السلام عليكم ورحمة الله وبركاتة

أنا عضو جديد ومحتاج منكم كل جهدكم لاهنتم
سؤالين فقط
س/ راح ازور زوجتي الاسبوع القادم ابغى اجدد في كل شي الهدايا الغزل كل كل شي
فلا تبخلوا بافكاركم النيرة وفق مايملية علينا ديننا وتربيتنا ؟

س2/ ابغى افكار لثلاثين يوم هي ايام شهر العسل الذي بقي علية ثلاثة اشهر فقط؟

والكم مني الدعاء والشكر

السلام عليكم ورحمة الله


أبارك لك أخي على اهتمامك بزوجتك والله يخليكم لبعض

أنا الي فهمته إنك للحين خاطب والزواج قريب ولا أنا غلطانة؟

بالنسبة لزيارتك لزوجتك ممكن تاخذ معاك باقة من الورد الأحمر وتكون آخر كشخة وإذا ما فيه مانع تغير طريقة لبسك يعني لو كنت دايماً تلبس ثوب إلبس قميص وبنطلون والعكس ، أكتب لها رسالة تعبر فيها عن مشاعرك وشوقك لها وحطها في مكان بحيث تشوفها بعد ما تطلع

أو بدل باقة الورد اشتر لها قفص صغير (تلاقيه في محلات الحلويات ) فوقه أو فيه عصافير اصطناعيه أو ممكن تكون حقيقيه وتحطها بعدين في بيتكم للذكرى وفيها حلويات على شكل بيض أو ممكن دوائر لو ما لقيت (هاذي هدية قدمها لي خطيبي بداية أيام الخطبه قبل الملكة وطرت من الفرحة بس العصافير كانت اصطناعية ملصوقة فوق القفص)


وخلك رومانسي تكلم عن مشاريعكم للزواج وما يحتاج أقولك شنو تقول لها



بالنسبة لشهر العسل عندي بعض الأفكار و ممكن تبحث في المنتدى عن المزيد لأنه يزخر بهاذي الأمور


في أول ليلة زواج إنثر بتلات من الورد على السرير و علق شموع في الغرفة وعطرها وخل الجو رومانسي علشان ما تخاف زوجتك وممكن تجيب مذكرة حلوة تكتبون فيها مشاعركم في هاذي الليلة للذكرى

ممكن تشتري لها تاج وتلبسه لها في أي وقت وممكن ليلة الزواج لو ما كانت حاطة تاج وقول لها أتوجك ملكة على قلبي وفي مملكتنا الصغيره


ممكن لو كان عندكم بيت تزرعوا فية شتلة صغيرة علشان تكبر وتكون ذكرى لاستمرار حياتكم مع بعض وتمدكم بمعاني حلوة


هذا كل الي فكرت فيه الحين وإذا فكرت في شي ثاني برجع أكتب لك وأتمنى تكون هاذي الأفكار البسيطة أعجبتك

وأتمنى لك التوفيق ويا ريت كل الرجال مثلك بس ها مو ألحين بس وبعدين تطنش

اخوي في الكثير من الافكار
وشي جميل انك انت تفكر كيف تسعد زوجتك
الله يسعدك معاها ويهنيك

وهذي بعض الافكار

طبعا اول يوم تقابلها اذا بتقدم لها الهديه لازم تكون مبتكره يعني مثلا تشتري اللي تبيه وتختار علبه مرتبه وتحط داخله الشرايط والاوراق الملونه او الورد الجفف وتحط الهديه وبعدين تروح لاي محل عنده غاز البالونات اللي تطير ونملي العلبه بالبالونات الصغيره وطبعا تكون معبأه بالغاز عشان اول ماتفتح زوجتك العلبع تطير البالونات
==================

وهذي الافكار لشهر العسل

قارورة الحب


افرغ 6 زجاجة اي مشروب ثم احضر ورقة واكتب عليه شعر غزل او حب او حتى الصفات التي تعجبك في زوجتك ورش الورقة بالعطر ثم ضعها في الزجاجة و احكم الغطاء و ضعها في البانيو المليئ بالماء و الرغاوي ليتتفاجأ بها زوجتك

================
الصندوق

اشتر بيجامه (( قميص النوم )) صندوق صغير و اوراق محارم ملونه ثم داخل الصندوق ضع أوراق زهور حمراء و بيضاء ثم ضع البيجامه (( قميص النوم )) و رش عليها عطرها المفضل وشيكولاته و ضع ورقة تقول فيها انني سأكون سعيد لرؤيتك مرتديتها و حدد وقت و يوم لليوم الرومانسي

================


رسائل الحب القصيرة

اترك عدد من رسائل الحب القصيرة في أماكن مختلفة فيجدها الطرف الآخر خلال اليوم في مخدة النوم او في كوب القهوة المفضل او في السيارة او الحمام و في آخرها اطلب منه ان يكون جاهز لليلة و لا بالخيال

==================

أرسل لزوجتك الزهور بدون مناسبة واختر النوع المفضل لديها وكذلك اللون المفضل. إذا لم تعرف ماذا تختار اسأل بائع الزهور عن أنواع الزهور المميزة .

