السلام عليكم
انا زوجة أولى عندي عددا من الاولاد والبنات الله يحفظهم ويصلحهم يارب
شغل البيت كثير وأنا المسؤولة والمدرسة لاولادي وايضا سلكت درب العلم عن طريق الانتساب
وكان لابد من وجود الخادمة...يدفع زوجي طبعا راتبها
طبينتي موظفة وعندها طفل 5 شهور..كانت قبل ما اجيب شغالتي تدفع هي راتبها مو زوجي
الحين عرفت ان زوجي يدفع راتب الشغالتين ,,
أنا سكت أول الامر وقلت بكيفه دام مانقص علي شي الحجر من الارض والدم من راسة
اللي صار اني سجلت كما ذكرت انتساب وطلبت منه سداد الرسوم...رفض الدفع وطلب مني تأجيل فكرة الدراسة لسنة بحجة المصاريف وعمار البيت
وراح يعدد لي انواع المصاريف ومن بين الاشياء اللي ذكرها لي انه يدفع راتب شغالتين
قلت له بكيفك ان شاءالله تدفع لها حق عشرة شغالات!!! لاكن ماتمنعني انا وتقول ماعندي
انت اعطيتها وانت عارف انها مو في حاجتك وانها خرجت من بيتها برغبتها علشان وظيفتها وماعندها غير طفل
بينما انا جالسة في بيتي وعيالي كبار وشغلهم وشغل البيت كثير
وقلت له انت مو ملزوم تعدل لان مافيه مقارنة بين وضعي ووضعها
كأنك تقول لها اخرجي وتوظفي ووفري راتبك وقصري في بيتك وانا اعطيك حق الشغالة يعني بطرة فلوس
قال انا مادفعت لها إلا بعد ماجبتي شغالتك وانا اشوف هذا من العدل...وانا مصرة انه مو ملزوم يدفع لها حق شغالتها لانها خرجت وبرغبتها من بيتها وموظفة وهي مسؤولة تسد الخلل اللي تركته وراها
الزبدة...هل كونه يدفع حق الشغالة من حقها ومن باب العدل الملزوم والمسؤول عنه عندها أفوض امري الى الله
وأن كان ماعليه شئ هل يجوز لي ان أُطالبه بنفس المبلغ
وشكرا لكم جميعا