ربما يكون السبب ولاتنسي قول رسول الله صلى الله عليه وسلم انت ومالك ملك لأبيك وفي حديث اخر عن حب الاولاد وان الشخص لايلام عن الحب الزائد لاحد اطفاله ولاكني لااذكره حاليا وبالنسبه للذهاب لبيت اهلها مااانصحها لان اول هجوم راح تلاقيه من اهلها وراح يقلولها بالحرف الواحد
اولاده وهو حر فيهم

__________________
تمنيت حبـاً يدوم طويـلاً .. فـدام الحب وَ رحل الحبيب.

شفتي ياااخت ملكة الاحساس لاتستعجلي في حكمك

__________________
تمنيت حبـاً يدوم طويـلاً .. فـدام الحب وَ رحل الحبيب.