من باب التغيير تناول الإفطار على ضوء الشموع أو العشاء في غرفة النوم.

املأ دولاب ملابسها بالبالونات الحمراء و فاجئها.

اكتب لها رسالة حب منك و لا داعي لأن تكون الرسالة بليغة لغويا أو أن تكون شاعرا المهم أنها تعبر عنك و عن مشاعرك.

حدد يوما في الشهر تقضيانه معا و يفضل أن تذهبا معا في نزهة أو لرحلة قصيرة.

اتصل بها خلال النهار و أخبرها أنك اشتقت إليها و كم تحبها.

فاجئها مرة و بدون مناسبة بدعوتها إلى مطعمها المفضل.

اشتر لها هدية بسيطة و لا داعي أن تكون مكلفة فيمكنك شراء سلة صغيرة و بعض الجوري لنثر أوراقه على الهدية و يمكن أن تكون الهدية عبارة عن مواد تجميل أو بعض الزيوت العشبية التي تستخدم للمساج.

ساعدها و بدون أن تطلب منك ذلك في بعض الأعمال المنزلية للتخفيف عنها.
=====================

يا حلو كلامك اخت غيثار ويا زين مشاعرك يا اخ ماجد مثل ما قالت اختنا عساها ما تكون مشاعر بالبدايه بس وتطنش بعدين ....شنو افيدك من افكار تحبها الزوجه سواء كانت بس مملوكه او زوجه طبعا الباقه شيئ عجيب وما يعتق لو كل يوم تعطيها مثلا تقدر تقدم لها عطر بطريقه حلو يكون مثلا في صندوق خشبي منثور فيه ورق ورد يا طبيعي ويا يكون طبيعي مجفف بريحه حلوه وحلو كمان تهديها مثلا مرايه بحجم 15 سنتمتر في 15 سنتمتر وبيزاين روعه وبظل ذكرى لها او تهديها قميصين نوم واحد الك وواحد الها او روب طقم ليكم اثنينكم وهم بفكره حلو خب شكلك غيره مثلا طريقة حلق الحيه خلها بشكل رومانسي سكسوكه وخفيفه اذا كنت من محبي الحي الخفيفه ترى البنت تموت فيها غير عطرك وانت ادرى بشنو يكون شكلك اكشخ وحلو بالنسبه لها .
مثلا تقدر تعزمها على مطعم مايكون مفتوح عشان تاخذو جزء من راحتكم واضائته رومانسيه يعني مطعم شيك ومافي مانع تخبرها بهالعزمه قبل عشان تجهز نفسها هي بعد هناك تقدر تقدم ليها هديه وكلام حلو وتعبر بطلاقه عن شوقك لها وحبك ووووو
هذا الي خطر ببالي الحين
دعواتي لكم بحياة سعيده

__________________
وكــم للــــــــه مــن لطــف خفــي ***** يـــدق خفــــاه عـــن فهــم الــذكــــــــــي

ونهاية شهر العسل
تقدر تعطيها هالشهاده

بصراحه وااايد عاجبتني

الله يوفقك طول العمر وتسعدها الأ ن هذا شيء نادر ما يفكر فيه الزوج هذي الأيام .......فكرتي بسيطه وايد ......وهي لما ترواح معها مكان في السوق مثلاً تشتري لها أيشي مثل قطعة خام وتقول لها أتمنى أشوفه عليش ........ أو حذاء .. اي شيء أخص المراءه ,,,,,,,,, تعطيها من الحنان ,,,,,,,ما يكفي العمر كله الله يسعدكم,,,
مع تحياتي فلفله

وفي فكره حلوه بعد
تقدر لما تعزمها على العشاء
من قبل تتفق مع المطعم وتعطيهم علبه وفيها هديه لها
ولما تروح معاها المطعم طبعا هي مابتعرف شي عن الهديه
وبعدين في نهاية العشاء اللي يشتغل في المطعم يقدم الهديه
وراح تكون مفاجأه حلوه