السلام عيكم
كيفكم ياأعضاء المنتدى.......
انا باطرح مشكلتي واللي عنده رأي سديد ياليت مايبخل علي
انا متزوجة لي 8سنوات عندي 4اطفال ماشاء الله ربي يحفظهم زوجي جداااااا طيب وفيه صفات حلوة كثير هو كريييييم وشهم وخلوق وحنون وبااار بامه جدا ويحب الناس والكل يحبه ما تطلع منه العيبه يحب اهلي ويكرمهم ومايقصر معاهم طبعا يحبني مره ماكذ سبني ولا كذ غلط علي بالكلام ويحب عياله بجنون ويساعدني في تربيتهم ومربي جيد موظف وراتبه طيب الحمد لله كان يصلي ويخلي 6سنوات بس جلست ادعي له الى ان هداه الله للمسجد وصار من نفسه محافظ ولله الحمد
الى الحين هذي كلها محاسن يعني ظاهريا مافي احسن من كذااااا الصفه اللي تميزه الغمووووض والهدوء الزاايد
(انا من طبعي ما اساله عن شي الى ان اتاكد انا عقلانيه زياده وعمري ماتشاكلت معاه على شي لاني انسانه قنوعه وابغى اعيش ومتربيه في بيت ملتزم حتى التلفزيون ماعندنا ونحفظ القران واحنا صغار وعشان كذا هو خطبني)
طيلة الثمان سنوات وانا اعيش مغامرات الكشف عن المستور اول سنه اكتشفت انه يستعمل النشوق طبعا شفتها بملابسه وبكيت توي عروسه انكسر خاطره علي بس وعدني انه يتركها وكذب لاتركها ولا شي بعد الطفل الثاني جيت مره البيت لقيت دخان وشي اسود معاه ورق اسمه ورق الشام سالت وعرفت انه حشيش واجهته بادب انكر وبعدها ماشفت هذا الشي في بيتي وبعدها بكم سنه تعرف على جارنا فرحت لانه انسان خلوق ولكن الحقيقة اللي عرفتها بعدين انه هو وزوجي وشلتهم مدمنين حشيش حسيت اني صحيت من غفلة كلمته عن الدين وعن صحته وعن سمعتنا وعمله راح يخسر ها الاشياء مارد واكتفى بالسكوت طبعا الحشيش غالي وانا كنت استغرب لما يخلص الراتب في خمسه ايام ولما تاكدت انها تروح للحشيش ماقلت لاهله عشان ما احب اشوه صورة زوجي تخاصمت معاه وقلت هذا الوضع مايحتمل لكن رده فاجأني قلي والله هذي ضروفي وبكيفك رحت عند اهلي موزعلانه بس باريح اعصابي يومين واتصل علي قال مابترجعين البيت قلت الا بس لما اقرر لما رجعت بعد3 ايام لقيتهم خطبوله خلاص وبيزوجونه وهو ساكت على اساس اني ماسمع الكلام وهم مايدرون عننا شي حنا مايبان علينا الزعل يعني لا اهلي ولا اهله ولاحتى الشغالة اللي معانا في البيت ماتعرف اذا بننا مشاكل والا لا وانا ما اقول لاحد عن اللي جالس يصير ما احب اصغره قدام أي احد ولكن جزاء المعروف المهم قلت له انا مقصرة معا ك او شفت مني غلط قال انتي مو مقصرة وحس انه تسرع وقال ترى امي اللي زنت علي تقول انتي ماتسمعين الكلام والله ردة فعلي كانت غريبة لاني ما صرخت ولا شي ضحكت وقلت ربي يعلم اني مظلومة وهو بينصفني وهون من الموضوع وقال سامحيني انتي احسن امراه في الوجود وقلت خلاص عيشي يابنت وبعدها عرفت اني حامل وتعبت فترة شهرين واكتشفت ان زوجي بدأ يشرب سكار والله اني اجلس ابكي ما كنت متوقعه اني باشوف ابو عيالي سكران وبرضه ساكته بس ادعي له المشكله محد كذ شاف عليه غبار ولا احد يشك انه هالادمي صاحب مخدرات هو ذكي وحريص واهم شي عنده شكله قدام اهلي والناس
اااااااااااه واخر شي وانا بالشهر التاسع اتوصلت لاخر اكتشافاتي انو له علاقه ببنت عالفيس بوك وتطورت العلاقه وصارت مكالمات ومسن انا هنا انهرت تصدقون انها كانت اقوى صدمة خياااااااااااااانه وانه واعدها يمكن بالزواج لما صارحته وانا ابكي قلت لو اجلتها لين اولد قتلت فرحتي ببنتي والله ماتكلم بس ارسل مسج اني اسف وماراح تتكرر وكل خرابيطي راح تتغير وسامحته بغصه عشان عيالي وعشان ماتجي بنتي بجو زعل
لما خلصت نفاس بالصدفه فتحت جواله ابي اتصل لقيت رساله منه لوحده يقول اذا اشتقتي لي اتصلي سكت قلت يمكن قديمة بس تاريخها بعد ولادتي ولما سالته صرررررررررررررررخ وقال انتي بس تفتشين وراي وهذي قديمه
قلت عطني تفسير ليه تاريخها بعد ولادتي سكت ولا رد الى يومكم هذا له اسبوع ولاراضي يتناقش يقول ماني مضطر افسرلك طلعني غلطانه وقلب الحق علي
احس سكوتي المتكرر خلاه يتمادى لكن ما اقدر اقول لاي انسان حتى اهله محد بيصدقني ايش اسوي وعيالي اللي ابوهم في نظرهم قدوة يطلع اسوء قدوة واهلي لو عرفوا ما ابغاهم يكرهونه عشان مايعقدوا عيالي
اسفه طولت بس والله مقهورة ومحتارة لما اشوف الناس تلقبني شيخة البنات واوقف في وجه اكبر المشاكل وناجحة بحياتي الاجتماعية والمهنية وفي كل المشاريع وبالمقابل فاشله في اكبر مشروووع بحياتي حياتي الزوجية .