السلام عليكم ورحمه الله وبركاته

طرحت موضوع بعنوان ((أنا في ضيق لايعلم فيه الا الله.........))

أنا أول مره أذكر مشكلتي هذه ولها تقريبا سنه بس خلاص احس اني ماعاد اقدر اتحمل سكوت اكثر من كذا

البدايه اني تزوجت من رجل ذا دين والحمد لله محترم ومن عائله محترمه ومعروفه وصاحب وظيفه مرموقه

صارت حياتنا جميله هادئه الى ان انجبت طفلي الأول بعد سنتين من الزواج بعدها بديت أتضايق من زوجي ليش ؟لأنه صار يدقق في كل شي مثلا يقول لي أكل الولد اليوم زين واذا صار تعبان يقول لي عطيتيه العلاج اليوم ومن هالأمور طبعا أنا قلت يمكن شايف مني تقصير ولاشي ويبي يذكرني هذا مشيته وقلت يابنت لاتقعدين تدققين في شي تافه وتخرببين حياتك

وسارت حياتنا طبيعيه

وأثناء ذلك كان يفكر بالبعثه طبعا انا شجعته فقال لي: عادي تتركين أهلك سنه وبعدين تجين زياره بس شهر ومن هالكلام ,,, قلت له: عادي طبعا كل شي يهون عشانك



بعدها بثلاث سنوات جبت بنت فصارو طفلين الله يحفظهم ويوم كنت حامل بالبنت كنت في أول الشهور نقل عمله للجامعه على أساس أنه سنه يدرس في الجامعه وبعد السنه تحق له البعثه بدأت أطلع بعض الأشياء من البيت لانه خلاص نبي نطلع من البيت وقعدنا عند أهله الى ان ولدت


بعد ماولدت باسبوع تقريبا قال لي ان قرا ر الابتعاث طلع واحتمال كبير نسافر بعد ماتقومين بالسلامه
وفعلا بعد ماخلصت الأربعين باسبوعين سافرنا

هنا المشكله
سفرنا كان يتطلب 20 ساعه طيران طبعا هذاك اليوم طلعت وأنا مروقه وماابي أحسسه انه ضايق صدري عشان أهلي وكذا,,,,,
يوم وصلنا للدوله اللي قاصدينها ونزلنا في المطار طبعا أخذنا العفش وراح يسوي الجوازات فجاء وقالي لي امسكي العربه حقت الشنط فمسكتها بيد واليد الثانيه شايله فيها بنتي طيب وقال لي امسكي الولد قلت:ماأقدر وشلون؟؟؟

فعصب وقال للولد: تعال أنت وأمك ذا البلشه. انا طبعا لا شعوري بكيت
وش ذا الكلام أنا صرت بلشه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!
بس خلاص من عقبها أنا انقلبت نفسيتي وتخيلو قعدت أسبوعين كل اللي بيني وبينه السلام عليكم ورد السلام ووجبه الغداء والعشاء فقط فقط فقط
تبي تقولون لي طيب ليش ماقلتي له ؟؟؟؟ صدقوني ماقدرت أتكلم وهذه مشكلتي اني مااقدر اتكلم ماأقدر أصارحه
وأقول ليش أنت سويت كذا؟؟؟؟


بعدين طبعا هو طفش وقعد يكلمني وصوته عالي شوي فمارديت عليه طبعا عصب فقلت له ماأقدر اتكلم وأنت معصب وتصارخ لما تهدأ نتكلم فلما هدأ قالي وش فيك تغيرت وحالتك النفسيه سيئه تبغيني أرجعك لأهلك رجعتك وأصير أشوفكم في الزيارات بس اذا كان هذا اللي مضايقك
فقلت له : لا موب هذا اللي مضايقني قال اجل وشو اللي مضايقك فقلت له السبب
تدرون وش قال؟؟؟؟؟

قال: ضحك طبعا وقال الحمد لله هذا اللي مضايقك؟؟؟
قلت :ايه
قال: أنا توقعته الحين شي خطير
أنا قعدت أبكي ((طبعا هاذي نقطه ضعفه اذا شافني أبكي أرتبك ولا يدري وش يسوي ويضيق صدره مررررررره))

بعدين قال لي خلاص اسف ((لاحظو انه قالها بسرعه وكأنه يقول خلاص اسكتي))

بس أحس اني الى الان ضايق صدري من كلمته!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!




المشكله انه اذا صدر منه موقف يزعجني ماأقدر أقوله لأني كذا مره جربت وكلمته ومايقتنع ويجيب حجه ويسكتني مع اني أنا موب مقتنعه فيها

وراح أذكر موقف ثاني ضايقني مره بعد أن أخذ رأيكم في اللي صار

وش رأيكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سبحانك لا آله الا انت استغفرك واتوب اليك

سبحانك لا آله الا انت استغفرك واتوب اليك