السلام عليكم
في البدايه اشكر اعضاء وعضوات المنتدى استفدت منكم كثير
وقرات مواضيع ومشاكل كثير
سجلت في المنتدى عشان ابغى اشوف مشاركات العضوة "أسأت الاختيار" مدري اذا لسى مستمرة بالمشاركة لاني حسيتها تشبه شخصيتي كثير
سجلت في المنتدى وماقدرت اشوف مشاركاتها يبدو انه لازم اوصل لعدد من المشاركات عشان اتمتع بهذي الخاصيه
أفضفض لكم شويا
شهرين ونكمل سنتين زواج نتيجتهم الكثير من البكاء وطفله قموره
ماحب أتكلم عن مشاكلي الخاصه
حب من طرف واحد
هوا حبني وانا لا
من بيئتين مختلفه تماما
والان انا في بيت اهلي مابغى ارجع له لاني ماعدت أتحمل
دخلت الزواج انسانه طموحة سعيده فرفوشه ضحكتها مافي اعلى منها عفويه خرجت منه مهزوزة الثقه بالنفس مكتئبه نكديه عصبيه تعيسه
زوجي يعشقني كما يقول لكن ماقدرت أفهمه

عندي فضول ابغى اعرف مشكلتك ممكن تشرحيلنا شوي ماراح تخسرين شي ممكن نفيدك او على الاقل نستفيد من تجاربك

__________________
تمنيت حبـاً يدوم طويـلاً .. فـدام الحب وَ رحل الحبيب.

مشكلتي كيف أخليه يطلقني
لاننا مع بعض غلط
اذا كنت تحب زوجتك مره وتشوفها تعيسه ليش ماتطلقها؟
اذا كنت فعلا تحبها ليش تضربها
ليش تشتمها
ليش تبغى تحسسها انها ولا شي
هذا اسمه حب مرضي ؟؟
او شعور بالنقص ؟
اللي يحب ما يأذي حبيبته
تصدق أحيانا احس اني انا المريضه لانه رغم كل اللي سواه مقتنعه انه يحبني
يمكن انا وياه مرضى

الحب المشروط مو حب
سوي كذا احسسك ملكه
تخالفيني انتي جزمه
ايش فايدة واحد يوريك الويل اذا غلطت ويصيبه الجنون حرفيا
ايش يفرق عن باقي الناس
كل الناس تحبك لما تسوي صح وتكرهك اذا غلطت
ليش هوا يحبني اكثر من باقي الناس اذا سويت صح ويأذيني اكثر من باقي الناس اذا غلطت
مابغى هذا الحب

اختي زوجك اذا هاوشك ترد عليه وهو يخانق لان اشوف امي الله يخليه لي كاااااانت جدا عصبيه واذا احد رد عليها ضربته ضرب
الله يكون بعونك بس تعرفين نمطه😰

احسه شمااااالي

اعتقد هوا شمالي شرقي وعنده غيره مو طبيعيه
للأسف انا حساسه وعندي خطوط حمرا برجل المستقبل هوا تجاوزها وماصار رجل أحلامي زي ما يقولون
لانه يمد يده اذا عصب واخر مره بطريقه مهينه عشان كذا خرجت من البيت رغم انه اعتذر وخرجني على اساس انسى لكن طفح الكيل دقيت على اهلي وانا مقرره ماليا رجعه
لانه مو فاهم اني اشوف اللي يضرب حرمه مو رجال
وماقدر اعيش مع واحد مااشوفه رجال
لاني احتقر الرجال اللي زيه

عليكم السلام ورحمة الله وبركاته
اعطينا امثلة على غيرته نريد نعرف هل غيرته في محلها او لا
ومتى حصل الضرب وماذا فعلتي حتى يلتجيء لمد يده
وما هي اغلاطك ؟
وكم اعماركم وهل عندكم اولاد ؟

كنت حاسس ان فيه سبب وجيه لطلبك الطلاق ومالفت انتباهي هو الضرب وهي اساس المشكله في قدر ضني ولاكن يااختي هل سبق لك وان ادخلتي اهلك بالموضوع وقامو بوضع حل لذالك وهل اعطيتي زوجك فرصه اخرى للتغيير ام انها اول مره فضفضي يااختي اخرجي كل مابخاطرك لاتخافي ولاتشعري بالحرج

__________________
تمنيت حبـاً يدوم طويـلاً .. فـدام الحب وَ رحل الحبيب.

حملت على طول اول ثلاث شهور بعد الزواج
اول مره كان يتكلم على زوج اختي كانه غيران منه دوبها متزوجه وانا مدري ايش خلاني ادافع عنه وقلت له احسن منك وضربني كف هذي الاولى وكنت حامل
مثلا ضربني كف عشان رديت على موظف بنك كمان كنت حامل واتصل على موظف البنك ليش تكلم زوجتي فين موظفاتكم اللي دايما يكلموني !!
ضربني كف عشان مره طريقة مزحه الدفش ماعجبتني قلت له لا تمزح معايا كذا يقولي انتا تطالعيني باستحقار واستفزاز عشان كذا ضربتك بعدها صرت اقوله بوجهه اللي يضرب حرمه مو رجال ويعطيني كف وجاتني بلاده وبرود واقول منتا رجال ويضربني كف كمان هذا الموقف حسسني اني راح اصير مريضه نفسيا لاني صرت ماحس بالكفوف وتركت البيت مده بعدها
المره الاخيره مو كف بس وصلت لرفس بالرجول واعتذر بعدها على طول وحضني وانا حسيت اني كرهته
كل ماخرجنا مكان نرجع متزاعلين
سوبرماركت حديقه مول
عمري 27 هوا 31
زواجنا سنتين وعندي بنت عمرها سنه
ملاحظه : كل مره يضربني فيها اخرج من البيت ويرجعني