السلام عليكم ورحمة الله وبركاته
اعتذر عن انقطاعي من المنتدى فترة طويلة
بالنسبة للمشكلة التي سوف اطرحها لكن واتمنى منكم الحوار والنقاش باسلوب متفهم ..مشكلتي هي علاقة زوجي بوالدته .. من تزوجته وهو مو طايق امه واعتقد حتى قبل زواجي ...قبل يومين صارت مشكله بينهم قام زوجي يسب ويلعنها ويغلط عليها وانا كنت بيت اهلي ..يوم جيت قال ممنوع تنزلي عند امي قلت ليش بس ماحكى لي ...طبعا انا نزلت بجون علمه قلت اسلم عليها بحكم اني جيت من عند اهلي متعودة اسلم عليها .. نزلت ومعي هديه بيدي لها شفتها تصلي انتظرت لما خلصت صلاتها وسلمت على راسها وجلست التفت لي الا عيونها مورمة ووجهها منفوخ قلت لها سلامات ايش فيك ماتكلمت ...عطيتها هديتها قامت قالت شي من فلوس زوجك ماابغاها .. انا بكيت وطلعت بيتي . شوي الا يدق الباب فتحت طلعت عمتي جايبه كل الاغراض الي زوجي اشتراها لهن طول هالسنوات ورمتها على الارض ..قالت اي شي من زوجك مابغاه ...وانا متفاجئة ....ماادري ايش المشكلة ..جاء زوجي وسالته ايش صار قام يسب ويلعن في امه ويقول لازم ترجع لي كل ريال صرفته عليها .شوي وتجي عمتي تدق الباب وتعطيني فلوس وتقول هذا نصف الي صرفه عليه والباقي بعطيه تقسيط كل شهر .. انا كنت راح انجن. هذا مو اول موقف يمر عليه بينهن سبق وتزاعلوا وتراضوا بس هذا اكبر موقف يصير بينهن ...زوجي مايحترم امه ولايقدرها ودايم يسب ويلعنها زوجي مايخليها حتى تركب السيارة معه ولو ركبت بالغصب وهو ماد بوزه شبرين .. انا انصحه بس كمان يسبني وبلعني معها ...ماادري ايش اسوي وكيف اتصرف ..تعبت من عقوقه اخاف بكرة يجيني ولد عاق لي ...يكفيني عقوق ابوه ..المشكلة هو بكرها والمشكلة ربي مارزقنا بعيال ... ساعدوني واعطوني الحل الشافي ....شاكرة لكن سماعي ...

__________________
‫أُصِحِآب آلَفكاھہ ؛ هُم أَشْخَآص أُصِيْبُوا ، بـَ ھلوَسة الْجُرُوح فَضَحكوَا‬

لا حول ولا قوة الا بالله

هذي امه جنته وناره

رح يجيه عيال يعاملونه بالسوء اكثر من معاملته لامه

الله يهديه

حاولي تنصحيه وتقولين له ايش هي عقاب العقوق

ابوه عايش؟

__________________
الحمد لله..اللهم صل على محمد و ال محمد

التفريغ المنهجي

دينه عند امه اكبر من هداياه ,,, لو يقضي عمره كله ما يسدد نصفه

زوجش معمي القلب والبصيره ,, الله يشفيه .. لا تسوين ولا تصالحين بينهم ,, مصيره بيحس بس خلي الدنيا تلعب فيه شوي


وهو بيعرف ان الله حق

__________________
وهل من مصير اخر ؟

ابوه لسه عايش بس ماكنه عايش
مرات احلم بالاطفال وبس اشوف عقوقه يتبخر الحلم جواتي ويموت بسكات

والقاعده بحياتي امشي عليها ....كل شي بالدنيا سلف ودين . وكما تدين تدان

__________________
‫أُصِحِآب آلَفكاھہ ؛ هُم أَشْخَآص أُصِيْبُوا ، بـَ ھلوَسة الْجُرُوح فَضَحكوَا‬

اطلعت على موضوعك السابق
يبدو ان عقوقه لامه ليست المشكلة الكبيرة الوحيدة التي مازالت مفتوحه
هناك غيرها
حل مثل هذه المواضيع بحاجه لمستشار اسري
اسال الله لك التوفيق

__________________
الحمد لله..اللهم صل على محمد و ال محمد

التفريغ المنهجي

اعوذ بالله من حاله وفاله
والله دام انه انكر جميل امه الي مغذياه من دمها
بيجي اليوم الي ينكرك الافضل تتركينه لان وضعه مايطمن وخلي شرط رجعتك له برضا امه عليه
من حقك ماتتمنين الولد لان فعلا بيكون ولدك عاق

لاحول ولا قوة الاباالله ليش كذا لايكون في زوجك شي انتي لازم تنصحينه وتفهمينه إنّو هاذي أمه وممكن يجيه ولد نفس ماهو جاي يسوي بأمه يسوي معه كذا وما ستبعد انه بعد ماتكلمينه يطلقك الله يعينكم يارب

حاولت اتفاهم معه انصحه بس يعصب ويشتم ويسبني ....ويقول انا ماعندي ام ولعاد تقولي كلمة امك قولي الحرمة الي تحت

__________________
‫أُصِحِآب آلَفكاھہ ؛ هُم أَشْخَآص أُصِيْبُوا ، بـَ ھلوَسة الْجُرُوح فَضَحكوَا‬

استغفر الله
ليتها تطرده من البيت
يتمنن بصرفيته
حبيبتي ماراح يتوفق بحياته دامه كذا