السلام عليكم ورحمة الله وبركاته

اخواني و اخواتي
مرتادي هذا الركن

احببت ان أأخذ برأيكم في موضوع بصراحة هو محرج لكن مالاقيت أحد استشيره غيركم .


أولا لي حوالي 10 سنوات متزوجة

ثانيا زوجي سمين جدا

وهي اهم نقطة
المهم اني صرت ابعد عن زوجي كل ماقرب مني قولوا لي ليش

لانه النظافة هذه قليلة يعني والله اني اقرف وتجيني حالة غثيان من الروايح اللي تصدر من ثنيات جلده
والتسلخات اللي موجودة في بطنه وتحت جلده

وهو قليل النظافة يعني الشعر ما يتنظف الا كل شهرين مرة

ومايتحمم الا بعد .............. افهموها خاصة الحين في الشتا من كسله ما يتحمم
وياريته قبلها عشان يبان نظيف الا بعدها


وطول النهار جالس في البيت بالسروال والفانيلة
يعني لا تزين وعذره انه سمين ومافي شي مقاسه في السوق

بصراحة منظر جسمه ينفر ومو راضي يتبع حمية بل هو في زيادة مفرطة وفي النهاية يتهمني انا
ولما احاول اعمل له نظام يتافف طيب انا ايش ذنبي؟

بصراحة مليت


والله استغرب لما اقرا مواضيع لرجال عشان زوجته ماتتزين له يفكر يتزوج بأخرى
زوجته ريحة فمها كريهة يفكر يتزوج

طيب انا اعمل ايش
دائما رائحة نفسه كريهة لانه من يوم يشرب شي بارد على طول التهاب في الحلق وهو عارف هذا الشي ولما اقول له انت حلقك ملتهب لاتشرب شي بارد على طول الوجه يتقلب .

ولما قلت له ياريت قبل ......... اغتسل لانه صارت لي التهابات قال ايش قصدك انا وسخ .
انا اعمل ايه ؟


لاتقولوا لي انت اتحممي معاه قبل لانه انا في نفس اليوم اتحمم من الصبح لانه جسمي ضعيف وانحف منه بعشرات المرات وابرد بسرعة لذلك اجهز نفسي من بدري وهو يفهم انه اليوم فيه حفلة بس مايجهز نفسه

وطول الوقت يحك في راسه ويحك في جسمه .

بالله عليكم اللي مثلي ايش الحل لها ؟

اروح اتزوج غيره امزح بس باحاول اسلي نفسي .


وربي يوفقكم

__________________
[move=up]

	لاتنسوا أختكم أجمل إحساس من الدعاء لها في جميع الأوقات

[/move]

الله يعينك

ما ادري اشلون ابتدي بالحلول

اختي لازم تصارحينه بضرورة انه يخفظ وزنه .......اختي ولا تجرحينه بالكلام

قولي له علشان صحتك .........اختي وكل شيء بالحب تقدرين تسوينه

حسسيه انك تحبينه وفعلا كوني صادقة معاه واطلبي منه كل اللي في خاطرك يسويه ومع الحب والرفق والمساعدة منك ان شاء الله بيسوي كل اللي في خاطرك

بالنسبة للشعر الزايد اختي ليه انتي ما تشيلينه له هذا زوجك وما يعيب ولا يقلل من شأن المرأة انها تعتني بزوجها في هالأمور وتساعده ربما يجد مشقة في ازالته

أما الأغتسال والنظافة الشخصية ممكن تعودينه انتي على هالشي ولا تملين احسبي عندك طفل تربينه

اشتري له صابون وجل ومنظفات وكريمات بالروائح اللي يحبها وأول ما يدخل البيت بعد الدوام استقبلية بحب وخذيه الى البانيو ودلعيه وابسطيه وهو بيحب هالحركة وبيتشجع انه يسويها وعبري له عن سعادتك لأن ريحته جميلة وشكله رائع

امدحيه عند اي تغيير للأفضل واثني على فعله الحسن اللي سواه واسعدك

ان اهتمامه بنظافته او بريحته او بممارست الرياضة واتباع الحمية

وكوني مرات صارمة معاه خاصة في مسألة شربه الماء البارد .

موفقة عزيزتي .

أعانك الرحمن أختي.....

