السلام عليكم ورحمة الله وبركاته
ماكتبت موضوعي الا لما شفت العقول الناضجه هنا وانا متاكده اني بلقى حل لمشكلتي هنا بعد الله
بعطيكم مختصر عن حياتي علشان تعرفون القصه الكامله
زوجي طيار عمره 34 انا متخرجه جامعيه عمري 25 صارلنا متزوجين خمس سنين عندي ولدعمره ثلاث سنوات
زوجي انسان مايعجبه العجب فيني كل شي اسويه له يعتبر ناقص في نظره يحاول يحتقر شكلي ولبسي
وانا مطنشته بتقولون ليه لان بالمختصر مافيني شي ينعاب موغرور ورب الكعبه لاكن بقولكم وانتو احكمو
من تزوجته وانا محافظه على شكلي وجسمي حتى لما ازيد كيلو او اثنين على طول ارجم علشان تروح نظيفه بجسمي وبشكلي كل اسبوعين من تزوجته لازم اروح المشغل اغير بشكلي بدكير وقص وتنظيف لبسي دايم ماركه ذوق وستايل دايم ابدعله بقمصان النوم *** معليش يمكن تجرئت بكلامي
نظافة بيتي الحمدلله والله مو مدحه لنفسي بس اقسم بالله ماعمري نمت بدون مانظفه عمري مانمت وفيه فنجال ماغسلته عمري مانمت ودورات المياه وانتو بكرامه مو نظيفه هذا من غير ريحة البيت
حبوبه عند الكل متفوقه بداراستي ولدي ماهملته اثناء دراستي وفوق ذالك عمري ماقليت ادبي عليه او على اهله ولا عمري رفعت صوتي عليه ***هذا من ناحيتي
من ناحيت زوجي كريم جدا لدرجه احيانا يحط بيدي من خمسه الاف الى سته علشان اغراضي الشخصيه
ولاعمره سال عن الباقي حتى لو يعطيني الخمسه اليوم وارجع اطلبه فلوس اليوم الثاني يعطيني ولا يسال
يمكن هذي الصفه الوحيده الي في زوجي
مثل ماقلت لكم هو طيار ويجلس من يومين الى ثلاث وهو مسافر لاكن من اخذته يجلس اسبوع مسافر
اتصل على المطار يقولون انه واصل من ثلاث ايام طيب وين راح الاخ عند اهله نايم ومبسوط ومرتاح
مايدري ان فيه ادميه بالبيت تستناه اتصل عليه مايرد الين اتصل على بيت اهله بعدها يجي البيت
ويسوي هوشه كبيره ولايسمعني ولا يتاسف ويرجع ينام ببيت اهله
يحاول يهيني بقدر مايقدر بالبيت او بسوق والله ورب الكعبه مره وحنى بسوق بوسط المول وليلة العيد عاد تعرفون ليلة العيد كيف تكون من الزحمه
كنى نمشى وجاه اتصال ووقف يكلم طولماهو يكلم كان يمشي حولي ولما قفل ضيعنى والسبب منه هو
لانه دخل بزحمه ولما شافني تكلم علي بصوت عالي كل الي بالمول شافوه وتكلم بكلام ماينقال انا سكت لاني
لو رديت عليه بكلمه ممكن يضربني
ويحال يهيني قدام اهله كثيررررررررررررررر
تعبت منه دايم يهيني ويقل من قدري قدام الناس والله لما اتذكر اقوم اصلي وادعي عليه الله يشل لسانه
وفوق ذالك صايده عليه اكثر من مره انه يكلم بنات واروح لهلي ويرجعني
وعيوبه كثيرررررررررررررره وفوق ذالك بخيييييييييييييييييييييييييييييل عاطفيا
اخر مشكله كانت في بيت اهله لما روحنا لهله ماكان بينى شي ولما دخلنا قلتله بتاخذ الولد قال لا وولدي الله يهديه مارضي يجي معي كان يبكي بعدين اخذه
شوي وانا جالسه بالمجلس مع اخواته وحريم اخوانه اسمع زوجي يقول وين الملعونه وين الغبيه وين الكلبه بصوت عالي خرجت عليه ابي اشوف وش السالفه الا وهو معطيني كف قسم بالله اني شفت الدنيا تدور
انا هنا جلست وبكيت وقلت ليه وش سويت قال الولد كان يلعب كوره وطاح قلت هو تعور قال لا بس طاح ليه يطيح يعني تضربني وتهيني علشان الولد طاح وصار يضربني بشكل هستيري ورب الكعبه انه شالني من الارض ورجمني على الارض باكبر قوه معه
انا هنا قمت اصيح بدون شعور قهرني قام ينافخ يقول امشي بيت اهلك والولد والله ماتشوفينه لما سمعت انه
يبي يحرمني ولدي اخذت ولدي ورحت ركض على الحمام وسكرت علينا وهو يصيح باعلى صوته حتى اهله ماقدرو عليه المهم انا حلفت لو مايجيبون جوالي لاقتل ولدي وانتحر والله كنت ناويه اسويها خلاص فلتت اعصابي
وهم من الخوف جابولي الجوال ودخلوه لي من تحت الباب
اتصلت على اخواني كل الي قلت لهم وانا ابكي الحقو علي بيذبحوني انا عند اعمامي والله ماهي عشر دقايق الا واخواني الاربع عند الباب وكل واحد منهم معه سكين ابوي كان مسافر
ولما خرجت معهم قلت لاخواني ابغى ابلغ فيه وفعلا روحنى المستشفى صار فيه كسر في اصبعي ورضوض بجسمي هذا من غير الاضرار الي سببه لي في عيني حسبي الله عليه
هذي قصتي معه
جلست تقريبا شهر وبلغني ابوي انه لازم اروح المحكمه لانهم استدعوني
ولما رحت كان موجود والله ياناس انه يبكي مثل البزران ويبوس ارجولي ويدي ويطلبني اسامحه وارجعله


