السلام عليكم ورحمه الله وبركاته

كيف حالكم جميعا

انا ولله الحمد ولدت وجبت ولد زي البدر ربي يحفظه
بس عندي مشكله في اخوه اللي اكبر منه

ولدي عمره سنه وخمس شهور والصغير عمره 8 ايام
وطبعا مو متقبل وجووده يبي يذبحه يرمي عليه اي شي في يده
ويبي مصاصته ورضاعته وبطانيته وطاقيه راسه ومهاده
واذا ماعطيته يجلس يصيح لحد ماخلاص يموت من البكي

وانسدت نفسه عن الاكل ويبي يخرب وصاير يصاارخ بدون سبب

هبل فيني حاولت بكل الطرق معااه
شريت له العاب كثيره وصرت العب معاه اطنش الصغيرون عشانه ولاارضعه قدامه ابداا
كل شي سويته مانفع معاه صرت اعصب واصارخ عليه واطقه بيده وصار يحقد علي


ضايق صدري عليه وجهه ذبلان ومن يقوم وهو يبكي صار الكل يمل منه انا في بيت اهلي واختبارات
وماعاد احد يتحمل ازعاجه

امي تقول اي شي لصغيرون اعطيه له لانه غيران ومايفهم وانا رافضه مابيه يتعود ياخذ اغراض غيره
وهو حقد علي اخوه يوم ارفض اعطيه حاجاته

تكفون ابي اعرف كيف اتعامل معاه ابيه يحب اخوه ماعاد اعرف انام من الخوووف اخاف يذبحه
لانه اذا شافه انهبل يجي يركض يبي يضربه يادوب الحق ع الصغير

انتظر رايكم وتجاربكم بااسرع وقت

كل شي اثنان اثنان اشتري

هو طفل مسكين


اعطيه

الطاقيه اثنان البطانيه نفس اللون والموديل اثنان

كلو اثنان عامليه انهم توأم

تهدا نفسه

كلو نفس الموديل واللون لحد ما تهدا نفسه ويتعلم ويحبه

ما هو طفل صغير مسكين

__________________
http://live.gph.gov.sa/
اللهم اني استودعك اولادي

الله يسعدك بس انا خايفه يتعود علي كذا

لان الفرق بينهم كبير كلها فتره وبعود الكبير ع الحمام وبيترك الرضاعه
اخاف انه يتبرمج مخه انهم زي بعض ويهبل فيني

امي تقول جيبي نفس رضاعه الصغير وحطي حليب الكبير فيها
وانا جداا رافضه هالفكره وخايفه من نتيجتها بالمستقبل

حاسه بالفرق لان النونو عمره 8 اايام

انتظري وقت يصير عمره سنه تلاقيهم توأم

وانتي ستشتري لهم نفس الثياب ونفس الالوان ووووو


عامليه مقل ما قلتي لن يتعود ما تخافي

كل ممنوع مرغوب


اعطيه وما هي الا اشهر وتلاقيه تغير واسبوع ويتعود على اخوه ويفرح فيه


انتبهي وزيدي الاهتمام


نفس الالوان كلو والثياب

هو طفل صغيرررررررررررررررررررررررر ولا تنسي انك بفترة نفاس تحتاجي لراحه من غير صراخ وتريدي ان تنامي بهدوء

__________________
http://live.gph.gov.sa/
اللهم اني استودعك اولادي

__________________

عندي ولدين ونفس وضعك وحالتك
بالعكس مثل ما قالت خاله جرين من كل شي اثنين احسن
ويحس انه على البال ويرتاح وتهدى نفسيته
وقبل ما أعطي الصغير أعطيه هو أول
وبعدين أعطي أخوه الصغير نفس الشي قدامه وهو يشوف ويكون مبسوووط ع الآخر
لأنه يشوفني اني بديته على أخوه وانه هو الأفضل والأحسن
فديتهم صايرين الحين مثل التوأم في البيت
ياكلون زي بعض .. ألعابهم زي بعض.. حتى ملابسهم وأي غرض يخصهم
والكبير نفسيته أحسن وصااار هادي وبشوووش
وعقبال عيالك يارب
والله يطرح فيهم البركة ويجعلهم بارين فيك
لكن بليز إذا أخذ شي من أخوه لا تهاوشينه أبداً ولا تعصبين
حاولي تستغنين عن هالشي قدر المستطاع
يعني إذا اخذ طاقيته اتركيها له وجيبي طاقية ثانية أو حطي طرف البطانية على راس الصغير مؤقت لحد ما تدبرين نفسك أو هو يمل ويتركها من نفسه

عندي اكبر اثنين الفرق بينهم سنة و3 أشهر .. وكان الفضول قوي من الكبير بخصوص الصغير لكني كنت هادية جدا مع فضوله .. لما يشوف خوفك على الصعير راح يتوتر الكبير أكثر ..

1- خليه يقرب منه بدون ما تتوتري أو تخافي .. مجرد كوني على أهبة الاستعداد ... يعني أسمح له يقترب ويسأل ويحس بيده وعارفه انه ينتظر الفرصة حتى يضرب أو يعمل حركة فجائية فما أمنعه الى لما يصير الموضوع جد وقتها أمسك يده بلطف واقول له لا حرام يتألم البيبي .

2- أي لعبة أو لبس جديد تشتريه له قولي له هذا من فلان (أخوك الصغير) .. جابه لك .

3- خليه يشاركك بالعناية فيه .. لما تغيري الحفاظ مثلا اطلبي منه مساعدتك وقولي له أعطيني كذا .. أو أمسك هذا ..

موضوع انك تشتري لهم نفس الشي وخوفك انه يتبرمجوا على كذا .

أصغر اثنين عندي توأم وفعلا كنت ألبسهم مثل بعض بالضبط وأشتري لهم نفس اللعبة لكن بلونين مختلفين حتى نميزهم ... كل شيء مثل بعض بالضبط .. كنت اخاف أفرق بينهم واظلم واحد لدرجة كنت لما أعطيهم السمارتيز أو أي حلو حبات صغيرة كنت أقسمهم وأعدهم بالحبة وبنفس اللون كمان .

لما كبروا شوي ودخلوا مدرسة وصاروا يميزوا وتتشكل شخصياتهم صاروا يرفضوا يلبسوا مثل بعض والحين صار عمرهم 15 سنة وكل واحد فيهم بشخصية مختلفة تماما ولهم أصدقاء مختلفين مع انهم بنفس المدرسة ونفس الجيران .

__________________

أشتري لولدك نفس الي اصغر منه له وللي اصغر
بس الرضاعه وكذا أممم انا معك
أم عزوز