السلام عليكم
ياهلا فيكم أن شاءالله تكونون بخير
ضايقة فيني وحبيت تشاركوني همي ومشكلتي
تدعون لي أو تساعدوني وتفسرون لي حالة زوجي
أنا متزوجه من 4سنوات وعندي ولد عمره الان سنتين
من سنه ونص صارت مشكلة عادية ورحت أزور أهلي وزوجي ماجاء ياخذني لأنه لإزال زعلان
أرسلت له كم مره مايرد علي
كلمه أبوي لكن زوجي رفض أحد يتدخل بينا وطنش أبوي مايرد على اتصالاته
وأنا مأكلمني ولاشيء
المهم طول هالسنه والنص لو أرسل لي شيء فهو
عشان أرسل له صور لولدي
وإذا قلت له تعال نتفاهم او عطني ورقتي ماعاد رد علي
وبعد سنة وشهرين قالي بمر أخذكم وإنسئ اللي صار
وطبعا صعبه بعد كل هاللي صار فجأة ارجع معه
قلت كان لي مكانة عندك تعال خذني من أهلي و ما رد علي
هالإشهر الأخيرة صرت اطلبه الطلاق بشكل رسمي
واقوله عطني ورقتي أو بنضطر نروح الشيخ لأني يأست من أنه يجي للتفاهم
وللأسف ماالقى منه إلا التطنيش
حسبي الله ونعم الوكيل
والله مدري ؤش يبي بالضبط لإجاني يكلمني ولاكلم أبوي ولا طلق
والله ماودي أكون مطلقة لكن ؤش اسوي هو ماجاء
مدري وين كان حبه لي وحنانه علي !
أو كان يعوضني عن الضعف اللي فيه بكلام الحب
اللي كان مغرقني به ؟؟؟؟
وأنا متأكدة أن نفسيته تعبانة وانه ميت على ولده يبيه ولكنه صااااااامت
وللمعلومية أهله ماتدخلوا أبداااا ولا حتى سألوا عن ولدي
وش تفسرون حالته ؟
مريض نفسي ؟ معيون ؟ مسحور ؟ وإلا ايش
الله يعافيكم محتاجة آرائكم
احنا الان ناوين نوكل محامي لطلب خلع
نفسيتي تعبانه تماما وصرت عصبية وماعاد أركز
اللهم أني فوضت امري اليك