السلام عليكم

أنا فتاة صار لي فتره من قعدت القران والحمدلله سعيده مع خطيبي ومابينا اي مشاكل والحمدلله . بس حياتنا اكيد ماتخلا من بعض الخلافات او أختلاف في الآراء .

بس كانت في بالي بعض الأسئله وحبيت اطرحها في المنتدى وأتمنى أن الكل يشارك فيها سواء كنت أمرأه متزوجه او مخطوبه أم رجل متزوج أو خاطب.
ولا تحرموني من نصايحكم.

السؤال الأول: كيف الفت انتباه زوجي واكسب محبته؟
السؤال الثاني: هل لي الحق في التدخل في مظهره الخارجي ؟ وهل هذا يزعجه؟
السؤال الثالث: إذا بغيت منه شي أو ينفذ لي طلب متى أطلب منه ؟ وكيف الطريقه؟
السؤال الرابع: إذا طلب مني طلب وأنا قادره عليه هل أنفذه له على طول ولا أقارن بيني وبينه . أو أخليه ينسى الموضوع وبعدين افاجأه أو انفذ له طلبه من بعد مانساه؟

السؤال الخامس: هل كثر الكلام عن صديقاتي يملل زوجي مني أو يحسسه أنه مايقدر يوفر الي أحتاجه مثل صديقاتي؟؟

السؤال السادس: إذا بغيت منه شي يسويه كيف اخليه يسوي إلي انا ابغاه بدون ماهو يدري أنا قاصده هالشي ؟ يعني بطريقه غير مباشره.

واتمنى أنكم ماتبخلون علي بردودكم .

تحياتي:
زاهده.

اختي الحبيبة زاهدة .. بداية أسأل الله ان يوفقك ويسعدك ويعطيك من الخير فوق ماترجين وان يصرف عنك من السوء فوق ماتحذرين وان يؤلف بين قلبك وقلب زوجك ويحعلك قمراً في عينه ومهجة قلبه وريحانة بيته .. آمين
سؤالك الأول يدل على محبتك لزوجك وعلى حرصك عليه وعلى رضاه وهذه اهم نقطة في نجاح العلاقة الزوجية ..
اذا اردت ان تلفتي انتباهه وتكسبي محبته فعليك بالطاعة له ولايسمع منك بعد ان يطلب شيئ الا كلمة سم ان شاء الله او ابشر حتى لو لك وجهة نظر اخرى قوليها بعد هذه الكلمة ..
وثانيا لكل زوج هوايات واشياء يحبها في الاكل في البيت في ثيابه وطريقة تجهيزها هذي عليك انك تحرصين تعرفين وش يحب وتسوين له اللي يبغاه
لاتنسين الدلال والانوثة والرقة والكلام الحلو والابتسامة ترى مهما سويتي وانتي جافة او ساكتة ماينفع خلي تعابير وجهك تشرق بالفرح اذا جاء من برا وحتى لو مامدح ولاتكلم كلام حلو لاتزعلين ولاتاخذين ببالك هذا مايدل انه مايحبك او ماينفع معه مع الوقت بيصير يمدح ويقولك كلام حلو زي مانتي تقولين له ...
ايضاً نقطة مهمممممة وهي التعامل مع اهله بمحبة وحسن نية واحترام وخاصة والديه ..واذا حسيت بمشكلة معهم او سوء فهم لاتشغلينه
فيها فهنا لايتعدى امرين إما بيزعل عليك ويحملك الغلط او بيزعل على اهله ويمتلي قلبه عليهم وانتي طبعاً ماترضين بالظلم لكن اذا صار شي ماتقدرين تتحملينه اشرحي له الموضوع بهدوء بدون انفعال او تعدي واشرحي وجهة نظرك ووضحي حسن نيتك وانك حريصة عليهم زي حرصك على أهلك وأكثر وأنك علشانه ممكن تتحملين كل شي ‍‍‍‍‍‍‍‍‍...
السؤال الثاني ..ممكن طبعاً انك تتدخلين بشكله الخارجي بطريقة لطيفه وغير مباشرة عشان مايزعل اذا كان حساس ..
مثلا اذا شفتي شي بالسوق وانتي معه ممكن تقولين له هالشي حلو ليه ماتجربه او ودي اشوفه عليك ..
ا1ا لك خاطر بقصة معينة لشعره او دقنه ممكن تقولينها قبل لايروح للحلاق .. بشكل لطيف وايضاً قبل هذه كله اذا ابدى رأي في شكلك الخارجي او طلب منك تغيير شي تقبلي ولاتتحسسين عشان يصير الموضوع عادي بينكم ..