ايش رأيك تشجعية يخفف وزنة......بحجة انك تخافي عليه من الأمراض ......كلميه بعد ما تفرأي عليه مقال عن أخطار السمنة.......وقبل أي لقاء عاطفي دلليه بحمام دافئ......ما شرط تتحممي معه ......طبعا
بذكائك وأنوثتك.......راح تخلي الأمر وكأننك ادللينه.......صدقيني كل الكسل إلي فيه بسبب السمنة
والتي أيضا تكسل الانسان عن صلواته.........وفقك الرحمن

الله يكون في عونك اختي...

اختي زوجك يعاني من سمنه مفرطه..وهالمرض يشبه مرض اسمه(داء الفيل) وهذا خطير لدرجه ماحد يتوقعها...ماينزل وزنه ولايتغير الا اذا سووله عملية شفط

انتي قوليله ان هالمرض خطيـــــــر....وانك تحبينه وتبين تعيشين العمر معاه..وكلميه عن العمليه وقوليله علشان صحتك وعلشان مايصيبك مرض فالقلب لاسمح الله او تسكر الشرايين او ماتعرف تمشي بعدين وعلشان بعدين يحس بجماله وجمال جسمه ويلبس لبس ولا اروع وووووو......شجعيه على عمل العمليه وانشالله يقتنع....

اذا قالك يعني موعاجبك شكلي وتستحين مني ووووو....قوليله موقصة استحي وموعاجبني بس علشان الامراض ماتصيبك وعلشان تعيش معاي العمر كله....

وكلميه وغرقيه بكلامك العسل علشان يسمع منك ويتشجع ويروح للمستشفيات ويشوف وش يقدرون يسوون له

الله يعينك و يصبرك

حابة أفكرلك بحل و أرجعلك

نووووووور
نداء وحداء
العاشقة المعذبة
والله كل هذا عملته
والمشكلة كل العمليات تحتاج شي وشويات والحمد لله

المشكلة زوجي لما يكون شايل هم يحط همه كله في الاكل


هو لما يشوف حال خاله اللي اتوفى يرجع يفكر لكن لاحياة لمن تنادي .

والله حاولنا وفكرنا في عدة محاولات بس والله عشر سنوات مو قليلة يعني حتى انا باغير في نفسي
واغير في بيتي واعمل تغيرات في كل شي بس الله يهديه اللي في مخه هو اللي في مخه .

ساد ومن منتظرة حلولك على احر من الجمر

والله ماقصرتوا بس كل هذه الاشياء عملتها وربنا يعلم.

__________________
[move=up]

	لاتنسوا أختكم أجمل إحساس من الدعاء لها في جميع الأوقات

[/move]

اختي الكريمة
أعانك الله وجزاك خيرا على صبرك.. وهذه المشكلة موجودة عند الجنسين وإن كانت في الرجال أكثر وسببها غالبا الكسل وعدم الاهتمام والاحساس بمشاعر الاخرين.
لذلك نصيحتي هي أن يقوم احد من المقربين له بنصحه وليكن والدته او أخته مثلا.. او حتى انتي لماذا لم تصارحيه بشكل واضح وصريح !
تزوجت انا يوما بفتاة جميلة الله يستر عليها وكانت تهمل نفسها وقد صارحتها انا بذلك فاعتدلت وصارت أحسن مما أردت
ثم إني طلقتها لموضوع لاعلاقة له بذلك.
لكني بعد نصيحتي الصريحة أعطيتها زحما من الممادح الكثيرة والتي أنستها صراحتي معها.
كنت أقول لها عفوا ريحة حلجك خايسة روحي غسليه ولاتأكلين المايونيز بالثوم خلاص!
وأما الاستحمام فنفس الشيئ كنت أرمي الكلام رميا قصفا لاني تعبت من الاسلوب المؤدب المتحفظ الذي تربيت عليه !
وكانت لصراحتي وقدوتي الشخصية اثرا جميلا عليها والحمدلله
وبالتوفيق لك

بصراحه ماعندي حل بس حبيت ادخل وادعي لك
اللهم اجعل زوجها قره عين لها
(اروح اتزوج غيره امزح بس باحاول اسلي نفسي .)

بصراحه هذا السطر ضحكني

__________________
سبحانك اني كنت من الظالمين

الله يكون بعونك أهم شي لا تيأسي واستمري بكافة الطرق السلبية والإيجابية من أجل إصلاحه فأنتي أيضاً يجب أن تبحثي عن راحتك كما هو مرتاح معكي

__________________

الله يكون بعونك موضوعك جدا حساس ومتعب