السلام عليكم

هذي مساحه لتبادل الاراء والخبرات للمتزوجات وطريقة التعامل مع الجنس الاخر ...

مثلا عندك تساءل اطرحيه والعضوات بيفيدونك ..

ابدا أنا
بغيتي تطلعين ترفهين عن نفسك ..ونفسك ذاك اليوم تطلعين تغيرين جو سوا لطلعة مطعم او غيره
وش الاسلوب اللي راح تتبعينه ...

تولمين قهوتك وحلاك وعلطول ترفعين السماعه ابو فلان انا مجهزه قهوه وحلا وابي اروح للمكان الفلاني او علطول ماتعطينه فرصة يفكر ياللا مرنا للمكان الفلانيbgh
او اسلوب التمسكن ght

انا استعمل اسلوب الفرض..مثال(يالله نروح المكان الفلاني مشتهيه اكلهم اليوم)او(مجهزه القوه نطلع نتقهوى بمكان ونغير جو) او اقول لعيالي قدام ابوهم البسو جزمكم(اكرمكم الله) بيطلعنا بابا وانا ابتسم اذا نقزو من الفرح مايكسر بخاطرهم الله يسخره لنا ويسخر لكم ان شاءالله😚😘

أطرح الفكرة قدام العيال وما يقصرون يطيرون ويفرحون وغالبا تنفع ومرات لاا

__________________
لامنياتنا بقايا لن تكتمل الا في الجنه

شكرا ريماس على موضوعك الحلو زيك

كل وحده تعرف تتعامل مع زوجها حسب شخصيته مثلا اسلوب الفرض واني احطه قدام

الامر الواقع هذي ماتنفع مع زوجي ابدا ...

اسلوبي معه الترجي ..تكفى حبيبي طفشانه نفسي اطلع اي مكان وتبدأ الاقتراحات للاماكن

وسلامتك .....

موضوع حلو وخفيف ..
طريقتك ماتنفع لزوجي ..
مايحب إني أحطه أمام الامر الواقع ..
لازم اطلب منه مرة ومرتين وثلاث وانتظر موافقته ..
وأظن الود وده أعطيه الطلب خطيا وأنتظر توقيعه بالموافقة .. هههههه

ماشاءالله كيف تفرضوا عليهم ..
انا زوجي لازم اسير زي الحرمة العجوزة امسح على راسو وادعيلو وادلعو ... ولازم يقول لا بالبدايه عشان اطول بالدلع ..
واليوم الي ناوية على خرجة ... اعمل حسابي لازم اغدية تمام .. وينام كويس ... واعملو مساج .. واشحن جواله ...عشان لما يخرجني يكون مروق ..
شغلانة صراحة ...يارب ارزقني بسواق .. قولوا امين

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

طيب اذا زوجك رافض انك تدلعيه وتهتمي به اهتمام زايد

وانت عندك طاقة زايده ناحيته

كيف تتصرفي ساعتها

أتعامل مع زوجي بحجز مواعيد إذا الطلعة بعيد
لو قربنا عاد هو ومزاجه

__________________

بداية زواجي كنت اسلم عليه اذا صحينا من النوم او جاء من برا واعمل نفس الشي مع امه وابوه بالذات في الصباح لانه نفس تعامل اهلي في بيتنا .. وكان يتضايق ويقول يا بنت الحلال احنا مو متعودين بطلي هذي الحركه ..
وبطلت وتعبت حسيت بوحده في ثلاث ايام .. قلت له ما عاد اتحمل لازم اسلم واضم احد ( اتحضن الجدران يعني ) ورجعت لعادتي ..
الحين يلف البيت يدور لي وللاولاد عشان بوسة الصباح ويعاقب اولاده اذا نسيوا ..

المغزى ما عليك منه سوي فيه اللي يريحك وقولي له ما قدامي غيرك .. ومع الوقت بتصير عاده

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

نظامي استاذن من زوجي قبل فتره لانه دايم مشغول
واذا موعد عيادة او كذا كذالك اعلمه قبل بمدة تاصل للاسبوع

والاشياء الطارئه اطلبه منه مباشره تحمل القبول والرفض على حسب جدوله ومزاجه

لكن حركتك ماتنفع ابد مع زوجي والله اني يسوي نفسه مش فاهم ابد ويطلع ويتركني 😁

__________________
سبحان الله وبحمده