السؤال الثالث .. اذا بغيتي ينفذ لك طلب لاتطلبين منه شي الا وهو راااااااااااااااايق ومبسوط ومقبل عليك مو مخه بشي ثاني او توه جاي من عمله (تافل العافية ) ولا دايخ بينام ولا جوعان وقاعد يتغدى .. ولا قاعد يشوف الأخبار موب لمك اصلاً ولا توه صاحي من نومه يالله صباح خير والا في السيارة والدنيا زحمة وهو زهقان ومركز على السواقة .. واطلبيه بأسلوب حلو مو بصيغة الأمر ترا الزوج مايحب صيغة الأمر من زوجته يحب صيغة الطلب والثناء .. هذي مبدئيأ وبعدين انتي تقدرين تعرفين زوجك مع العشرة .. ومتى تقدرين تطلبين الشي وكيف بحيث مايرد طلبك .. ونفس الكلام اذا جيتي تعاتبينه على شي سواه وضيق صدرك .
شكلي طولت عليك وصدعت راسك بالكلام ..

شوي وارجع لك ..

اهلين زهودة ...
نكمل الدروس .. ترا كلامي هذا من تجارب واسعة .. وبعد سنوات من الزواج .. ومع زوج عصبي .. وحساس ..
السؤال الرابع .. طبعاً اذا طلب منك شي اكيد يبغاك تسوينه عشان كذا اسمعي الكلام ولاتعاندين عشان مايحس انك عنيدة وغير مطيعة
وبعدين صعب تغيرين هالفكرة وتشيليها من راسه .. وبعدين اذا مانفذ طلباتك ممكن تذكرينه بطلبك وتقولين له انك تتمنين ينفذ طلباتك ويحرص عليها زي مانتي حريصة على تنفيذ رغباته وأوامرة ..وزينة الشي اذا جاء في وقته مو اذا راح الوقت ونساه ..

السؤال الخامس .. الرجال عموماً يفهمون سواليفك عن خواتك او صديقاتك انها مقارنة بين حياتك وحياتهم او تلميح الى شي معين هم مقصرين فيه حتى لو مو قصدك تقارنين عشان كذا لاتكثرين منها .. بعدين يحس بالنقص او يزعل .. ويتنرفز .. ونتي ماتدرين وش لسبب ..
فلا تكثرين منها ..
السؤال السادس .. ممكن اذا بغيتي الشي تطلبينه مباشرة (راجعي السؤال الثالث) بطريقة حلوة وحركات الانوثة والدلال بعد ماتقدمين له كيكة يحبها او عصير يفضله .. وان كان في الموضوع تفاصيل متبغينه يدري عنها لاتذكرينها .. خلي طلبك بدون تفاصيل يعني مختصر . وبعدين اذا عرفتيه بالعشرة تقدرين تحددين الطريقة اللي تناسبكم ..مع اني افضل الطرق المباشرة بدون لف ودوران .
فيه شي مهمممممممممم جداً ماسألتي عنه وهو التصرف اثناء زعله الله لايجيب الزعل بينكم لكن لو حصل لاسمح الله :
1- عليك بالصمت ثم الصمت ثم الصمت اذا عصب او زعل لاتردين عليه مهما قال او غلط بحقك .. ولايحس من صمتك التجاهل او الاستهزاء

بالعكس اسمعي بس لاتردين لعدة اسباب: اولا لايمكن انه يسمع وش تقولين حتى لو كلامك صح .. لأنه معصب ثانيأ الصمت نقاط تحسب لك وليس عليك لأن الصمت ماتندمين عليه زي الكلام (ماقد ندمت على سكوتي مرة ًً .... ولقد ندمت على الكلام مراراً) وممكن انتي ايضًا تعصبين وتقولين شي غلط وهذا اللي مانبغاه ثالثا اذا هدأ بيحس بغلطه ويحاسب نفسه وممكن حتى يعتذر لك لكن لو انك تكلمتي بيقعد بدل مايحاسب نفسه يفكر بكلامك ويعطي نفسه العذر في التعصيب والغضب وممكن يحملك انتي سبب غضبه وانتي ماسويتي شي بس رديتي عليه ؟؟ فهمتيني؟؟
2- في حالة الزعل لالالالالالالالالا تقصرين ابدًا في حقه او في حق بيته خلك مثل العادة واحسن بعد موتزعلين على الدنيا كلها ولاتلبسين زين ولا تطبخين ولا تهتمين بلبسه وشؤونه ابداً بالعكس عانديه بالصبر وتشوفين ان ماحطك فوق راسه وجا يراضيك
.. افصلي بين المشاكل وصغريها بدل ماتكبيرنها وتدخلينها في كل شؤون حياتك ...
3- مو نقص في حقك او كرامتك اذا بديتي بالصلح ابداً .. وبقولك على سر ترا اصعب شي على الرجل الاعتذار .. فلا تتوقعين منه انه يجي ويراضيك زي ماانتي تتوقعين او تشوفين بالقصص والافلام .. ممكن يعتذر بطريقته الخاصة مثلا يجيب لك شي تحبينه او يشتري اغراض البيت او حتى يحط القناة اللي تحبينها ويغير الاخبار(تنازل قوي ‍‍‍‍%%%%%%) .. بس بتعرفين انه ندمان وبعدين ممكن تبدين بالحسنى .. وهو يكمل .. وصدقيني بتكبرين بنظره جدا ً حتى لو ماقالك ..
واخيرا بعد ماصدعت راسك بالكلام اتمنى اني افدتك واي سؤال حاضرة والله يوفقك ويسعدك يارب......

