سلام عليكم
انا تعرفت ع شاب من ببرنامج تواصل
و كنت ارمسه عادي اعتباري له كاخ لي
انعجب بشخصيتي وايدد و باني اذكره بالصلاه و العباده و ترك الاغاني وغيره
ف راح وكلم اهله يتقدمون لي الحمدلله كل شي ع مايرام ،،،،لكن
انا ماعجبني هو مب اخلاق او شخصيته بل بشكله ماعجبني ابد
و كل ما افكر باني اوافق اقول بانه هو مب جميل وغيره لكن ماعرف شو اسوي
اعرف الجمال مايهم بس ماعرف شو اسوي و هو ادري مابيقصر معاي مدام انه وصل لبيتنا

نصيحتي لك مآ تقبلي فيه الشخص مو اخلاق وش تبين فيه اذا كانت الاخلاق هي الاساس و لانك تعرفتي عليه من خلال برنامج ومستقبلآ ممكن يشك فيك انك تكلمين غيره وتصير لك مشاكل انتي في غنى عنها وربي يوفقك ويرزقك بشخص افضل منه و اولا واخيرآ استخيري وربي يسهل لك

مشكوووره ماتقصرين بس انا الي قصدته هو اخلاقه زينه و شخصيته بعد كل شي عادي
انا ماعاجبني شكله ماعاجبني جماله ، بالفعل انا تناقشت معاه عن موضوع بيشك فيني و غيره

لا تقبلي فيه دامك مو مقتنعه ، بصراحة الشكل مهم على الأقل يكون فيه تقبل منك له ..

__________________

انا كثير افكر بالموضوع و اقول عادي بس مرات اذا حد يذكرني بانه مب جميل
ارجع عن قراراتي ماعرف ليشش
للعلم انا صليت الاستخاره و وايييد ارتحت ، لكن من شفته ماعجبني شكله
ماعرف والله شو اسوي

اذا اخلاقه زينه ومحافظ علي صلاته وفيه خير توكلي علي الله ووافقي يمكن يكون لك عز الزوج،،
مع اني اشوف القبول الشخصي والراحه مهمه جدآ في الارتباط
اختي احس بكلامك انك مو متحمسسه مره واقرب للرفض
شوفي حبيبتي احيانآ الله يرسل لنا اشاراة لازم نفهمها بحكمه زي مثلا مو عاجبك شكله ،،،ترردد بسيط بالارتباط،،مافي حماس وقلبك مقبوظ،،،
انا اقول اعطي لنفسك وقت اكبر بالتفكير والسؤال عن الشب والاستخاره ،، لا تستعجلي علي نفسك لاانها خطوه بتقرر مصيرك العمر كله
بالتووووووفيق

الحمدلله هو مب مقصر معاي و اخلاقه زينه بعد
كل شي فيه حمدلله زين ، بس الشي الوحيد هو شكله ماعرف كيف مب عاجبني
انا استخرت و حمدلله كل شي كان زين و من الاستخاره ارتحت وايد لكن ماعرف

أختي الكريمة فتاة مكسور
أنتِ لم تبيني لنا هل عندكِ وسوسة ؟ هل عندكِ نظرة عالية للوسامة ولربما تكون أوهام ووساوس .
كم عمركِ ؟
وما صفات الشاب المتقدم ؟ هل هو بشع لهذه الدرجة أو مقبول الشكل ؟
وما هي فرص الزواج عندكِ ، هل يتقدمون شباب ؟
يوجد بنات كثير مثلكِ ولكن العلاج بالدرجة الاولى يكون بتغيير الافكار وبرمجتها من جديد ، فقد تكون عندكِ أفكار ومعايير خاطئة للزواج.
أنا عندي أخت جميلة جداً، وسألتها ما هي المواصفات التي تريدينها لزوج المستقبل فقالت أريد شاب ملتزم جداً وأخلاق ومحترم والجمال هو جمال الروح ، فوفقها الله وأعطاها على حسب نيتها الصادقة ، شاب ليس وسيم وأسمر لكنه ملتزم جداً ويحب العبادة ومؤدب ومحترم ، والان هي سعيدة معه والحمد لله .
أختي لعلكِ لم تصدقي النية مع الله في طلبكِ وسمعتي كلام المراهقات واعطوكِ معايير خاطئة .
الزواج عمره طويل مدى الحياة وقد تتزوجي رجل وسيم ولكنه مغرور وكذاب ووقح ونذل وقاسي .

أجيبي علينا أختي

مشكوووره اختي
انا صغيره بعدني لكن مب وايد يتقدمون لي
ماعرف هو من كلام الناس انا بالفعل غيرت رايي فيه
فاللبدايةة كنت متقبله فيه و الحين ماعررف

هو مو سالفه جمال

هو سالفه تقبل.. اذا شكله ماتتقبلينه ابد يعني تشمئزين منه مثلاً فيه شي مقزز او منفر

فاحسن لج وله ماتقبلين .. لان راح تظلمينه قبل ماتظلمين نفسج

تخيلي انتي لو تزوجج شخص متحمل شكلج بالغصب.. ويقول هي مب جميله لكن اهم شي الاخلاق ترضين؟

لا .. اكيد راح يتزوج وحده يعجبها وتعجبه لاتخافين لانه رجال و راح يلقى

لكن اذا كان مب جميل.. يعني مب عارض ازياء مثلاً ولكن شكله مقبول

فانا زوجي بالنسبه لي شكلاً ابداً مب ذوقي بغض النظر عن جميل او لا
ولكن مواصفاته خلت من الصعب ارفضه لهذا السبب
وانا عن نفسي مايهمني الشكل ابد.. وعادي عندي شي استغني عنه

والحين مع الحب اشوفه اجمل واحد فالكون


ولكن لكل شخص معايير ومقاييس.. ممكن يهمج الشكل انتي! عادي هذا مو عيب من حقج

اهم شي لاتاخذين واحد تشوفين نفسج عليه .. لان الزواج مو صدقه

من حقج تتزوجين واحد يعجبج وتعجبينه.. كل التوفيق