طولت عليكم بس انا من ناحيتة ماعاد احبه اكرهه والله اكره الارض الي يمشي عليها
بس الي كاسر ظهري ولدي مقدر اعيش ساعه بدونه والله ماتخيل انام ماهو جنبي هو الي خلاني اتردد
ابوي يقولي الخيار لك لاكن حطي في بالك لو كان خيارك الطلاق والله العظيم ماسخى فيك ولا في ولدك والله ماخلي احد يحرمك منه والله لصرف عليه وعلى اولاده واولاد اولاده وانتي بكيفك صارلي قرابة سبع شهور عند اهلي والله العظيم انه ابوي هو الي متحمل مصاريف ولدي كلها ويعامله احسن من معاملته لاخواني حتى الفلوس الي يرسلها زوجي ابوي حالف يحطه في البنك باسم ولدي ولا يصرف منها ريال
اخواني مافيه منهم قلوبهم طيبه ويموتون في ولدي ويويلي اذا زعلته كلهم يزعلون علي
وارجع اقولكم الي خلاني متردده ولدي ولدي ولدي ماقدر افارقه لو ساعه
انصحوني اخاف يجي بكره اتندم واقول ليتني عطيته فرصه اخيره
يوم الثلاثاء بروح المحكمه والقرار لي اذا طلبت الطلاق بيطلقني واذا سامحته يحقلي اشرط الي ابي

غروب

ياقلبي كثير حزنتيني

الله يفرجها عليك

زوجك يالغلا مدمن خمر ولا

بصراحه تصرفه ببيت اهله مو عدله ابد

طيب وخلال جلستك ماجا يشوف ولده

اهله ماتدخلو

اللي سواه فيك مو هين واخاف اقولك عطيه فرصه اخيره واندم استخيري ياقلبي

وبالنسبه لولدك مايقدر ياخذه ولاكمل 7 سنين يخير

والله يكتبلك الخيره

__________________
ليتك بعمري ثلاث اشخاص ما املك

واحد معي دوم

وواحد روحي يملاها

والثالث بجفن عيني....لا فقدت حسك...اوغمض الجفن جاني فيك يتباهى

مو بس احبك,,,,

انا والله من حبك احب حتى الارض اللي تاطاها

لا مو مدمن ولا يشرب شي وبكامل قواه العقليه
اهله اخر محاوله لهم كانت امس ماتركو احد ماتوسطو عنده علشان ارضى
من ناحية انه جا لا
لانه ابوي واخواني مهددينه عمي ابو زوجي دايم يجي ويجيب معه اغراض وفلوس لولدي ولي

بما انك طلبتي مشورة الاعضاء

انا بقولك الصراحة ولارح أخبي عليك

الرجل اللي يمد يده مره .. بيمد يده مرات

فكري عدل بحياتك واذا قررتي ترجعي له كتبيه تعهد بالمحكمة يوقعه بوجود شهود ما يمد يده عليك مره ثانية

اخذيها من مجربه


الله يصبر قلبك ويبري جروحك النفسيه .. انا عن نفسي كل ما اتذكر اللي صارلي من كدمات وضرب واهانات برغم اني مع زوجي واحبه واموت فيه يموت شيء بداخلي

الشعور ما يعرفه إلا من ذاقته


الله يخلي لك اخوانك ووالدك .. ويديمهم لك عزوة وسند

__________________
هدية Beta لكم موضوع يحتوي روابط كل مواضيع والدنا المستشار الفاضل رجل الرجال
http://www.66n.com/forums/showthread.php?t=227929

بنت ابي
الله يجزاك خير على الدعوه
من ناحية حبه والله معاد في قلبي له شي الا كره وحقد عليه

أنا ما راح أقول شيء لأني بردت قلبي ودعيت عليه ولعنته إلين ما قلت بس !!
ياليته زوج بنتي بس عشان أجرب أهين رجال قدام الناس كلهم !!

__________________

والله يا اختي الله بهون عليج ويفرج همج


والله ما الومج لو كرهتيه لان هذا اقل من يزاه

انصحج عطيه درس قوي واذا طلقج قومي حطي حرتج في نفسج وشكلج اكشخي والبسي

وخل يوصله خبر ان ممكن تتزوجين باي وقت

خل يحس بغلطته

والله الريال اذا ماشاف العين الحمراء راح يقلب حياتج جحيم


الله ييسر امرج

__________________
لا اله الا انت سبحانك اني كنت من الظالمين

ياربي دمعت عيني وانا اقرء قصتك تصرفات زوجك غريبة ومندفعه

مادري شو اقولك سوى اني ادعيلك بانه يغير حالك لأحسن حال

والله يحفظ ولدك الغالي

رح يرجع يضربك مره تانيه وقت ترجعي

وابنك لا تخافي عليه الله يطول بعمر اخوتك ووالدك

الله يديم المحبه بينكم

كل اللي ذكرتيه ما في شي يشفع له انو ترجعي

على فكره لو تزوج رح يفعل فيها نفس الامر

__________________
http://live.gph.gov.sa/
اللهم اني استودعك اولادي

زوجك مريض نفسي وممكن يعاني من ضغوظ بصراحه لازم يوقف عند حده وممكن تعطيه فرصه بس لازم شررروط قويه