اختي العزيزة . .

ساجاوب على اسئلتك . . واحد تلو الآخر . .



السؤال الأول: كيف الفت انتباه زوجي واكسب محبته؟

بحبك له . . و طاعتك له . . و احتراااامه . . و عمل ما يريده منك . . و التفنن في ارضاءه . . و بحبك لاهله . . و مساعدتك و قربك منهم . . و بمشاركتك افكاره . . و الا تنشغلي عنه ابدا . . و بمظهرك الجميل . . و رائحتك الزكية . . و ابتسامتك الدائمة . . و تشجيعك الدائم له . .




السؤال الثاني: هل لي الحق في التدخل في مظهره الخارجي ؟ وهل هذا يزعجه؟

لك الحق و لكن بحدود . . فالرجل يختلف عن المرأة . . يجب عليكي ان تطلبي منه ان يلبس ما تريدين بطريقة غير مباشرة . . مثلا عندما يلبس شئ يعجبك . . تقولين ان شكلك جدا رائع بهذا اللبس . . و ليس ان تطلبي منه ان يلبس . .


السؤال الثالث: إذا بغيت منه شي أو ينفذ لي طلب متى أطلب منه ؟ وكيف الطريقه؟

عندما يكون مزاجه هادي . . و يكون في صيغة حب و مودة . . و هدوء . .



السؤال الرابع: إذا طلب مني طلب وأنا قادره عليه هل أنفذه له على طول ولا أقارن بيني وبينه . أو أخليه ينسى الموضوع وبعدين افاجأه أو انفذ له طلبه من بعد مانساه؟

من اكبر الاخطاء ان تقارني بينك و بين زوجك . . . . عندما يطلب الطلب نفذيه على الفور . .



السؤال الخامس: هل كثر الكلام عن صديقاتي يملل زوجي مني أو يحسسه أنه مايقدر يوفر الي أحتاجه مثل صديقاتي؟؟

تكلمي عن صديقاتك قليلا . . و لا تكثري الكلام عنهن . . حتى لا يظن ان تفطيرط دائما مع صديقاتك . . و هذا لا يعني ان لا تتكلمي عنهن . . فالزوج يحب ان تتكلم المرأة عن صديقاتها . . و لكن كلميه اكثر عن عمله . . و عن ما يخصة . .


السؤال السادس: إذا بغيت منه شي يسويه كيف اخليه يسوي إلي انا ابغاه بدون ماهو يدري أنا قاصده هالشي ؟ يعني بطريقه غير مباشره.

مثلا . . اذا تبينه يسفرك . . قوليله صديقتي فلانه سافرت لهالدولة . . و تمدحها . . و يقولون جوها رائع . . و اسعارها رخيصة . . و هكذا . . و هو راح يحس و يعمل لك مفاجأة . . . .



ان شاء الله اكون فدتك . .

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

الاخت زاهده بالحياة الزوجيه مافي قوانين
يعني خليك على طبيعتك مع أحترام رغبات الطرف الآخر
أخوك رام

__________________

الشام كنانتي من أرادها بسوء أصبته بسهم منها

عليك بنصائح الأخت :al7la
والأخ : Dihn Al 3ooD

فعلا رائعة وتوكلي على الله ..

وأقول لك " بارك الله لكما وبارك عليكما وجمع بينكما في خير "

وبالتوفيق

أختي زاهده أسئل الله أن يديم سروركما .

و أعلمي أنك مع زوجك شركاء للأبد . و الرجال يختلفون في بعض الطبائع لكنهم بشر . و لكي تسعدي في حياتك الزوجيه عليكي بإسعاده . و لكي تسعديه عليكي بطاعته . الله الله على الزوجه الطائعه .

أما باقي الأسئله لا أعتقد أننا قد نفيدك فهذه مهمتك . يجب عليك فهم زوجك .

و شكرا

__________________
000علمتني الحياة 000 كيف اتكيف معها000

مشكوره اختي حلا على مشاركتك وإعطائي بعض النصائح . ترا والله استفدت وايد من أجوبتك على اسألتي.
وجزاك الله الف خير . والله لايحرمني منك .

تحياتي: زاهده.

أحب اشكر أختي دهن العود والأخت الخبيره والأخت رفيقة العمر والخ رام وأولفو على ردودهم الرائعه والمشجعه صراحه.

وأحب اقول للأخ رام صحيح ان كل مره المفروض تفهم زوجها عشان تكسبه . بس عشان تكون عندي خبره أو في اشياء أبي أفهمها مافيها شي لو سألت عنها .

ومثل مايقول المثل اسأل مجرب ولاتسأل طبيب.

ومشكورين مره ثانيه والله لايحرمني منكم .


تحياتي: زاهده.