السلام عليكم
ضاقت بي السبل وجيت افضفض لكم لاني اعجبت باارائكم الحكيمه واثق بانكم ماراح تحرموني منها
زوجي تزوج من 3 شهور في ديره ثانيه بعيد عني
اقنعني انها بعيده وانه راح يسافر لها شهرين في السنه بس وباقي السنه عندي
شرط عليه رضوى ومصروف شهري ووافق على الفور
هذا الكلام كان قبل سنه قبل لايتزوج
خلال هذي السنه كان ماشي على وعده تمام
بس لما سافر ورجع كل شي تغير خلال سفره تعبت وسويت عمليه وماكان معي فلوس تكفي فااضطريت اسحب من فلوس الرضوى ووعدني لما يرجع يرجعها ومارجعها والمصروف قطعه عني وقال اذا احتجتي شي انا بعطيك ولما اطلبه يمسكني تحقيق ع الريال واللي قهرني اكثر انه ناوي يرجع يسافر لها بحجة انه عنده شغل هناك
طيب وين وعودك ؟
انا ساكته بس اعيش صراع داخلي فضيع ماني عارفه كيف اتصرف وش اسوي حاسه اني ضايعه ومشتته
مقهوره منه وفي نفس الوقت ماابغى اخسر حياتي
لاتحرموني من حلولكم الحكيمه لا حرمكم الله الجنه


تم تغيير العنوان ليتناسب مع المضمون

يعني شهرين عندها وعشرة اشهر عندك ..
مستحيل ما بيقدر يصبر عنها طول ها الفتره ..
والمصاريف الان زادت .. بدل ما تكون على بيت واحد الان بيتين ..
اضيفي مصاريف النقل رايح جاي .. اكيد بيقلل عليك المصروف بشكل ملحوظ .. شي بديهي يا اختي ...

شوفي أختي العزيزة..بما انه تزوج لا بد انه سيتغير ..لكن هناك نقطة عانيت منها أيضا ولما بحثت بها وجدتها غير شرعية ..وهي الزواج والاستقرار في بلد آخر واﻹقامة هناك....ﻷنها لا بد أن تكون معاناة للجميع..لو أردنا أن نحل المشكلة فلنقل الخطوة اﻷولى هي العدالة ..لأن الزوجة صعب جدا ان تصبر عشر شهور عن غياب زوجها ولديها احتياجات ..ربما تفتعل المشاكل لزوجك بسبب الظلم والغياب الطويل فيضغط عليك..لذلك اﻷفضل تجلسوا جلسة تفاهم تتبعون فيها رأي الشرع...
النقطة الثانية بعد العدالة..هو أن تسكن الزوجة الجديدة بنفس البلد حتى يزول الضرر..هذه معااااناة ..واسألي المجربين..الاولاد يحتاجون الى تربية الاب ووجوده وهيبته..عدا عن الحالات الطارئة التي تحصل في البيت او مع الاولاد ..أتذكر اني كنت كل يوم اضع يدي على قلبي ..اخشى من حدوث طارئ لا سمح الله..الجئي إلى ربك وتضرعي له وأكثري من الاستغفار ودعاء الله ان يسخر لك زوجك فبيد الله وحده ازاحة هذه الغمه..أعانك الله

اختي الكريمة الله يربط على قلبك
المفروض من البداية كنت رفضتي و اصريتي على ذلك انت واي زوجة
مهما بلغت الرضوة
يعني لو يدفعلك ما صرفتيه سبرد قلبك
طبعا لا

وبما أن قضاء الله نفذ فاصبري هذه المدة
لساته عريس
أن أراد الذهاب اتركيه والا سيحقد عليك
خليه انت ايضا ترتاحين وتعيدين ترتيب حياتك ويرجع لك احسن
ان حبيتي ترجعينه لك

اختي شهرين في السنه معناتها تبقى عروس علطول ومابيمل منها غير ليله وليله بيعتاد عليها

يعني موافقته على شروطي كان نيته انه يخدعني !!

كبري عقلك و حطي نفسك مكانها.
و كمان مكانه.
هو مو عادل فاكيد هي راح تصبر شوي و بعدا راح تطالب بحقها.
فكري بعقلك و خلي الغيرة بعيدة عن حساباتك.
الله معك.

هي تزوجته وهي عارفه انه بيغيب عنها عشره شهور ومع هذا وافقت وماكان عندها مشكله
وهي عايشه مع اهله يعني في ديرة اهله لو حصل لها شي طارئ في احد معاها
هو يشوف انه كذا افضل عشان المشاكل ووجع الراس انه كل وحده في جهه
وصعب جدا يجمعنا في ديره وحده

لنفترض ان ما قالها ان راح يكون معها شهرين وعشرة معك فقط قالك انت عشان توافقي على زواجه

الله يعينك ويصبرك اعتادي على وضعك الحالي

__________________
يا رب خاتمة حســنة ، وزلفى ، وحسن مآب ..

والله الموضوع ماكان برضاي
هو خطب وكل شي وبعدها خبرني يعني حطني قدام الامر الواقع