السلام عليكم
انا مخطوبة من سنتين بس ماكنت خطبة رسمي يعني كان كلام بين العيلتين وانا وهو بنعرف هو حب حياتي وانا حب حياتو كمان ..في العام الاول ماكنا نحكي كتير الا احيانا في الواتس اب فقط اجت فترة صارت بينا خلافات لانو لقيتو عم يحكي مع بنت وهلا بعد منخطبنا رسمي وصرني نحكي كتير عترفلي انو صار بحبني اكثر ومبيقدر اعيش بلاي وبدو اصارحني بكل شيء فحياتو قال اسألين وانا بجاوبك بصراحة على كل سؤال انا سألتو اذا طلع مع بنت في فترت ما كنا لبعض (يعني قبل الخطبة الرسمي) فقالي نعم طلعت مرة وحدة وبستها وانا ندمان وكانت غلطة حياتي وقال انو ماكان اعجاب ولا شي بس حب التجربة وكثرة الحاح صديقه يلي اقنعو بالكلام مع هذه البنت مع العلم انو البنت هي يلي اتصلت فيه وابدت اعجابها به ..انا هلا قلبي مجروح معم بتحمل فكرة انو كان مع غيري وباسها هو صارحني بكل شيء وقال انو هاد من شدة حبه لي بس قلبي مالو متحمل بكيت كتير وحسيت ببرود انصحوني جزاكم الله خير